ابغى احكي لكم قصة ولد عمي يوسف مع بنت عمه

يوسف يكسر خاطري والله توفوا اهله كلهم قبل 10 سنوات في حادث سيارة ماتت امه على طول وماتن اخواته الخمسة ماعدا وحده كان عمرها سنة ونصف وابوه اللي هو عمي الله يرحمه صابه نزيف بالمخ وشلل وظل عايش لمدة 7 سنوات وولده كل هالفترة هو اللي كان يرعاه ويغيرعليه حتى توفى الله يرحمه

المهم ولد عمي هذا مسكين بكل ماتحويه الكلمة من معنى ودايما ساكت ومايقدر يقول لأ اذا احد طلب منه شي ... ويستحي مررررة ............. وبصراحة طوال 10 سنوات كان حياته صعبة السنة الاولى بعد الحادث قضاها بالمستشفى عشان الكسور واصابات الحادث
والست سنوات اللي بعدها قضاها في رعاية ابوه حتى مات
والثلاث سنوات اللي بعد وفاة ابوه حصل على وظيفة براتب 2000 ريال وظل يجمع راتبه لمدة ثلاث سنوات عشان يتزوج
المهم ..... لما حس انه مستعد للزواج ... راح عند مرة عمي وطلب منها تدور له عروس ( لانه ماله محارم لاخاله ولا عمه ولا اخت ) عشان يختاروله

المهم مرة عمي على طول قالت له خلاص بزوجك بنتي مالك احسن من بنت عمك
ولما درت بنت عمي عن السالفة صارت تتكلم وتتأفف وتقول ايش اسوي معاه مسكين ومو حلو وماله شخصية ..... مــــــــــــــــــــــــاأريده

لكن مرة عمي اجبرتها وعمي كمان وكل قرايبنا قاموا عليها بالكلام ...وحرام عليك ... لا يسمعك وانتي تقولي هالكلام ... اللي فيه كافيه ... لازم توافقين ..

حتى وافقت رغما عنها .... وكانت تجيني دايما وتشكيلي تقول لي (ايش اسوي انا اعرف انه مسكين ويتيم والله اني ارحمه بس ليش يطيح بحظي انا )

والله اني كنت احزن عليها لانها مرغمة عليه .............. وهو ماكان يدري عن كل اللي يصير

الين جا يوم زواجهم ............ تخيلو ماقعدت معاه غير شهر واحد تقول

دور لي علاج انا كل ما أدخل هالشقة تجيني كتمة بصدري " كانت حيلة منها " وهو المسكين صدق ورايح جاي يدور لها على المشايخ ويقول زوجتي فيها عين....

والحين زوجته حامل ..... وماتطيقه ابدا ودايما تجي تشكيلي تقول " انا ليش حظي كذا ياأظلم نفسي ياأظلمه هو "

والحين صار لهم سنتين متزوجين لكن كل واحد في بيت ... هي عند اهلها ... وهو بالشقة اللي استئجرها ياحسرة .... حتى اخوي الكبير دايما يجي يقولنا يوسف هذا ماكأنه تزوج كل يوم اشوفه في المطاعم ... والشقة الي استئجرها يدفع ايجارها على غير فايدة ... وش هالزواج النحس..

والله العظيم اني من البداية كان نفسي اتدخل بالموضوع وامنع زواجهم ...

لانهم مايناسبون بعض هو مسكين يبغى وحده تحن عليه وتنسيه الماضي الحزين
وهي كمان تبغى انسان تحبه من قلبها مو بس رحمة

والله كلنا محتارين في موضوعهم ماندري وش الحل الصح ؟

__________________
بنفس القدر من الجهد نجعل أنفسنا أقوياء أو ضعفاء