السلامـ عليكمـ


انا تسجلت معاكم منذ فترة طويلة .. مشان أستفيد من المواضيع ..

لكن الحين اول مرة أقرر إني اشارك، لاني إنخطبت وملكتي قريبة جداا، يعني بعد 10 أيام إلى إسبوعين ..

أنا وخطيبي مبسوطين ونحب بعض ، تكلمنا وإتفقنا على كل شي ... إلا بالأمور المالية!!! مثلا المهر وتكاليف الملكة ..
للأسف هو يظن إنو أهلي هم الوحيدون اللي رح يرتبون أمور الملكة وتصاريفها ... وإحنا عندنا أزمة مالية لان والدي مريض وأخواني يشتغلون،، وأنا ماعندي الجرأة عشان اقوله إرسل لنا مصاريف الملكة والتجهزيات
والمشكلة الأكبر، تكلمنا بالمهر قبل أيام وسألني كم رح تطلبين، قلتله إنت كم تقدر تدفع قاللي 400 جنية إسترليني او 500!!! علما إحنا موجودين بإنجلترا ، وعادة الفتيات بياخذون 10000 جنيه إسترليني كمهر أو أكثر ..
مقهورة، ابي فلوس عشان أتجهز للزواج، وبنفس الوقت خجلانه إني أطلب منه، حتى إني خايفة أختار المهر براحتي يعني أي فلوس ابيه ..

وش الحل؟؟
أرجوكم،، ساعدوني...
لازم اتجهز لان زواجي بشهر 12

وصلت لدرجة إني أفكر أطلب منه قرض ،، (مهر) وارجعله لما القى فلوس ..

لاني والله بحاجة لفلوس عشان أتجهز .. واسوي شوبينتغ

ياغالية

اقلهن مهر ... أكثرهن بركة

وبالنسة لخطيبك إذا لم تكوني صريحه معه من الآن

فثقي وتأكدي أنك حتى بعد الزواج ستضلين تتحاشين التحدث معه في بعض الامور

تكلمي معه بأسلوب فضفضة وليس بطلب لكي لا تشعري باحراج

وقولي له انت تعرف اننا حاليا في انجلترا

والمصاريف صعبه بعض الشي... ووالدي يصعب عليه في الوقت الحالي تجهيز اللوازم

فماذا افعل؟؟؟ لو هو عنده بعض من المال فصدقيني سوف يقول لك (ماتشيلي هم)

لانه خطيبك وشريك حياتك... بس لو هو مايملك فكوني انت العاقلة وتصرفي بحكمة

والعروس فرحتها ليست بما يصرف وانما فرحتها بجمعتها مع حبيبها ووالد اولادها

وتأكدي ان كل ذلك مال دنيا... وتمنياتي لكي بالتوفيق والسعادة

__________________

أختي هذا الأمر أنتي من يعرف إجابته
فأنت تعرفين طبع من خطبك و تعرفين أي رجل هو

و عني أختي لا أرى فيها أي سبب يدعو للأحراج و الخجل
فأخبريه عن و ضعك و متطلباتك

فرق بين 500 و 10000

صارحيه .. اما قرض للملكه فرأيي انك تكنسليها طالما مافيه مقدره

مجرد شكليات انتي بغنى عنها

ونصيحه لا تبدأين حياتك بقروض نهائيا

اي شي يستدعي قرض كنسليه مباشره والله يوسع علينا وعليك

__________________
الحياه حلوه جـــــــــــــــــــــــــــــدا... بس للي يفهمها

خايفة والله .. حاولت أخبره ..
بس دائما مايفهم تلميحاتي ..

خايفة ينحاااااش لو أصريت :-( :'(

إيه عادة بنات خالتي وقريباتي اللي تزوجو ،، كان أقل وحدها مهرها 5000
وسمعت الباقيين مابين 5000 إلى 10000 ..

لكن هو إقترح 500 فقط !!
وجهازي رح يكفيه أقل شيء 3000..

يمكن مايدري؟

__________________
الحياه حلوه جـــــــــــــــــــــــــــــدا... بس للي يفهمها

إيه يمكن ...

لكن هو شكله بعد مايبي يدفع كثير

مادري وش أقوله، وكيف أشرحله إن كل عروس لازمها فلوس عشان تتجهز .. وربي حزينة

حبيبتي كلنا تجهزنا بس مش بالطريقة هذه
اشوف ان المبلغ كبير شوي
وانت هذا زوجك المفروض تخافين على فلوسه
لان هيتحاسب في يوم عليهن
والفلوس اللي هتكون بجيب زوجك تستفيدي انت منها مستقبلا
وماتقولي زي فلانه وزي علانه
فكري بمستقبلك الاسري
وصدقيني فرحتك ماراح تكون بفلوس او جهاز
فرحتك وين تكوني في بيت مع من تحبين ويحبك

__________________

عادي

كلميه

قولي له ياليت تعطيني دفعه من المهر علشان ابدا اجهز وماتكون اقل من الفين .. لأن فيه تخفيضات واشياء لقطه ودي انتهز الفرصه واخذهم

عاد هو ساعتها رح يبين على حقيقته

اذا قال لا مافيه الا خمسميه


قولي له ايش اسوي فيها؟ حسبتك تمزح

الا اذا انت ماتبي جهاز!!!!


وقولي له على المبلغ اللي تبغيه .. وان كل الناس هيك ( لا تقولي قرباتي )

ونصيحه تعودي على المصارحه

لا عاد تتركين المواضيع وتأجلينها وتستتحين


تتعبين بعدين

__________________
الحياه حلوه جـــــــــــــــــــــــــــــدا... بس للي يفهمها