يمنعني من استخدام الانترنت و هو يتعرف على البنات

03-12-2009, 11:43 PM

ـالغـــــلآ

عضو جديد

تاريخ التسجيل: Sep 2009

المشاركات: 9

يمنعني من استخدام الانترنت و هو يتعرف على البنات

السلام عليكم ورحمة الله وبركاته

كيفك اعضاء المنتدى الغالي

والله اني منحرجه منكم ومن طيبتك

وشآكره كل الشكر للي ردوا على موضوعي الأول

من جد ساعدتوني .. والحمدلله أن زوجي من بعد الله ثم بعد نصآيحكم راحت عنه حالته

وأحسه صآر مبسوط مرره وتغيرت نفسيته 180 درجه

لكن من فتره تقريبا شهرين تغير علي حييل

وانا بقول لكم السبب وانتوا احكموا : هو يدخل نت كثير كثير الا انه مايبيني ادخل انا

وعنده اني ادخل نت شي مستحيل وانا امتثلت لرغبته وسويت اللي هو يبه ومن يومكم ذآك الين اليوم مادخلت النت والا فكرت اني ادخل ..

بعد هالسالفه بأسبوع تقريبآ .. انا كنت مع اخوي وسوينآ حادث انصآب اخوي وانا الحمدلله مآصآر فيني اي شي .. طبعاالنآس بدورها تدق تتحمد لي بالسلآمه

المهم ومره دقت وحده انا اعرفها معرفه سطحيه ومن زمان عنها

دقت تتحمد وهيك وشوي قالت وش اخبارك مع زوجك انا قلت لها سمنه على عسل وقالت انتي زوجك فلان الفلاني قلت اي نعم ..

قالت هو مشارك بمنتدى قبيلة الفلان .. بأسمه الصريح ؟ قلت ايه

قالت والله اني مشبكته معي ع المسن وانه كل يوم يكلمني وانا عشانك بتركه وانا مستعده اوريك المحادثات وما ادري ايش

المهم هي قفلتها وانا دخلت ع المنتدى اللي هو يشارك فيه من النت اللي ببيت اهلي

طبعا الجهاز حقه اللي بالبيت حاط فيه كلمه مرور عشآن ماادخل

لقيته الاخ حاط ايمليه بالتوقيع

.. وكاتب حيآكم ..

اقسم بالله اني انصدمت صدمه مو طبيعيه .. طبعا لما جاء يسريني رحنا البيت والاخ فتح النت ودخل دوره المياه اكرمكم الله

وانا بدوري دخلت على صندوق المحادثات.. وفعلا لقيت محادثات من واليى

اقسم بالله اني بكيت بكآء شي مو طبيعي وانا خليت المحادثه مفتوحه عشان يدري اني فتحتهآ

وجلست 3 ايام ما اتكلم معاه الحرف ولا اطلع

طبعا انا ماأبي احد يدري بالموضوع ولا احد يتدخل بينا

والمهم اليوم الرابع جاني يعتذر لي ويتأسف ويبكي ويحلف بموت امه وابوه واهله ويدعي على نفسه انه ماعاد يكررها واقسم لي وقام يناذر لي

طبعا رضيت انا ورجعنا سمنه على عسل

لكن امس كان زواج اختي وطبعا صوروا وسوا اخوي تقرير عن الزواج وحطه بمنتدى القبيله

انا قلت لاختي الصغيره تحط لي ع الموضوع عشان اشوف الصور حتى مادخلته انا

ولكن لما لقيت رد زوجي قليته رآجع حآط الايميل بتوقيعه ؟؟؟؟؟؟؟؟

والله اني منتصدمه منه ولا ادري ايش اسوي معاه

ولا ابيه يدري اني شفته لاني والله امشي على طلبه هو اني ما ادخل النت

ولو قلت له انا شفته بيقولي ليش دخلتي انا ماقلت لك ماتدخلين ؟؟؟

انا قلت له بشوف الصور قال اجيب الكميرا وتشوفينها

مادري ليش يسوي كذآ وربي اني متت من القهر لما شفته

والحين اذا رحت سريت ايش اسوي معاه

الله يوفقكم مالي غيركم ساعدوني بمشكلتي

وانا واثقه بكلامكم ونصايحكم

انتظركم

عذراً تم تعديل العنوان ليتضح المضمون
الاشراف

التعديل الأخير تم بواسطة ماريا ; 05-12-2009 الساعة 08:04 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه