حساسيتي الزايده عن حدها ! - منتدى عالم الأسرة والمجتمع

11-06-2010, 03:17 AM

ŘōŜẻ

عضو دائم

تاريخ التسجيل: May 2010

المشاركات: 59

حساسيتي الزايده عن حدها !

السلام عليكم ..

كيفكم يااعضاء ..

.

اانا بطرح عليكم مشكلتي اللي رافعه ضغطي من فتره وانا ع هالحال ..
انا انسسسانه حسسساسه جدااا لابعد درجه .. لو احد يكلمني ابكي بدون اي مقدمات

بس هالفتره زااايده الحساسيه بشكل فضيع بما زواجي باقي عليه شهر واسبوع

هالفتره الحساسيه زاااايده بشكل مو طبيعي .. احس اني بنفجر وربي !
نفستي زفت وخايفه من كل شي كل شي .. من زوجي واهله والمجتمع ككل !!
دايم احطم نفسي واني مو قد الثقه واني واني .... الخ

ليش اسوي كذا ماادري !
خايفه من كل شي بيواجهني .. اي احد يقول لي كلمه اجلس افكر فيها سنه واقول يمكن كذا وكذا ويمكن يقصد بهالكلمه كذا وكذا وافسرها من مخي وغصب اخليها سلبيه ويضيق صدري وتروح ايامي وانا حزينه

دايم افكر بـ ودي اكون عند زوجي واهله والناس كلهم وهالشي كنت افكر فيه قبل ماانخطب من يومي صغيره وانا تفكيري كذا .. اكون محبوبه ومااحد يزعل مني ولاا يكرهني وابي كل الناس راضيه عني ..
ابي كل الناس يحبوني ولاا يكرهوني وابيهم يتمنون لي الخير بس الواحد لازم يغلط ومو معصوم من الغلط بس انا ماافكر بهالشي احس لو غلطت ولا لو احد كلمني بقسوه ولا لو احد هاوشني ولو لو احد سبني عند احد احس الدنيا بتنتهي !!
< اختي تقول انتي طيبه بزياده وعلى نياتك الناس مو مثلك خلااص
.
.

يمكن اكون انسانه مو واثقه من نفسي .. طيب شلون اكون واثقه من نفسي واكون شخصيه قويه واتحمل كل اللي بيواجهني !
اكيد وميه بالميه بعد زواجي ان شاءالله بتواجهني مواقف واشياء لازم اكون اكبر منها واتحملها

بس شلللون مااادري !
اهلي وصديقاتي وكل الناسس يقولون انتي حسسسسسسسسسسساسسسه

طيب وش اسوي وش بيدي اسويه !
هذي انا من وانا صغيره !!
بقولكم موقف صار معي قبل يومين وللحي شاغل تفكيري وشوفوا هل انا طبيعيه !

.

انا بتزوج بعد شهر وشوي ان شاءالله .. انا ماخبرت البنات كلهم ( صديقاتي ) فيه منهم صديقاتي مرة ايه علمتهم وفيه زميلات لا ماعلمتهم قلت بعلمهم بالوقت المناسب !
المهم وانا اسولف مع وحده من زميلاتي .. خبرتها وكنت حااسه انها تعرف !
وصار احساسي بمحله .. قالت : انا الصراحه عارفه وماكان ودي اسمعه من الناس كان ودي انتي تقولين لي !
المهم جلسنا نتناقش وكذا .. ( اخت زوجي معانا بالجامعه وتعرف زميلتي هذي وهي كمان بتتزوج )
قلت لها ويااااليتني ماقلت لها .. قلت : طيب من قال لك اني بتزوج قالت اللي قال لي ! قلت : دريتي ان فلانه ( اخت زوجي ) بتتزوج ! قالت من فلانه .. المهم قالت من بتاخذ !!!
ماقالت مبروك ولا ماشاءالله ولا الله يوفقها ع طوول من بتاخذ !
انا قلت ماادري المهم انها بتتزوج وبسس !

.
.

انا الحين خفت تروح تقول لاخت زوجي انك بتتزوجين وان فلانه ( انا ) قلت لها .. ويمكن اخت زوجي ماتبي احد يدري وانا قلت ويمكن ينتشر !
مع اني قلت لها لاتقولين لها ولا لاحد ثاني ! بس مادري خايفه تقول لها .. وضايق صدري مرة ..
ويمكن اصلا هي قايله لصاحباتها وقايله لهم عن اخوها ودروا منها عن زواجي !
انا خايفه تاخذ عني فكره هي واهلها وزوجي اني انقل اخبار .. ويقولون هذي من اولها !!
او انها ماصدقت انها بتتزوج راحت تقول للبنات !
يـَ ربيه افكار تجيني مو طبيعيه .. مادري وش اسوي !
احس اني بمووت ودي ارتاح من هالتفكير .. هل اللي انا امر فيه طبيعي ولا زايد حبتين !
وهل الموقف هذا عادي ولا لا !
طيب وش تنصحوني فيه !
مابي تكون حياتي بعد الزواج هموم تاافهه كل شي يمر بحياتي افكر فيه سنه واخليه من الحبه قبه ..
ودي اصير اطنششش بس مااقدر ..
سااعدوني الله يرضى عليكم

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه