السلام عليكم ورحمة الله وبركاته


وكل عام وانتم بخير بعد الزحمة

جيتكم اليوم محتاجة نصيحتكم

قبل اسبوع كلمنا واحد من اقاربنا الساعة اربعة الفجر وقال باجيب عندكم الشغالة

عشانها هربت من عندهم وراحت الشرطة قلناماعليش يمونون

كانت الشغالة مضروبة وحتى ملابس ماعطوها الا الي كانت عليها لماجات من بلدها


جلست تبكي وتشكي وتقول ماابي اسافر ابي فلوس


ابي اروح لاحدثاني

اتصلت على الحرمة ماترد ارسلت لها رسالة قلت فيه ناس يبونها بعد كم يوم اتصلت تقول والله مااخليها

تجلس في السعودية تستفيد

مع العلم ان الشغالة طيبة ونظيفة ولهاعندهم سنة ونصف بس واحدة من البنات قاعة لها


وكانو يعاملونهامعاملة سيئة وتقول ماعطوها راتب عشرة اشهر

وبصراحة حزنت عليها ولوتدري انهم بيسفرونها يمكن تهرب


طبعا ناس كثير يتمنون ياخذونها راتبها اربع مية ولاهي بذاك السوء

حتى قلت باخليهاعندي مع اني ماني محتاجتها


مدري اش اسوي الحرمة عيت تقتنع انهاتعتقها مع ان عندها فيزة ثانية بتجيب عليها


ماني عارفة كيف اساعدها ولااشيلها من راسي واتركها لقدرها
معليش طولت عليكم

احس الموضوع ماهو مرتب بس لمااتذكر معلومة اكتبها

كلمي صاحبتها وذكريها بالتسامح والعفو اذا كانت الشغاله مخطئه واذا كانوا ظالميها بالخوف من الله

وان تتتنازل عنها بمقابل ولن تخسر شئ من المال بل ستفتح باب الخير لا اهلها

اعانك الله ويسر الله اموركم

سحابة الصحراء مشكورة على الرد

والله اني حاولت معها بكل الطرق وتراها معلمة تربية اسلامية

وتمنى حل عملي

أختي الفاضله ***

المفروض من البداية ما استقبلتي الخادمة ***

وحده هاربه من بيت كفيلها أكيد في مشكلة حاصله منها أو من كفيلها ***

ليش تجيبين المشاكل لنفسك *** الخادمة في ذمة كفيلها وهو المسئول عنها ***

أنتي عملتي إلي يرضي ضميرك ولك الأجر إن شاء الله ***

نصيحه رديها لبيت كفيلها وهو المسئول عنها ***

ومره ثانية لا تستقبلين أي خادمة هاربه علشان لا تقعين في مشاكل وأنتي ليس لك ذنب ***

بالتوفيق إن شاء الله .

زوج عتيق يعطيك العافية يمكن مانتبهت

كفيلها قريبنا هو الي جابها

الىانتحلص اجرائات نقل كفالتها لاحد ثاني بس زوجته رفضت

__________________
ماعدت أنا ..ورقة ليمون , سافر معي , مطلقه صغيره ,
اخباركم

أختي الفاضله ***

حتى لو كان كفيلها أحد أقربائك لا تستقبليها *** حتى لو يكون كفيلها أخوك أو أختك ***

أنتي لا تعلمين أساس المشكله ومن هو السبب ***

قد يكون السبب من الخادمة نفسها والله أعلم ***

أختي فيه إدارة خاصه برعاية الخادمات يستقبلون أي خادمة لديها مشكله ***

ويستطيع قريبك أن يضعها عندهم حتى يسفرها او ينقل كفالتها ***

أنا قصدي حمايتك بإذن الله من شرور الناس سوء من الخادمة أو غيرها ***

هذه الخادمة قد تكون بريئة وقد تكون مخطئه والله أعلم ***

وكفيلها هو المسئول عنها ويتحمل مشاكلها وليس أنتي ***

وأكرر وأعيد لا تستقبيلن أي خادمة هاربه أو لديه مشكله مع كفيلها ***

حتى لو كان كفيلها أحد من أقربائك *** نصيحه لوجه الله ***

بالتوفيق إن شاء الله 0

أختي الغالية اسمحوا لي إني أعترض مع رأيي الأخ أو الأخت اللي يرفض استقبالك لها

الحكاية مو شغالة و كفيلها ، الحكاية فيها ظالم و مظلوم

و الساكت عن الحق شيطان أخرس


يا أختي ، ربنا ما يرضى بالظلم حتى لو كان المظلوم شخص كافر و الظالم مسلم

فكيف إن كان المظلوم وحدة فقيرة مغتربة عشان لقمة العيش ؟؟؟؟؟؟؟؟؟

إن دعتك قدرتك على ظلم الناس فتذكر بأن هناك من هو أقدر عليك


نصيحتي لك لو كنت مكانك ، إني أكلم قريبي إن كانت صلته قريبة مني مثل أخوي أو خالي أو غيره

و أقنعه و هو يكلم زوجته ، أو أكلم الزوجة مع إنه واضح من كلامك إنها وحدة صعبة

و في الأخير إن ما سمعوا لكلامي ، بأتصل على المكتب و أقول للعيلة إنها هربت و راحت للمكتب

و خلاص ، هناك بيتفاهموا مع المكتب أو الشرطة



مين اللي سمح لهم يستعبدوا خلق الله ؟؟؟؟؟؟؟؟؟؟؟؟

انا مع الي قاله اخوي روح الطير
كلامك صحيح 100%
لاتنظري للانسانه على انها خادمه
بل انظري لها انها انسان
اول شي لازم تعرفي من الظالم ومن المظلوم
اذا الخدامه كانت مظلومه عليكي ان تساعديها بلي تقدري عليه
واوقفي معها بقدر المستطاع لان هذه نفس ,, وحرام ظلم الانفس البشريه

اتمنى لك التوفيق اختي
^_^

__________________
::: لا تقنط من الواقع فإصلاح الموجود خير من انتظار المفقود :::

حديث الوقت مشكورة الله يعطيك العافية وفيه ناس كثير يبونها وبيدفعون تدرين اسعارهم كم وصلت


والي خلاني اكتب الموضوع اني مثلك مااتحمل اشوف احدمظلوم

زوج عتيق احترم وجهة نظرك وشكرا على ردك


روح الطير\ ابن المكلا
شكرا على مشاعركم الانسانية والله لوتعاملنا بها مع الخدم ماكان عندنا مشاكل


بعض الناس يعتبرهم كالالة يجب انتعمل باستمرار ولايجب ان تقف او تغلط