ارجوكم ماتبخلوا على بالردود اناتعبانة ومحتاجة لحد ينصحنى...يا رب ساعدنى
انا كنت بحب واحد وهو يحبنى وهو أكبر منى 3 سنوات وكان فيه تكافؤ كبير بيناتنا وتوافق من جميع النواحى : المادى والتقافى والعائلى والنفسى ورتحتله كتير وكنا كتير متفاهمين وقلت اهلى اكيد بيوافقوا عليه لأنه من نفس منطقتنا . وتأخر شوى بالدراسة لانه كان يدرس وبيعمل فى نفس الوقت ووالده حصلتله وعكة صحية خطيرة وبعد معاناة توفى الوالد وهو الكبير فى العيلة والمسؤلية البيت صارت كلها اعليه فضاعت عليه سنة و بعد مانزل مشروع التخرج اتفقنا على الخطوبة وكلمت امى وابوى على اساس بيتقدم بعد 6 شهور بعد مايتخرج ..وهو اعطى العلم لشخصين من عيلته بالموضوع وتمت الموافقة بشكل غير رسمى وفرحنا كتير واطمنا احنا لبعض .....بس
بعد شهرين تقدمولى خطاب تانيين وعلى رأى ناس انهم عيلة ماشاءلله عليهم دين وعلم واخلاق ومستوى المادى اكتر منا بكتير وكذلك العريس دكتور ويدرس فى الخارج.. وأهلى فرحوا بيهم كتير وطلع العريس صديق اخوى وقالوا ادا يبيك الشخص يتقدم ولا احنى خلاص..هدول ناس ماشاءلله عليهم حسب ونسب والكل يبى يناسبهم
بس الشخص اللى ابيه حاول يكلم امه وخواته بس رفضوا لأنه ماراح يتقدموا الا لما يكون كامل من جميع انواحى وحاول يوسط اشخاص من العيلة باش والدته تغير رأيها بس فضلت رافضه..
وكرامتهم ماتسمحلهم يتقدموا ويرفضوهم اهلى ..علما احنى متساويين من ناحية المادية يعنى عايشين مبسوطين وميسوريين مو ناقصنا شى . يعنى فوق المتوسط
بعدين هوا انهار وانا كمان انهرت وحالتنا انفسية تعبااااانة وهو حس انه لا حول له ولا قوة مش قادر يعمل شى وكره الحياة وحس انه فاشل فى الاول خسر ابوه وبعدين انا وتأخر فى الدراسة وفضل يلوم فى نفسه لين خفت عليه والخطاب الجدد كانوا مستعجلين وضغطوا على اهلى وأكتر حاجة انبهروا اهلى فيها انهم اغنياء ومنسابين ناس معروفين .فتمت الموافقة عليهم وانا مضغوطة ومقهورة .... ..والشخص اللى ابيه لا عاد يتصل وحاول ينسحب لأنه مش قادر يشوفنى مع حد تانى غيره...ووحاولو ااهلى يقنعونى انه وعسى ان تكرهو شيئا وهو خيرا لكم وعطونى محاضرات كتير وانا كنت تعبانه نفسيا وبدأت اقرا فى القران لعند ما ربى يطلعنى من الحالة اللى مريت بيها كل يوم عياط كأنه حد مات واللهى..
بعد ايام اتصلوا اهل العريس وتفقوا على يوم تجى اخت العريس وتجيب صورته وأشوفه وانا حالتى انفسية اتحسنت شوى وقلت فى نفسى يلا عسى ان تكرهوا شيئا وهو خير لكم واتوكل على ربى.....بس
بس لما شفت صورته جتنى دوخة وألم فى بطنى وحسيت نفسى بتموت وبديت ابكى وأعيط وقلبى راح يطلع من مكانه مش قادرة اتقبله ياربى... صليت صلاة استخارة وفضلت نفسيتى تعبانة زى الأول وأهلى قنعونى اكلمه بالك ارتاح شوى لما اكلمه فى تلفون ولا علانترنت لانه يدرس فى الخارج ومش رح يكون متواجد الا فى رمضان المقبل ...وفكرت انه الشخص اللى احبه حيكون تخرج وكمل قبل حتى مايجي رمضان
بس لما كلمت العريس حسيت انه ماكانش عنده اسلوب ومايعرف يتكلم وكان اسلوبه هجومى و عصبى ..
يعنى مافيش توافق بيناتنا سئلته ايش رايك بالخدمة ؟رد على بعصبية قال عندنا عيب المرا تعمل...وادا تبى تثبتى نفسك اتبتيها مع زوجك... وبالنسبة للمنتزهات والحدائق قال روحى وتمشى مع اهلك بس معاى لا ... يعنى من انوعية اللى ما يطلعون مع زوجاتهم ...علما انه ابوى مشجعنا علوظيفة وماعندنا فيها لا عيب ولا شى .... واهلى من انوعية اللى يطلعون مع ازواجهم وزوجاتهم للحدائق والمنتزهات ..
واسفة عالاطالة بس وامى وخوى معجبين بيه كتير على اساس عيلة ماشاءلله دين واخلاق وعلم وضاغطين علي وانى ادا رفضته حأكل صوابعى من اندم ..ونا محتارة كتير مش عارفة أقرر ارجوكم ساعدونى انا حالتى تعبانة......يا رب ساعدنى
11-05-2009, 05:17 PM
ضوابط المشاركة
العرض المتطور