السلام عليكم ورحمة الله وبركاته
ابي ارائكم في موضوعي انا خاطب واكلم خطيبتي بالجوال واحنا عايلتنا يمنعو هذا الشي
استمر ولا لا

تم تعديل العنوان ليتضح المضمون
الإشراف..

هل تم عقد القران أو بس خطوبة بدون عقد ؟؟

إذا بس خطوبة بدون ملكة وإذا الأهل رافضين أنصحك ما تستمر في هالشي

__________________

باريسا لو قلت اننا مبسوطين كذا

أدري انكم مبسوطين .. ما يبي لها كلام

بس أنت سألت سؤال وأنا جاوبتك

وأنت حر إذا تبي تستمر تكلمها من غير علم أهلها وأهلك .. اوكي استمر .. مين بيمنعك ؟؟

ولا أحد .. إلا إذا أهلها اكتشوفوا ..

وش بيصير موقفك .. ما تعتقد أنك بطيح من عينهم

عموما القرار لك

الله يسهل أمرك وتملك على البنت و تكلمها بعلم الجميع

__________________

اذا كانت زوجتك فلا عليك باحد .. أما اذا كانت لم تعقد عليها , فخاف الله فيما تفعله

لا لا يجوز وفعل محرم لان توقع بدون عقد

لاترضاها علي زوجتك المستقبلية انشاء الله

سؤال

لو علمت ان اختك عملت نفس فعل زوجتك ماذا سيكون موقفك

بهذا الجواب ستعرف تجيب علي نفسك

ترا بالكلام الزايد يدخل الواحد في سوالف محرمة وغير مرضية فلا ترضاها علي

بنت الناس الي بتكون زوجتك

__________________

انا ايضا مخطوبة وحادثت خطيبي بدون علم اهالينا

لكن انا وهو عارفين ان اللي نسويه خطأ وعملناه فقط لانه اراد التقرب مني اكثر وانا كذلك والحمد لله نوينا على انهاء المكالمات وانهيناها الحمد لله والله يثبتنا ويشغلنا عنها الى بعد الملكة يارب

الصراحة هي شي جمييييييييييل وفيه تقارب و محبة .. عارفة بدون علم الاهل خطأ لكن انا وانت وخطيبي وخطيبتك نبي نبني حياتنا على اهم شي وهو التفاهم صح ولا لا ؟ مافي ها شي كلمتها كم مرة تقربت منها بدأت تفهمها وهي كذلك خلاص أتمنى توقفوا عند هالحد .. لو لا ما تقدر وهي كذلك ممكن تستخدموا المراسلة ( بالايميل او الماسنجر ) بس نصيحة لو بدأت تظهر خلافات بينكم بسبب كثرة المراسلة فورا اتخذوا قرار بالتخفيف المتدرج الى ان تمتنعوا عن التواصل نهائيا الى بعد عقد القرآن وتكون حلالك ..

يمكن رأيي مايعجب البعض بس انا قلته لك لاني عشت نفس اللي انت تعيشه والصراحة مو نادمة عليه ابد بالعكس عرفت خطيبي اكثر وهو عرفني اكثر وارتحت له وارتاح لي .. مو نأجل المكالمات والتقرب لبعد الملكة و لو طرف ما ارتاح للثاني او تظهر المشاكل يصير طلاق ! .. اللي عملته بالنسبة لي هو الصح ..

والله يوفقك ويتمم لك على خير و حنا وياكم يارب =) ..

__________________
يارب لِذْتُ ببابك راجية عفوك ورحمتك,خذ بيدي إلى ما أصبو إليه وإرحمني برحمتك التي وسعت كل شيء,اللهم ارزقني زوجاً ولا تذرني فرداً وأنت خيرالوارثين ..اللهم اغفر لمن دعا لي

طيب ليه ماتطلب من اهلها انك تكلمها مثلا بالاسبوع مرتين او ثلاث مرات وقول لهم ابغى اتقرب منها وافهم افكارها وشخصيتها وراح التزم بكلامي مافي كلام غزل ولا شي

وقول لهم وانا عندي بعض الاسئلة ودي اسئلها


ومع الوقت راح يتعاطفوا معك

اتوقع في طريق سهل لك ولها

ليه اخترتوا الظلام وانتوا تقدروا تكونوا بالنور

فعلك هذا لا يفعله الا شخص جبان