اخواني الكرام
بين نارين محبط ماني عارف ايش اسوي
مشكلتي تبداء من زواجي فأنا متزوج تقريبا من سنه وكانت البدايه بالحب والجنون فهي تحبني بدرجه مجنونه وانا اكثر بعد بس بداية المشكله كانت من وقت الملكه تقريبا كانت لي زيارات عندهم بالبيت واتصالات وكان الوضع تمام معها ومع اهلها بعد هذا صارت مشاكل بيننا اقل مايقال عنها تافهه وكنت اقول ياولد كبر عقلك بعدها صغيره علما بأن الفرق بينا 4 سنوات وصار كل مشكله تصير احاول احلها واطيب خاطرها واعتذر منها واقول دام الحب موجود الحياه بتستمر وبكره بتفهم لو الخطأمنها وصبرت وعدت الامور بعدها تم الزواج وتغير الوضع صارت ترد الكلمه بكلمتين واذا زعلت دخلت الغرفه وقفلت على روحها ومره زادت المشكله وقالت كلمه تجرح ومديت يدي عليها والسبب كان تراكمات وزعلت ووديتها بيت اهلها وحلينا المشكله ورجعنا لبعض بطلب منها وادركت انها تحبني بس اذا تحبني ليش تسوي كذا تغار من اي شي من اصحابي من اقاربي حتى من مكالماتي بالجوال لاي احد تتغير ملامحها ليش مايرضيها اي شي وتحاول تقارن حياتنا بالناس الثانيه وصار كل مشكله ودني رجعني حتى مره من المرات قابلت والدي وقالت ابيه يطلقني بدون مشاكل كفايه انه مد يده علي ورجعنا وكررها مع العلم اني قبل كذا قايلها اني انسان عصبي بس بكلمه ارضى وهي عارفه هالشي رد والدي ان الموضوع هذا لايخصه وكلمني وقالي الموضوع وحليته معاها بشق الانفس طبعا تطورت المرحله صارت لمعاملت اهلي خصوصا اننا في بنايه واحده وتنزل لهم يوميا بس على قولتهم رفع عتب تجي ضيفه وساكته ولا كأنها موجوده مع العلم ان قبل كذا كانت عكس ذلك تماما وصارت تتدخل وتسأل خالتي ليش تزور فلانه خالتي ليش تروح خالتي ليش تجيها علانه يعني مشاكل مالها شغل فيها وحاولت اوضح لها كل هالامور واعلمها ان المواضيع هذي ماتخصا ولالها علاقه بالناس سواء اهلي او اهلها ابي حل مع العلم انها تغيرت كثير على اهلي وهم حاسين بالشي هذا ولا زالت تكابر ولا تعتذر وحتى لو تخطي تقول انا ماسويت شي ابيها واحبها بس مهما كان اللي ماله خير بأهله ماله خير بالناس واللي مخليني اصبر اني ادري بحبها لي بس ليش التعامل كذا مع اني ما اردها بشي اذا ماطلعنا اليوم نطلع بكره واهلها ما اردها اذا تبي حتى اني مخصص لها يوم كامل من اطلع دوامي اوديها الى نص الليل وهي عندهم محتار ولا ادري اهلها طيبين بس مشكلتهم ان هذي بنتهم المدلله وهي الصح وانا الخطا حتى بمديت اليد ماتذكروا انها ترادد بالكلام يقولون ليش تمد يدك ؟؟؟؟ تكفون ابي حل