مشكله مستعصيه ونبغي من يحلها - منتدى عالم الأسرة والمجتمع

22-03-2004, 02:51 AM

لؤلؤة القلب

عضو جديد

تاريخ التسجيل: Mar 2004

المشاركات: 5

مشكله مستعصيه ونبغي من يحلها

السلام عليكم
لو سمحتوا ياأخوان وياأخوات اريد مساعدتكم في حل مشكلتي
الله يخليكم اريد تجاوب معي لأنها اول مشاركه لي في المنتدى
وماكتبتها إلا لأني محتاجه لآرائكم جزاكم الله خير.
ومشكلتي هي اني مخطوبه من تسع شهور وانشاء الله راح اتزوج في الأجازه
بس للحين ماني قادره اقتنع بزوجي وبصفاته مع اني احبه موت وهو بعد يحبني اكثر ولأنه يحبني يغار علي بزياده
لكن مو هذي المشلكه
المشلكه اني لاحظت عليه من شهر انه متغير علي واحس انه ماصار يهتم فيني ولايحب انه يكلمني كثير مثل قبل واذا زارني بالبيت مايطول مثل قبل ,وصار يصارخ علي ويرفع صوته وبعدين يقولي هو مايقصد ,ولما اطلب منه نطلع مشوار يتهرب ويقول انه عنده اشغال بس هو يروح للقهوه ويجلس مع اصحابه,احس انه صار مايحبني ويبي يتهرب مني مع اني مو مقصره عليه بشي بالعكس هو لاحظ حبي الكبير له ,انا احبه موت واحب ادلعه ,ولما واجهته بالحقيقه انه متغير زعل وصار يزعل لأي سبب تافه ولايتقبل مني اي كلمه,والصرحه اني لاحظت عليه هذا التغير من الوقت اللي بينت له حبي وصرت ماارضى عليه وادلله صار هو بعد يدلل علي ويزعل .احسه متغـــــــــــــــــــــير
ومع ذلك هو يقول انه يحبني ومومتغير
ساعدوني جزاكم الله خير لأنه صرت مو قادره اتحمل وافكر اني افسخ الخطوبه
بس في نفس الوقت متردده لأني احبه ولا اقدر استغنى عنه

نسيت مااقول لكم شي مهم وهو انه يحب انه يعذبني ويكذب علي ويألف قصص عشان يخليني اغار عليه ويرتاح لما يشوفني معصبه بسبب الغيره
ويقول لي انه يحب يشوفني متضايقه او ابكي لأنه بهذا يحس بحبي ويقول انه اللي يحب لازم يتعذب.واني تعذبت ومو قادره اتحمل اكثر
تصدقون انه مااضل يوم كامل مرتاحه لازم يخرب علي ويضايقني
ساعدوني تكفون لاتتأخرون بالجواب علي

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 07:38 AM.

روابط سريعه