مشكلة زوجي يكذب واكتشفت انه يدخن - منتدى عالم الأسرة والمجتمع
logo

الملاحظات

المتزوجين مواضيع تهم المتزوجين من الرجال والنساء.

موضوع مغلق
أدوات الموضوع
انواع عرض الموضوع
قديم 10-01-2010, 12:29 AM
  #1
قلب الماما
قلب المنتدى النابض
تاريخ التسجيل: Jan 2010
المشاركات: 255
قلب الماما غير متصل  
icon54 مشكلة زوجي يكذب واكتشفت انه يدخن



السلام عليكم ورحمة الله
اسعد الله اوقاتكم جميعا ... انا متابعة لاغلب مايدور في المنتدى منذ اكثر من ست سنوات ... مادعاني وشجعني للكتابة صفاء القلوب الموجودة والترابط فيما بينهم فجعلها الله في موازين حسناتكم ...

لدي مشكلة

انا متزوجة منذ مايقارب السنة .. اسكن مع والدة زوجي في نفس البيت ... وايضا ادرس ... هذا الزواج الثاني لي ولي طفل وزوجي ايضا الزواج الثاني له وله اطفال من قبل... هو اكبر مني بـ 16 سنة تقريبا

حياتي مستقرة تقريبا ولله الحمد ...زوجي اخلاقه كويسة تقريبا ومتعاون الى حد ما .... المشكلة من وجهة نظري ان زوجي يكذب احيانا كثيرة واكتشف هذا الشي (احس اني محققة دايم اكشفه ) وهو عارف اني اكتشف كذبه ... هذي المشكلة الاولى

الثانية وهي الادهى والامر ... اني اكتشفت انه يدخن ولا قالنا عن هذا الشي ...انا سألته ايام الملكة وقال انا ماادخن وابوي ايضا سأله وقال لا ... انا ابوي شيخ وعلى مرتبة عالية ولم اشم الدخان في حياتي لامن قريب ولا بعيد ...حتى محيطي الاسري مافيه احد يدخن ... (كان زوجي متاكد انو راح نرفضه اذا قال انو يدخن فعشان كذا ماقال) طبعا هو ماتجرأ وقالي ... بس انا اكتشفت (قلتلكم محققة ) يعني هو يحاول يتعطر دايم ويبعد ريحة الدخان بس طبعا مايقدر !!! وانا لاحظت بقايا سجاير ورى البيت يعني يغيب له عشر دقايق ويرجع ...او يقول بروح اشغل السيارة ويروح يحميها ويتأخر ويدخن ..وبعدين يجي بكل بساطة متعطر وكاشخ ويالله بسرعة خلينا نطلع ... هو علباله اني مااكتشفت ..بس انا داريه وساكته ... او بالاصح اخاف اذا صارحته في الموضوع يصير يقول لي : ترى بروح عشر دقايق وادخن وارجع لك ... ااحسه اذا قال لي في وجهي بمووووووووووت ..
المشكلة اني عندي حساسية من الدخان شي مو طبيعي من يوم كنت صغيرة احس اني انكتم لما اشوف واحد يدخن او لما اشوف ريحته ... بزيادة
ملاحظة مهمة : احسه مخبي سالفة الدخان عن الناس كلهم ... لانو لما كنا نسأل عنه الكل قال مايدخن (بس قالوا مدخن سابق وهو بعد قالي نفس السالفة ومخترع لي قصة كييييييف ترك التدخين <<< الله من النصب )

المشكلة الثالثة مثل اغلب الرجاجيل فيه انانية زايدة ... يعني لما اشوفه تعبان انا من نفسي اروح ادلكه و و و .... والمشكلة اكون في احيان كثيرة اترك دارستي بس علشان مااحسسه انو مو مقصرة ... وبالاخير ليته يقول يعطيك العافية ( ماتجي الا بعد التلميح ) لأ يقول يووووووووه كملي الله يعافيك تراني تعبان <<< ياخي احمد ربك اني جايتك وتاركه دراستي علشانك ... يعني يخليني اقول في نفسي ليتني ماجيت احسن لي (فهمتوا قصدي) .... وليته لما يحس اني مشغولة يقدر ظروفي لأ .... ليش ماتسوين كذا .. وليش مانظفتي كويس ....فيه دقة بزيادة (طبعا علي انا مو على نفسه )

الله يعين بس ويفرجها ... كلماتكم كالبسلم الشافي فلا تحرموني منها


عفواً تم تعديل العنوان ليتضح المضمون/ الاشراف

التعديل الأخير تم بواسطة ماريا ; 10-01-2010 الساعة 03:55 PM
قديم 10-01-2010, 01:34 AM
  #2
السوبر
عضو مثالي
 الصورة الرمزية السوبر
تاريخ التسجيل: Aug 2009
المشاركات: 387
السوبر غير متصل  
اختي هونيها تهون وربك يفرجها والشباب هالايام الله يهديهم قلما تجدي شخص بجميع المواصفات التي تطلبيها والكمال اولا واخيرا لله سبحانه وتعالى والصبر هو سيد الموقف في مثل هذه الحالات وتؤجرين على صبرك وكفاحك مع زوجك واذا كانت اخلاق زوجك طيبه وتعامله طيب معك ولم يقصر عليكي بشي فلعلكي تكوني سببا في هدايته حتى يترك الدخان ويستقيم حاله باذن الله وهل يااختي قبل زواجكي من زوجكي الحالي ارملة ام مطلقه وزوجك ايضا هل هو مطلق ام توفيت زوجته السابقه وهل لديه اطفال من زوجته السابقه وكم اعماركما لان كل هذه الاسئلة مهمه لمعرفة دوافع المشكلة بالتحديد0
__________________
سبحان الله وبحمده سبحان الله العظيم0
قديم 10-01-2010, 01:54 AM
  #3
قلب الماما
قلب المنتدى النابض
تاريخ التسجيل: Jan 2010
المشاركات: 255
قلب الماما غير متصل  
الله يجزاك الخير على تواصلك يااخوي ...

زوجي مدخن من كان عمره 17 سنة والحين عمره 45 سنة ...وانا عمري 27 سنة ... جميعنا مطلق سابقا وكما ذكرت لديه اطفال من زوجته السابقة وعايشين معاها اما طفلي فعايش مع اهلي ...

مشكلة زوجي ماعنده عزيمة ...يعني لو اصارحه حتى اخليه يواجه المشكلة ماراح ينفع ...لانو يحاول يتهرب من واقعه ... يعني تخيل يستخدم السكر بزيااااااااااااااااادة في الشاهي ... يعني احس لو يترك الدخان راح يجيه سكر علطول ودايم انبهه لها المشكلة انو قلل من السكر علشان صحتك مو راضي ... وكل شي انتي ساعديني واذا قللت السكر يقول ليش "شوي شوي علي مو مرة وحدة " يعني ماعرفنا له ....

والله اني افكر في سالفة التدخين كل يوم واحس انو هو عارف اني عارفة بس ساكت ... تخيل حتى ماصار يهتم انو يخفي الريحة ...هو حاس اني داريه ... واحس اني بتطنيشي للمشكلة هروب منها وضعف مني ...

يعني تخيل اليوم عندي اختبار ومع ذلك مصلحه له عشاء وجيت ودلكته لانو تعبان وبالاخير لما قلت له : شيل الصحن من الطاولة علشان احط الاب توب قام وعصب ... احس انو مايستاهل الواحد يتعب علشانه .... وبكل بساطة راح ينااااااااام

معليش تحملني قمت اطلع اللي بقلبي ...من جد مقهورة منه

الله يوفقك اخوي ويفرج لك ...
قديم 10-01-2010, 02:46 AM
  #4
روح الطير
كبار شخصيات المنتدى
تاريخ التسجيل: May 2005
المشاركات: 12,052
روح الطير غير متصل  
أختي

إنت مضغوطة مع الإختبارات ، علشان كذا النفسية تتعب وقت الإختبارات و تبغي أي شئ علشان تحطي حرتك فيه

1 - حكاية التدخين ، لا تبيني له ،، لإنه راح يدخن قدامك و ما راح يهتم

2 - كل الرجال أو أغلبهم ( يكذبوا على زوجاتهم ) .. فلا تدققي علشان لا تتعبي حالك ..
طبعا كل كذب متفاوت عن التاني ، فيه كذب أبيض ، فيه أصفر ... فييييه
<- خليني أسكت ، زوجي جاء قرأ ردي و طالع فيا بنص عين و ابتسم

3 - حكية إنك تدلكيه أو تهمزيه أو تمرخيه .. إلخ من المصطلحات ..
فهو يبغى يتدلع عليك .. و إنت يا شاطرة استغليها فرصة لك ، إنك تدلعيه و تحصلي على اللي تبغيه ..
شغلي ( كيد النساء يا دبة ) ..

4 - يوم قلتي له مثلا ، شيل الصحن ،،
لو أعطيتيه قبلة ، و قلتي له ( حبيبي .. ممكن تشيلها معاك ؟؟؟؟ )
تتوقعي بيرفض طلبك ؟؟؟؟

5 - زوجك سهل التعامل معه ، بس ( زودي عيار الدلع + قللي من التدقيق )
قديم 10-01-2010, 03:18 AM
  #5
الامل الباسم
عضو نشيط
تاريخ التسجيل: Jan 2010
المشاركات: 111
الامل الباسم غير متصل  
الله يسخرة لك يارب
قديم 10-01-2010, 04:04 AM
  #6
tunisian
عضو مثالي
تاريخ التسجيل: Dec 2008
المشاركات: 1,192
tunisian غير متصل  
مشاكل بسيطة
__________________
الحمد لله
قديم 10-01-2010, 10:46 AM
  #7
بكر الشايب ياسمين
كبار شخصيات المنتدى
 الصورة الرمزية بكر الشايب ياسمين
تاريخ التسجيل: May 2009
المشاركات: 3,613
بكر الشايب ياسمين غير متصل  
وعليكم السلام ورحمة الله وبركاته


والله بصراحة يا اختي جبت مشكلتك وقلبتها يمين ويسار وما طلع معي مشكله ابدا!



بالنسبة للتدخين لا تبيني له وبما انه محد يدري انه يدخن هذا معناه انه مو مدخن شره ويشتاق للسيجارة ويمزمزها كل فترة والثانية وباذن الله بيقطعها من نفسه لانه رح يمل من هالحال!

بالنسبة للامور الاخرى والله انك مكبره السالفة ! يعني واذا قطعتي دراستك وسويتي له مساج !؟ طيب هو اهم من دراستك واهم من الدنيا لا تمنني عليه بخدمتك له ..

بصراحة يا اختي احس ودك تربي زوجك من اول وجديد .. خلي عنك عاطفة الامومه وعامله كرجل وزوج وليس كطفل

فاهمتني ؟ لاحظي كيف تتأمرين عليه وتطلبين منه الشغلات (شغلة السكر بالشاهي) يختي هو رجال واكبر منك بـ 16 سنه يعني ادرى بمصلحته منك

لا تنبشي وراه.. ولا تزني على خراب عشك

الله يخليه لك ويسخره لك يا رب
__________________
اللهم ارزقني بالذرية الصالحة يا رب
قديم 10-01-2010, 11:02 AM
  #8
تركي العالمي
عضو نشيط جدا
تاريخ التسجيل: Jul 2008
المشاركات: 221
تركي العالمي غير متصل  
اتوقع الي ذكرتيه فوق مهنا خلاف فيه ولافيه اي مشكله.

كلها مجرد فضفضه لا اكثر ولا اقل. ما ابغى اقل الرجل حر يسوي الي يبيه ولكن فعلاً اذا انتي تبين تساعدينه على ترك الدخان فيه 1000 طريقة لحل ها المشكله، وهو ايضاً موب مقصر يوم انه مايدخن قدامك او على الاقل ببيته.

روقي وتعوذي من ابليس ولا تتمننين عليه بخدمتك الي هي واجبه عليك شرعاً.

اما مسأله السكر با الشاهي وشيل الصحن كان بالامكان تقولينه بأسلوب افضل واكثر لباقه وخلينا نقول كلام حلو تخلينيه يشيلك ويشيلك اللاب توب والصحن والبيت كله، حتى مع كبر سنه او الفارق العمري الي بينكم.

ترى الرجل بها السن يكون مستقر نفسياً، حتى لو كانت تحيط فيه مشاكل كثيره، لأنه بيكون مستعد انه يواجهها ويتحملها بسهوله.ولكن صدقيني افضل سن للفله والبسطه للرجل ها الوقت.

واخذي الكلام مني وجربي وشوفي.

الله يوفقنا ويوفقكم.
__________________
ديمـا الله يصلحها ويهديها كبرت، وبدت تحبي، وتحاول تمشي بسم الله عليها.
هبلت بي وطلعت الشيب في راسي، الله يعيننا على امانه تربيتها، ويعينها علي. اللهم اصلح لي النيه والذريه.
قديم 10-01-2010, 11:16 AM
  #9
سحابة الصحراء
قلم مبدع
تاريخ التسجيل: Aug 2006
المشاركات: 6,406
سحابة الصحراء غير متصل  
وفقكم الله وادام السعادة بينكما مشكلة الكذب حاولي تجاهلينها

اما التدخين خليك لاتعرفين وادعي الله انه يتركه سمعت مرة اخصائي اجتماعي وحده تساله عن تدخين زوجها وهو ايضا يخبئه عن زوجته قال لها خليك كأنك لا تعرفي ويجيء يوم ويتركه

اهتمي يالاوليات في حياتك واترك الباقي الايام كفيلة أن شاء الله بحلها
__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً
قديم 10-01-2010, 03:10 PM
  #10
قلب الماما
قلب المنتدى النابض
تاريخ التسجيل: Jan 2010
المشاركات: 255
قلب الماما غير متصل  


يعطيكم العافية على تفاعلكم ...وجزاكم الله خير

روح الطير

اكييييد من احد الاسباب ضغط الاختبارات علشان كذا ...

حسيتك فهمتي وش اقصد ... والحمد لله زوجي من الناس اللي يقتنع اذا اقنعته .. بس باله طويل وبااااااارد واحس اني احترق بسرعة من بروده


مرررررررة شكرا حبيبتي

اخوتي
الامل الباسم
tunisian

مررررة شكرا ..والله يقبل دعاؤكم ...


بكر الشايب

والله مو متمننة عليه ابدا .... بالعكس مررررة انبسط لما اشوفه راضي علي ...بس مافيها شي الاسلوب الحلو ... الله عز وجل قال للرسول "وانك لعلى خلق عظيم "

يعني ليش هو مايشكر زوجته اذا ريحته ... وليتها على هالاشياء ... يعني تخيلي لما البس واكشخ له ويدخل مايقول : اييييييييييييش الحلاوة هذي وش هالزين ...لأ ..." وش عندك مكشخة " امووووووووت انا على الرومانسية يعني بالله عليك الظهر الساعة 2 وين بروح يعني ؟؟ اكييييد لك ..
ولما اقوله باسلوب حلو كله علشانك ياقلبي ومن هالكلام ... يسكت مافيه ردة فعل ... والله انقهر يمر علي اسابيع مايقول كلام حلو مو شي يقهر ...

وبعدين انا ماأتأمر عليه لما احاول انه يمسك نفسه في السكر لأ ... هو قالي ابي اسوي ريجيم حاولي تساعديني ...طيب لما اقلل السكر يقول :" يالللللللللله ليش كذا ؟" طيب :" مو انت تبي تسوي ريجيم ؟" يقعد يصرف ... تخيلي من ايام الملكة وهو يقول ابيك تسوين لي برنامج حتى انحف .... ولما سوينا يقول اصبري مو الحين >> راح اكمل سنة وهو على هالحال

الله يجزاك خير ويقبل دعاك



موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 11:45 AM.


images