السلام عليكم ورحمه الله وبركاته ...
أولا انا عضوه جديدة معاكم واتمنى أجد لي سعه في قلوبكم
انا اتصفح هذا المنتدى بكثرة واقرا المشاكل وردود الاعضاء وثقتي بالله عزوجل ثم في نصايحكم
مشكلتي زوجي وتعامله معاي وخصوصا من ناحيه اهله وبالتحديد والدته .. دايم يحاول يكسب رضاها بس على حسابي مثلا ..لاتحاولين تذكرين لامي انا خرجنا وتمشينا ورحنا وجينا او مثلا اشتريت اغراض لك ..ولما احاول اسأله ليش يعني ممكن امك تزعل يقول لي لا بس عشان ظروفي ماسمحت اني اخذ لها شي ..مع العلم ان زوجي دايم يرسلها من راتبه شهريا. بس قصدة هدايا واغراض مثلي ..
والله العظيم عمي اللي هو زوجها يشتري لها الهدايا ويعطيها قدامنا كلنا ..
عمتي انا احبها كثير واعتبرها مثل امي بس انا مستغربه من حركات زوجي ليش يعاملني كذا مع العلم انه لما يشتري لاطفاله يقولها , بس انا مايجيب لها طاري أبد باأغراضي .
وفيه حركه ثانيه صارت وانتوا احكموا ..
مرة كنا على الغداء انا وزوجي وعمي وعمتي قام عمي اكل عمتي بالملعقه طالعت في زوجي ..طبعا زوجي عمره ماحاول يمدحني قدام اهله ويبين لي حبه ..لما عمتي شبعت وقامت وما بقي الا انا وزجي وعمي قام زوجي ولاول مرة يأكلني بالملعقه قدام اهله ..
ادري اني طولت عليكم بس ودي اعرف هذا الحركات في الرجال كلهم ولا بس زوجي يختلف عن البشر وكيف أتعامل معاه ومع عمتي .
انصحوني جزاكم الله خير .