زوجي عصبي غير قادر على ضبط عصبيته
اول شي اشكر القائمين على دى المنتدى الرائع
وادخل في مشكلتي على طول صار لي متزوجه ثلاث سنوات وعندي طفل رضيع عمره سبعه شهور
مشكلتي مع زوجي العصبي الغير قادر على ضبط عصبيته طبعا في اي علاقه في الدنيا لازم تواجد مشاكل واختلاف واني ادرك تماما لايوجد اثنين في العالم متفقين تماما حتى التوام الي خلق واتمو مراحل نموهم وهم مع بعض وتربوا في بيئه وحده وعلى نمط معين لازم يختلفو دي طبيعه في الانسان فما حال اختلاف التربيه والبيئه الي عاشو فيها دي كلها كفيله تاثر في شخصية الانسان وسلوكه لكن زوجي اصبح لايظاق لانه كله مره يعصب تصدر منه يتلفظ بألفاظ تهين كرامتي في المره الاخير كنا معزومين على غد من قبل احد قرابته ولمن صحيت الصباح حسيت نفسي مرهقه لان طفلي مانام طول الليل ومانمت الا اربع ساعات وجلست على طول انشغلت في ابني الصغير حممته واكلته بعدين سويت الى زوجي فطور والمهم كنت مشغوله جدا في الامور المنزليه لان يوم الجمعه هو يوم الاجازه الوحيد لي لاني موظفه في مؤسسه اهليه واني اخترت العمل بسبب ظروف زوجي لانه يشتغل في منطقه نائيه ما اقدر اروح معاه مافيها عوائل ويغيب عني اسبوع ويجي الويك اند فقط واحيانا اسبوعين مايجي فحسيت بوقت فراغ كبير وبحثت عن وظيفه المهم بعد الحوسه كلها حسيت نفسي مرهقه واللي قهرني زياده انه كان يتفرج على التلفزيون وميت من الضحك وانا رايحه جايه مافكر يساعدني حتى ياخد ولده يسكته وسط الزحمه وبكاء الطفل حسيت نفسي جدا مرهقه قلت له اني مابروح وياك العزومه قام قلب وجهه وراح يصلي يوم خلص من الصلاة شافني اكوي الملابس صرخ في وجهي ماخلصتي قلت له بس اني قلت لك مابروح وياك قام يصرخ زياده اذا جيت ما ابغى اشوفك في البيت سمعتي ودار راسي حسيت نفسي بيغمى علي هل الموضوع يستاهل الى هالدرجه انه يطردني من البيت ؟؟ قام كلمه امه وقال لها ما راح نجي سالته ليش؟؟ قال المدام ماتبغى تجي من غير ما يشرح السبب وماسمعت باقي الكلام لانه كان تطالع خرج من البيت مايقارب 8 ساعات وجواله مقفل وخله الكل على اعصابه لانه ماندري وش صار ظلت امه تكلمني كل شوي واني مارديت عليها لاني اعرف انه بتحملني مسؤالية غياب ولدها لان عمتي من نوع اللي تخاف على عيالها موت وبعدين تفجات امي تتصل علي وانا حاقره الجوال بعدين فصلت الخط وقفلت الجوال بعد ساعتين فيه جت عمتي البيت ظلت تدق الباب ومافتحت لها لانها بتهاوشني واني اللي فيني يكفيني وبعدين يوم ماشافتني فتحت لها الباب كلمت امي تسالها عني وقالت لها السالفه المهم بعد ثلاث ساعات من مجاي عمتي جى ابوي البيت يدق علي ومافتحت له الباب بعدين وصل حظرته بعد ثمان ساعات غياب والكل مشغول باله عليه فتحت له الباب سألني بعدك موجوده؟؟ قلت الحين بتطلع المهم جهزت الاشياء الضروريه الي احتاجها وتطللعت من البيت بروح امشي بيت اهلي لانه قريب مسافة ربع ساعه فقط المهم واني تطالعه جاي لي جنب الباب الخارجي وظل يصرخ بسرعه ارجعي قلت له مو انت طردتني ليش تتطلب مني ارجع قال لي ارجعي بسرعه لا اسوي لش فضيحه في الشارع خفت ورجعت واني مكسوره ومجروحه الى كرامتي الي سلبت مني صار الامر كله بمزاجه وقت مايحتاجني يخلني وقت ما اعصي احد اوامره يطردني ودي مو اول مره يطردني ولا اول مره لمن يزعل يغيب عن البيت فتره طويله وبعدين يجيب لي باقة ورد وله هديه قيمه دي كلها ماترد كرامتي ولا تذمل الجرح اللي جرحتني وياه وفيه مره من المرات ظربني واني حامل الى سبب تافه المهم بعدين رجعت وظليت ابكي بقووه وبصوت مسموع قامت امي تدق على جوالي مارديت بعدين دقت على جوال زوجي ورديت عليها اني قالت لي وش صاير فيكم؟؟ ثمان ساعات ماندري وينكم توه ابوك بيروح يبلغ عنكم واني ارتفع الضغط عندي وش فيكم؟؟ واني العبره قاتلتني ماقدرت ارد عليها لاني من النوع ماحب اتطلع اسرارنا الزوجيه الى اهلي واحافظ على خصوصيتنا حتى يوم ضربني والله ماقلت الى احد اشكي حالي الى ربي وحده الشكوى الى غير الله مذله المهم قالت لي انتي كبيره وناضجه حلي امورك بينك وبين زوجك حنا زوجنك عشان نتخلص لو بقدر بسيط من مسؤاليتك محنا ناقصين مشاكل تزيدي علينا واذا هذا اسلوبك انك تحقريني وتخليني اتعب صحيا ونفسيا لاتجي البيت ومانغى نشوفك قفلت الخط بوجه امي لانه ماعندي تعليق على كلامها زوجي طردني وامي الحين تتطردني عشان ذنب اني ماسويته وحتى لو كنت اني غلاطانه دى موسبب امي تتطردني لانه البنت ماتتطرد من بيت اهلها الا اذا اقترفت ذنب كبير والعياذ بالله يشوه سمعت العائله الحين اني زوجي مايكلمني ولا امي تكلمني وش اسوي ؟؟
رضا زوجي مايهمني كثر مايهمني رضا امي علي واني الحين ما اروح بيت اهلي وزوجي بعيد عني ماقدر ما اكلم اهلي لانه البنت في النهايه مردها حق بيت اهلها ولو لا سمح الله ولدي يمرض ماحد الي غير اهلي
واني مرره تعبانه نفسيا ولا انام الليل
التعديل الأخير تم بواسطة وردة بين الثلوج ; 27-01-2010 الساعة 05:34 PM
27-01-2010, 09:55 AM
ضوابط المشاركة
العرض الشجري