بسم الله الرحمن الرحيم

السلام عليكم ورحمة الله وبركاته

كيف حالكم يابنات انا فيه موضوع محيرني ومضايقني بنفس الوقت ... ومالي بعد الله إلا انتم واتمنى تنصحوني وتعطوني حل للمشكله ... لانها مضايقه زوجي . ومش عارفين ايش انسوي .. وقلت مالي إلا حبايبي في المنتدى يفيدوني..
الموضوع باختصار .زوجي عنده دوره في لندن 4شهور وبيروح بأذن الله شهر 10 بدايته ... وانا ادرس بالجامعه .. وزوجي محتار مايقدر يعتذر لان الدوره اجباري ويقول اخاف مايوفرون لك تذكره والمعيشه غاليه هناك ... والمشكله انا قلت له ماودي اكون عثره في طريقك ..بس انا اسكن الرياض وماعندي احد ولا اقارب واهلي في مدينه ثانيه.. وماعندي امي ووالدي كبير في السن وصعبه يجي عندي .. واخواني كلهم متزوجين ولاهين باشغالهم ... وصعبه جدا اجلس لحالي 4شهور بدون احد وغير كذا انا متعلقه بزوجي مره ومااقدر اصبر عنه كل هاالمده ..تكفون اللي عنده رأي او حل يساعدني وله جزيل الشكر... والله اننا مهمومين بسبب هذا الموضوع... وانا ودي اخذ دورة لغه هناك وزوجي يقول مستحيل اوافق تدرسين مع شباب .. ساعدوني الله يفرج عليكم .. ارجو ماتبخلون علي بالرد

أجلي الدراسة بالجامعة الفصل الجاي
وعندك خيارين ياتروحي معاه إذا تيسرت أموركم
أو تروحي عند أهلك

وإذا أهله ساكنين بالرياض ولا تحبي تخسري دراستك روحي عندهم ع الأقل هم زي أهلك


الله يسهل أمرك

المشكله لا انا ولا هو ماعندنا احد بالرياض .... فيه عمي بس صعبه 4شهور اجلس عنده وعندي ولد 3 سنوات وشقي الله يصلحه ... وصعبه اضايق الناس ... اللي ماعنده حل يدعي لي ان الله يفرج لي ... والله مره متضايقه ...

عندك ولد عمره 3 و ين حتوديه من تجي لبريطانيا

و لا هذا المسكين ما في احد يفكر فيه

__________________

الحل يااختي في تاجيل الدراسة الترم الجاي وتروحي عند اهلك اذا مافي امكانية انك تروحي مع جوزك وعليك بلدعاء فما بين عين والتفاتتها يغير الله من حال الى حال

ولدي باخذه معي من قال بتركه مستحيل اخليه ... والمشكله ابوي عايشه وحده واخواني كلهم متزوجين ... وكل واحد بديره ... والله اني تعبت من التفكير الله يفرج لي بس

يااختي الله يسهل امورك ادعي ربك في الليل واحذفي هذا الترم وروحي مع زوجك

أول شئ استخيري ، ثاني شئ من جد المعيشة في لندن مو بس غالية .. نااااااااااااااااااااااااار
من جد أقول لك ، كل شئ غالي ..
و إذا بتدرسي لغة ، فما عندك مكان تحطي ولدك أول شئ و تاني شئ كيف بتدرسي ؟؟؟؟
إذا على حسابكم ، فأنسي الموضوع ، لإنها بجد غالية ..

فإذا بتجي مع زوجك ، أحس راح تتبهدلوا إذا أول مرة لكم ..
فيا إنه زوجك يلغي الدورة .. أو إنك تسحبي ترم و تجلسي عندك أهلك ..
أو تروحي مع زوجك و تحطي في بالك إنه الحياة ما راح تكون تمشيات ووو إلخ ، راح تكون كرف في كرف

روحي لبيت اهلج احسن وانتظري زوجج 4 شهور
هذا اريح حل لنفس حالتج
الله يهونها عليج وتمر ها الاربع شهور بسرعة
والله وياج لا تحاتين

__________________
الظلال تمد ايديها لنا !
هل يا ترى تكون ارفق علينا من الضوء؟

طيب اجلسي مع ابوك على الاقل تخدميه و تونسيه دامه لحاله

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله