عمري 20 سنة .... زوجي أكبر مني بِ سنتين يعني ... 22 سنة
متزوجة صارلي 11 شهر وتاريخ 24 من هَـ الشهر راح اكمل السنة معاه
تزوجته بعد قصة حب مو طويلة ، لأنه بسرعه تقدملي وتزوجني
يحبني بِ جنون ... وابادله نفس الحب
في بداية زواجي صادتني مشاكل وياه
اكتشفته مره إنه يخوني ... ما كلمته ولا قلت له شي زعلت معاه وراضاني
وحاولت امشي الموضووع ماخذيت منه وعود ولا أي شي
لكن اكتشفته مره ثانية يحاجي بنت في المسنجر ... وكنا في رمضان اللي طاف
واتصلت لأبوي في نفس لحظة اكتشافي وكان ريلي يمي
قلت حق ابوي انت كلمه آنه تعبت نفسيتي معاه ولا ابيه تعال خذني من بيته
بس ريلي كلم ابوي وقال له سامحني عمي آآنه قبل لا اخونها خنت الأمانة
وان شاء الله اوعدك ماراح يتكرر
ابوي قال له قبل لا توعدني اوعدها وقال له " اما امساك بمعروف او تسريح بإحسان "
إذا ماتبيها ترى بيتها مفتوح لها بأي وقت ..
ولا تفكر ان احنا مستغنين عنها ولا يهمنا إن قالوا بنتنا امطلقه
باجر تتخرج من جامعتها وتشتغل
وعندها سيارتها والليسن
ولا تحتاجك في شي .. وألف من يتمناها
قال له ريلي آآسف قال له ابوي تأسف لها
ولا تتأسف اذا انت منت حاس بغلط ولا انت ندمان
قال له ريلي انا ما كلمتك إلا لأن فعلاً ندمان وآنه احب بنتك ومابي اخسرها

وفعلاً ريلي وفى بوعده لي ولأبوي .. ومن يومها ما تجرأ يكلم احد
وكنت اراقبه ومن غير ما يحس اجيك تيلفونه
وايميله
والمنتديات ووو إلخ
بس فعلاً وفى بوعده لي ..

مع إن الحين اتصدينا مشاكل
بسبب غيرتي .... بسبب خوفي إن يروح لغيري
وهو حاس بالندم للحين لأن غيرتي الزايده والمفرطه سببها اهوهـ
وآآنه قلت له ابي احس بالأمان
قال لي شلون احسسج اكثر من جذي ؟
انه مو قاعد اسوي شي
قلت له ادري
بس اخاف اخاف ترجع لقبل ..
قال مابرجع والله مابرجع

بس غيرتي وخوفي ذابحيني !! شسوووي ..
وحتى عصبيتي من اتهاوش معاه اهو يظل ساكت وما يرد علي
عشان لا يكبر المشكلة ... وكل ما شفته ساكت آآنه احاول انرفزه عشان يتكلم
واظل اذكره بخيانته لي ... ساعتها صج ينقهر بس يسكت
يقول لي مابي ارد عليج عشان لا تكبر بينا المشكلة ويقوم عني ويخليني
آنه احبه وايد .. واشياء وايد حلوه فيه
ومن يوم وعدني ما سوالي شي يضايقني
ويحاول كثر مايقدر يرضيني

بس مادري هل المشكلة فيني ؟ لأن مو قادره انسى !
او شالحل حق غيرتي ؟
وشلون انسى اللي صار ؟

عزيزتي لا تخلي مجال لشيطان عشان يزرع الشك والغيره في قلبك


والانسان له طاقه معينه بعدها ممكن انه ينفجر فلا توصلي حياتك للهاويه

اتمتعي بحياتك الزوجيه

والرجل اولا واخيرا يخرج من بيته هاربا ليبحث عن اشياء يفتقدها

فملائي حياتكما بالسعاده ولا تنظري ورائك

في رعايه الله

__________________
الحمدلله علي أنعم الله الظاهره والباطنه

بلا غيررررة وحساسية زايده بهالطريقه راح تخسرين زوجك وحياتك ..
ع فكرررة ترى كل الرجال يخونون الا من رحم ربي ومع دلك الحريم قاضبين بيوتهم ورجالهم وصابرين عشان مايخسرون هالزواج
الا ادا انتي تبين تخسرين زوجك وحبك وحياتك دققي على هالاشياء وعلى اي زلة كلمي ابوك
وبهالطريقه اضمن لك ان ابوك ماراح يكون له هيبه عند زوجك وراح يستمر زوجك في مغازله ( يعني مافيه فايده ) ..
الحل انك لاتعطينه كل اهتمامك وكل حبك الرجال ماينفع معاهم كدا وخصوصا ادا كان خليجي ..
عيشي حياتك بالمعقول (غيره وحب بالمعقول) لان لو حبك واهتمامك فيه زايد راح يدوس مهابتك لانه ضامن حبك له ..
وادا انتي خدتيه عن حب المفروض حاطه ببالك هالشيء من زمان ...
اللحين البنات االي يتزوجون بالطريقه التقليديه يحطون ببالهم الخيانات ...
وادعي ربك دايم ان الله يحفظه لك من بنات الحرام ويسخره لك ...

الله يسعدك ويوفقك ويسخره لك ... ويزوجني الزوج الصالح ...

ماجذب عليج ... ساعات اقول يارب خله يخوني ويجي يقول لي خنتج وارتاح
ولا عذاب الخوف والشك ..
هو طيب وكريم ويحبني وفاني ومزوح وكل شي فيه حلوو وفوق هذا احبه ويحبني ..
بس اللي سواه خلاني اخاف !!
لَ درجة اتخيلي ..... كل يوم ما يرد من الشغل إلا وآآنه متعدله ومتعطره
واسوي العشا من وقت بحيث ان بعدين بس اخليه يتسخن عشان يمديني اتعدل له
كل يوووووووووم اتعدل له واتزين .... لأن اقول عشان ما يشوف البنات بره عطرهم واصل لي وين
ويفقتد هالشي في بيته
فَ احرص ان ما يشم الا العطر فيني ومايشوف الا الزين
بس الخوف ذابحني !

آآنه مو معطيته اهتمامي بس بطريقة مبطنه
بحيث ان ماراويه اني ميته علييييه ..
حتى ساعات اقول له بابات في بيت اهلي الليلة
يقعد يتحجج يقول لي .... آنه مابوديج
قلت له انزين عندي سيارتي آآنه باروح فيها
يقول مابيج تسوقين فالليل
قلت له اوكي باجر من العصر باروح وبابات لي يوم ثاني
يقول لي لا ... قلت له شالسبب ..
يقول مافيه سبب آنه ابتسمت
قال لي دام تدرين لش تسألين ؟

قلت هالموقف عشان اوريج شلون اتغلى عليه ومو قاطه نفسي مره وحده عليه

وآنه مو من النوع اللي يتشكى عند اهله او عند اي احد
آنه ما تحجى وايد ولا اتشكى همي ابقلبي
بس حسيت ان ماقدرت اسوي كنترول من البداية
فَ شكيته حق ابوي ..
وابوي يتحجى بحكمة وياه وويا الكل ..

بس مو هني المشكلة المشكلة إن آنه ما ابين له غيرتي في مرات وايد
بس الخوف من داخل ياكلني

ويارب الله يهنيج ويسعدج وتلقين ولد الحلال اللي يحافظ عليج ويصونج ويعيشج باجي عمرج مرتاحة

هذا حالنا نحن البشر.. نبحث عن المنقصات في حياتنا
كأن الحياة الهادئة والمستقرة .. روتين سرعان ما نمل منه
ولسنا ملائكة معصومون عن الخطأ .. نعم .. معك حق إلا الخيانة فهي لا تغتفر
لكن زوجك عرف بخطأه وإعتذر .. لا تثيري الماضي بالغيرة العمياء
وكوني واحة زوجك التي يلجأ إليها كلما احس بالظمأ
ولا تكوني كالسراب

أنت في أمان الآن .. زوجك يحبك .. فلا تبددي أحساسه بالحب بتصرفاتك الصبيانية..

تحياتي..

على فكرة اذا كان على كل مشكلة بتذكرينه بخياناته وماضيه


رغم انه وفى بعهده لك,صدقيني راح يجي يوم ويقول في


نفسه:هذي سواء وفيت بعهدي لها أو ماوفيت نفس النتيجة


اللي هي الشك والتجريح(بالماضي)فيرجع الى سابق عهده وأنتي السبب..



عشان كذا أعطيه الثقة,وراح تضبط أموركم باأذن الله..

اله يهديك ياأختي

لاتخسريه وتعوذي بالله من الشيطان الرجيم


ولايحس أبدا فيك إذا راقبتيه


خليكي أنت الزوجة والصديقة والأخت وكل شئ بحياته .......


موفقه الله يسعدك

مشكورين فديتكم على نصايحكم ..

بس المشكلة وين ؟؟

إن وقت المشكلة ... ووقت العصبية والنرفزة

ماقدر اسوي كنترول على لسانييييييييييي !

هذه للاسف ثغرات يقوم بصنعها الازواج للاسف لا تغلق

اختي هذا غلط مشاكلك لازم تنحل بينك وبينه مهما كانت المشكله والله لايجيب مشاكل بينكم


بس يااختي تناسي اللي صار

واعلمي ان الله يغفر لعباده

وانت يجب ان تتناسي اللي صار وتذكري

ان لكل انسان اخطاء

ومافي احد معصوم عن الخطأ

وقولي الحمدلله ان زوجك ندم عن اللي صار

انسي تلك اللحظات وحاولي التفكير دائما باسعاده

واعلمي ان الزوج بيتحمل بس لنقطة معينه وممكن بعدها تنقلب عليك

وتندمي وقت ماينفع الندم

سامحيني على كلامي ولكن ماهو الا تحذيرا لك لانه خوفا عليك

__________________

اللهم صلي وسلم على سيدنا محمد..استغفرك اللهم وأتوب اليك..اللهم ان رحمتك وسعت كل شي ،، فارحمني رحمة تطمئن بها نفسي وتقر بها عيني..