السلام عليكم ورحمة الله وبركاته


من زمان عن المنتدى


اعذروني على التقصير والقطاعة لكنكم والله على بالي دائما وعلى كثر المنتديات الي شفتها إلا إن هذا أعز المنتديات على قلبي ..


جايتكم اليوم بمشكلة هي في أصلها طبع فيني من صغري لكنها هالأيام زادت بشكل كبير أثر سلباً على علاقتي بالي حولي سواء أهلي أو صديقاتي !


مزاجية بشكل غير طبيعي !

ينقلب مزاجي في لحظة بسبب وبدون سبب !


بسبب مو مشكلة ،، لكن بدون سبب !!

هذا الي مقلقني !


صح المرأة تمر بأوقات تحوس هرموناتها لكن أنا على الدوام كذا !


تخيلوا مثلا:


أنعزم عند صديقاتي وأقولهم خلاص بأجي ثم في نفس يوم الطلعة أو قبلها بنص ساعة ينقلب مزاجي ويصير مالي خلق أروح !

أو العكس أصير أنا الي عازمتهم وهذي هي المصيبة !

على آخر لحظة يصير مالي خلق أستقبل أحد وأسولف معه !


أخواني الصغار وبنتي متأذين من هالطبع !


إذا صار مزاجي متعكر أعصب وأصارخ عليهم بشكل مبالغ فيه على أشياء ماتسوى !

ثم بعد دقيقتين يتعدل المزاج وأقعد أضحك وأسولف !

والله صرت أستحي من نفسي !

أحسهم يقولون هذي إما مجنونة ولامجنونة !


وش الحل ؟!


وهل الحالة النفسية لها دخل بهالهرمونات ؟

الي أعرفه الهرمونات عي تلعب بالنفسية لكن هل العكس صحيح ؟!


والنفسية مو شرط تكون سيئة لكن تفكير وقلق وكذا !

تصدقون أطول مدة أتذكر إني روقت فيها من أكثر من 4شهور كانت يوم ونص بس !


ثم والله العظيم في لحظة انقلبت وعصبت على شي أغبى من الغبي !

في لحظة ياناس !

متصورين ؟!

كنت عند أمي أسولف وأضحك وطلعت من الغرفة وقابلت أخوي تناقشنا نقاش عااااادي ثم جتني الحالة ومازالت صح تو روقت دقيقتين ثم رجعت مرة ثانية !

حتى قاعدة أفطر مع أخواتي وأنا طاقتني أم العبيد يوم طلعت من عندهم أسمعهم يقولون وش فيها كانت مروقة قبل شوي !!!


الأمثلة كثيرة لو أقولكم بتستغربون !

لدرجة إذا كان مزاجي رايق أبادر إني أسوي الأشياء الواجبة علي مثل اتصال أو طلعة أو أي شغل يستلزم الرواقة !

لأني أعرف إني بعد شوي بأتكرن وماراح أسوي شي !


يعني كأن هالشي خارج عن إرادتي وماأقدر أتحكم فيه !!

وأخاف إن تقلب المزاج بهالشكل الكبير له عواقب عى صحتي النفسية << وسوسة يمكن !

وأخاف تزيد المشكلة وتخرج عن السيطرة تماما لأني الآن باقي فيني قوة أقدر أضغط على نفسي شوي لكني أحسها قلت بشكل كبيييييير عن أول وصرت أسيرة لمزاجي << شكلي بأغير اسمي من جنة لهالإسم جاز لي مرة

__________________

اعتقد ان الهرمونات الانثوية مالها دخل بالموضوع

لاني اعاني مثلك ومزاجي يتغير بدون اي سبب و بشكل سريع جدا

وهالشي مؤثر بشكل سلبي على حياتي وتحديدا الحياة الاجتماعية و العملية

لدرجة اني احيان اتاخر عن الدوام واحيان اجي قبل الدوام بنص ساعة !!

اوقات كثيرة اعصب على اشياء تافهه واحيان تجيني حالة برود مع اشد المواقف !!

حاولت في نفسي اني اتغير بس للاسف ما قدرت

وشكل المزاجية ماتتغير ابد

__________________
اليوم .. انا الشخص الذي كنت انتقده بالأمس، تصرفاته ، أفكاره ، اسلوبه ..ولا أعلم من أكون بالمستقبل !!

أم الحلوين


حياك الله ..


أنتم لعبتوا لعبة وقالوا لك أنا وحدة من صديقاتي زعلت مني مرررررة وقالت هذي مو مزاجية هذي أنانية !
لأنها أحيانا تتصل علي وماأرد وإذا سألتني أقول ماكان لي مزاج أسولف << صريحة ماأعرف أجامل !
طيب أنا ملاحظة تصرفاتي بس وش الفايدة أحس إني أحبط مررررررة كل ماتعدلت رجعت ريوست مرة ثانية !
إذا لقيتِ حل علميني تكفين ..



غير مسجل


حياك الله ..

المزاجية ماتتغير ؟!

وش هالتحطيم !

عالأقل نبي نخفف منها شوي وماتظهر للناس !

محد بيفهم إنها مزاجية بيفهمون أشياء ثانية سيئة جدا !

ولما سألت عن الهرمونات سألت بشكل عام ..

مع إني ماأدري الرجال هرموناتهم ترتبط بالنفسية ولا لأ ؟!

حيا الله جنة الدنـــيا .. >>>> او اســـيرة مزاجها ..


بس مشكلتك من الصغر ..

وماثرة عليك .. او انك عايشة ظغوط .. وكثيرة التفكير ..

وتحاولين تخرجين من الظغوط هاذي بالصراخ او تتذكرين سالفة ويتعكر مزاجك ..

صعب التغير الا اذا انك حاولتي الخروج من الحالة دائماً ..

يعني كل ماحسيتي ان المزاج بيتغير او تغير ..

تحاولين ترجعين للحالة الطبيعية .. اظغطي على نفسك ..


اسال الله ان يهدي بالك .. ويشرح صدرك .. ويرفع همك ..

__________________
حَسْبِيَ اللَّهُ لا إِلَهَ إِلا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ

اذا استبعدت يكون فيه سبب مرضي اعتقد والله اعلم ان في نفسك شيئ تتمنى يتحقق وما تحقق او خايفه ما توصلي له وذا الشي يراودك وتحاولي تدفعيه

أصغر أخواني


حياك الله ..

بالفعل إذا حاولت أسيطر على نفسي أقدر بس من قبل ثلاث شهور تقريبا كنت أقدر بنسبة 50% أما الآن نزلت للنص 25% !

وكتبت الموضوع عشان ألاقي حلول تخليني أتدارك نفسي وأعدل وضعي ..

فهمت من كلامك إني لازم أضغط على نفسي !

أحيانا أقول خلني أعيش لحظتي أخاف إذا كبته يزيد ويطلع بصورة مضاعفة !

بس الظاهر تفكيري هذا هو الي دهور الحالة !

بأحاول وبإذن الله بأقدر ..



مشاعر رجل


حياك الله ..

سبب مرضي !!!

وشو ! نفسي ولاجسدي ؟!

إن شالله مافيني إلا العافية !

أما إني أتمنى شي إي والله أتمناه اليوم قبل بكرة ! الله يعجل به بس !

أما إني خايفة مايتحقق لاوالله متأكدة 100% إنه بيتحقق بإذن واحد أحد وماراودني أي شعور إنه ماراح يصير !

وانا نفس الشيء والله مزاجيتي تعبت خطيبي وتعبتني

واحاول دائما عشانه اضغط على نفسي والنتيجه اني ارجع اعصب على اخواتي بس اخواتي يتحملون مزاجي لكن الناس لاا

الله يعين ماادري ليه كذا طبعي المشكله بسرعه ينقلب وبسرعه يرجع الروقان

اوقات احس اني انهبلت لمن اتذكر تصرفاتي مع ان الهدوء من صفاتي بس لمن ينقلب المزاج اتحول شخص ثاني
والمشكله انو تغير المزاج بدوووووووووووووووووون اسباب هذي المشكله عندي

__________________
افتقدت كثير بعض الاخوات لي في هذا المنتدى ...
يارب يكونوا بافضل الاحوال ..

سسبحان الله هذي مشكلتي بعد ..

يعني مثلا لما اكوون هاديه اضحك مع اخواني واقول لهم بدخل غرفتي وتعالوا وراااي بحط لكم العاب في الكمبيوتر وفجأة يتغير مزاجي ويجون عقب دقيقتين اعصب عليهم واقول لهم طلعوووا براا مابلعبكم اليووم !!!!!!

ومرة بعد اقرر اني اقوول حق رفيجتي سالفه اقول لها بقوم ارووح واذا رجعت بقولج سالفه خطيييره !! واذا رجعت يتغير مزاجي اقوول لها بس بس مالي مزاج

والكل يقوول لي انتي مزاجيه حتى اني خايفه بعد الزواج يصير جذذي .. اخاف كل يوم اتهاوش مع زوج المستقبل خخخخ اهلي عارفيني بس اهووو مابيستحمل

أهلين جنة الدنيا ..

يمكن ردي غريب ,, لكنه مجرد تحليل ..

الأول : هل معك مرض روحي مثل عين أو مس أو سحر ؟
إذا نعم فالي يصير لك عادي ,, أنا مو قصدي أشخصك أو أخوفك بس إذا هذا الشئ معك وإنت عارفة من زمن
فالي يصير لك من نتائجة فعليك بالرقية ..

الثاني :ما أدري أشعر إن فيه ناس مو فاهمة نفسها لدرجة كافية .. اممممم يعني كيف ؟
يعني هناك أمور توترها أو تزعلها أو تشغلها ... لكن ذلك الشخص مو مصدق إنها مكدرة عليه ومغيره مزاجه !!
لكن هذه الحقيقة ..
لأنه إذا حسبها بعقله لوحده يجد إن الموضوع ما يستاهل وإنه مو معقول إن هذا الشئ مغير مزاجه !!
لكن هذه الحقيقة الي هو مو قادر يصدقها ,, لأنه يرى نفسه من الداخل عقلاني وعارف..!!!!!

أتوقع :
جلسه هادئة بنفس عميييييييييق خالية من الضغوط الحالية واسترخاء ... بعد مزاج سئ والبحث بتروييييييييييقة إيشش الي خلى مزاجي يتغير راح توصلين للسبب 100% لكن امشي حبة حبة ... وصريحة ... واحسبيها صح وقولي لو ما صار كذا ممكن هل بيتغير مزاجي !؟ طيب لوما صار كذا ( شئ ثاني غير الأول) بتغير مزاجي ؟!

مجرد تحليل عميق ...
وفيه فلسفة لكن هذا ما توصلت له !! واتحملي فلسفتي >>> كانوا يقولوا عني في المتوسط أني متفلسفة !!
والله يعينك ..

وبنظري :
أهم شئ إن ( مزاجيتك ) ما تؤثر على الي حولك سلبا >>> يعني مالك خلق >>> بكيفك >>> بس لا تصارخين على الأوادم...

وأكثري من :
( اللهم إهدني إلى أحسن الأخلاق لا يهدي لأحسنها إلا أنت واصرف عني سئ الأخلاق لا يصرف عني سيئها )
مو أقصد إنه ما في أخلاق...
بس أحس إن هذا أقرب دعاء ممكن يساعدنا ... نتجاوز به عن أمور ما نحبها تصدر منا غصبا عنا ..

__________________
{ اللهم صلي وسلم على محمد وآله وصحبه تسليما كثيرا }