السلام عليكم ورحمة الله وبركاته


اتمنى من الجميع ان يكون بااتم الصحه والعافيه ,,,,


ادخل في مشكلتي التي اعااني منها والله تعبت واتمنى من الاخوه والاخواات مسااعدتي بقدر الامكاان ولكم بني جزيل الشكر ولا انسااكم من الدعواات ,,,



مشكلتي هي الخوفْxالقلق وووين فبيت اهلي واذا كنت بعيده عن زوجي فلا اباالغ اني مااتهنى بجلستي عند اهلي تكون كلها قلق وخووف على زوجي اي تيلفون يدق على ابوي او احد انط كني مفزوووعه ادق على زوجي اخااف يكون فيه شي لاني اتوقع من المتصل يكون احد يخبر اهلي ان زوجي فيه شي لا سمح الله واحيانا ادق عليه اطمن يمكن فاليوم كم مره واذاا ماارد تعااالو شووفو لا يهنئ لي اكل ولا شرب ولا ضحك اجلس قلقه لحد مااايدق والله تعبت تعببببببببت اذا رجعت لبيتي اقول لييه كذا احس اني مااتهنيت بجلستي وجمعتي مع خوااتي ويضيق صدري على حاالتي اشوف خوااتي مطنشين مايدرون عن ازووواجهم باليومين ولا كاان شي يصير اما انا لو مااسمع صوته كاان اجن المشكله حيااتنا عااديه الحمدالله الحب موجود والاحترام بس مو لهالدرجه اني من النوع الرومنسي لا عاديه بس هو احيانا يستغرب كثر اتصالاتي بس اتحجج اني ابي منه حاجه او اساله عن حاجه لانه يضاايق لو يعرف اني اقلق عليه لان مره مارد وانهبلت وقلت له عن حالتي وزعل مني وصرت اتججج لو دقيت الموووهم الموووضووع تااازم وصرت ماااهنئ وصرت اتمنى اني اجلس ببيتي احسن لحاالتي

بس مو هاذا حل قلت طيب لو حصل شي لا سمح الله مادري وش بتكون حالتي لان مره مرض زوجي وحسبته بيمووت لان تعبه كاان مزمن بس الحمدالله عدت وفي الفتره الي تعب صرت اووسوس انه الموت ومانمت ولا اكلت بس جالسه عنده واتالم واتحسسر وافكر وش بيكون مصيرنا بعده والله حاالتي ماادري كيف بتكون طبيعيه واعيش مثل الناااس وانا اعرف ان القدر بيصير بيصير بس ماادري غصب علي


يااارب تسعد من يسااااعدني لان الاجاازه قربت واللكل فرحاان بللمة الاهل والخواات وانا اعرف وش منتظرني من قلق وخووف ؟؟؟؟؟


بانتظااار ردوودكم جزااكم الله خير وجعله في ميزاان حسناااتكم ,,,وعذراا على الكلام الغير مرتب لاني اكتب وانا في عجله فعذراا,,,,

__________________
ويبقى الأمل بالله شمسآ لاتغيب
ونبعآ صافيآ لاينضب

يؤيؤ معقوله مجموع القرااء 48 ولا احد افادني بشيء ع العمووم الف شكر لكل من قرء

__________________
ويبقى الأمل بالله شمسآ لاتغيب
ونبعآ صافيآ لاينضب

جزااكـ الله خير يااختي

__________________
ويبقى الأمل بالله شمسآ لاتغيب
ونبعآ صافيآ لاينضب

.. عزيزتي .. لا تزعلين انه عدد القراء كثير , مافي ولا رد , مو يمكن الا قرأ الموضوع , ما عنده حل ؟ أو مجرد زائر ؟

.. بصراحه , ما عندي حل .. بس أعتقد انه الا تعانين منه هو ( الوسواس ) ..

.. .. عزيزتي , هذه الحاله متى صارت لك ؟ هل من تزوجتي ؟ او من قبل ما تتزوجي وانتي طبعك الخوف والقلق ؟

.. هل تعرضتي لموقف وانتي صغيره ؟ وفقدتي شخص عزيز على قلبك وقريب منك ؟

.. هل عندك اطفال ؟ واذا عندك هل تخافين عليهم مثل خوفك على زوجك ؟

.. حاليا ما عندي شيء أقدمه لك , سوى الدعاء لك .. لكن بس يحضرني شيء يفيدك , راح أرجع اكتبه لك ..

هلا بسمة أمل ..
والله كأنك تتكلمي عني قبل سنتين..
بس الحمد لله الوضع اخف ألحين ..
تعرفين كيف عالجت نفسي ..استودع الله زوجي في كل ما يخرج ويدخل ..استودع الله وانا موقنه ومؤمنه ان الله خير حافظ ..واني مهما سويت ما بيدي شئ ..
تعرفي اللي غيرني هالحديث ..
(([ إن الله إذا استودع شيئا حفظه ] . عن مجاهد قال : خرجت إلى العراق ، وشيعنا عبد الله بن عمر ، فلما فارقنا قال : إني ليس عندي شيء أعطيكم ، ولكني سمعت رسول الله صلى الله عليه وسلم يقول : ( فذكره ) . وإني أستودع الله دينكم وأمانتكم ، وخواتيم أعمالكم . ( وإسناده جيد ) . وفي معنى الحديث ما أخرجه النسائي عن الحسن بن ثوبان أنه سمع موسى بن وردان يقول : أتيت أبا هريرة أودعه لسفر أردته ، فقال أبو هريرة : ألا أعلمك يا ابن أخي شيئا علمنيه رسول الله صلى الله عليه وسلم أقوله عند الوداع ؟ قلت : بلى . قال : قل : أستودعكم الله الذي لا يضيع ودائعه . ( وهذا إسناد حسن ) . وعن الحسن بن ثوبان به ، إلا أنه قال : ألا أعلمك كلمات علمنيهن رسول الله صلى الله عليه وسلم ، إذا أردت سفرا أو تخرج مكانا ، تقول لأهلك ... فذكره . واخرجه ابن السني ، وابن ماجه مختصرا ، وأحمد بلفظ : أستودع الله دينك ، وأمانتك ، وخواتيم عملك ، واللفظ الذي قبله أصح .)) حديث صحيح

وصرت اذكر زوجي بدعاء الخروج من المنزل ..والحمد لله حالتي احسن..
تعرفي هالحالة كانت عندي من زمان لكن على ابويه الله يطول بعمره ..ولما تزوجت مسكت في زوجي وأبوية يعني لا مرتاحة عند أهلى ولا مرتاحة عند زوجي شايله همهم وخايفة عليهم ..

اذكر موقف حصل السنة الماضية ..
صحيت من النوم وانا قلقانة على ابويه قلق غير عادي ..فتعوذت بالله من الشيطان واستودعت الله ابوية وأمي واخواتي كلهم
ما جاء العصر إلا واختي تكلمني تقول ابويه عمل حادث بسيط وهو طيب الحمد لله وتقدرين تكلمينه
انا انهرت ..وقلت قلقي اللي في الصباح مو على الفاضي ..كلمت ابويه وتطمنت عليه وسافرت له بعد اسبوع ..
لما تشوفي السيارة تقولي اللي داخلها ما سلم ..
لأن جاه اغماء انخفاض السكر وهو يسوق وانحرف للمسار الثاني وصدم في سيارة وجهاً لوجه ..
والله ما جاه غير ضربه بسيطه في شفايفه ..وخلع بسيط برضو في الورك هذا وهو مو رابط الحزام ..
جلست احمد لله ولازلت ,, وعرفت وتأكدت وزاد ايماني ان الله خير حافظ وهو ارحم الراحمين..

,,,
جارتي كمان تشكي لي دائماً من قلقها على زوجها فنصحتها وذكرتها بالحديث ..
ألحين تدعليلي كل ما شافتني وتقول ريحتيني من القلق والعذاب اللي كنت فيه ..

اعذريني طولت في الرد لكن بإذن الله تستفيدي وترتاحي زي ما ارتحت ..
الله يحفظهم لنا ويحفظنا لهم

__________________

عزيزتي كلما تقرب المؤمن الى الله زاد ايمانه بقضاء الله وقدره
كلنا نخاف ونتوقع خوفنا سيحدث باي لحظه
لكن مايصبرنا هو الايمان وانه ماصابنا لم يكن ليخطئنا وما اخطئنا لم يكن ليصيبنا والحمدالله
فتوكلي على الله واستودعيه الله ولا تجعلي الشيطان يدخل لك من هذا الباب فالمكتوب لا نستطيع ايقافه
فكلما احسستي بهذا الاحساس استغفري الله وحاولي تصبرين ولا تتصلين عليه اي كالتمرين
الى ان تشعري ان الاحساس السلبي الذي بداخلك بدأ يتلاشى وحاولي ان تقنعي عقلك الباطن بهذا الامر
اسال الله ان يحفظ لك غاليك ويبعد عنك الشيطان ويوفقك

__________________

دعووووواتكم لاختكم لحن السعاده

فعلا ياgawlp أنا كنت مثلك ومازلت بس خفييييت كثير ولله الحمد ,,
والسبب مثل ماذكرتي ..استودعهم الله وانا مرتاحه وواثقه برحمة ربي

كل ماحسيتي نفسك بتوسوسي قومي صلي ركعتين ,,واجلسي استغفري كثييير
الله يعينك يالطيبه

اختى الغاليه والله هذا يدل على حبك الشديد لزوجك
فهدئى من نفسك واعرفى ان كل شىء مكتوب واحمدى ربنا على كل شىء
اتفقى مع زوجك انه يطمنك على نفسه من حين لاخر يعنى اول ما يوصل الشغل يتصل بيكى
واول ما يوصل البيت يتصل بيكى
اواتصلى انتى لو تعرفى مواعيده