السلام عليكم ورحمه الله وبركااته

كل عاام وانتم بخيرر وبصحه بسلاامه

موضوعي يخص اخوي الغالي شايله همه بصوره فضيعه

اخوي الله يحفظه في منتصف العشرينات حافظ جزء كبير من كتاب الله ولله الحمد صفات جميله توجد فيه ماشاء الله
المهم بعد مشاورات شفنا ان بنت خالتنا وبنفس الوقت بنت عمنا مناسبه تقريبا من حيث اخلاقها وتربيتها
صارت الشوفه وكانو طايرين في اخووي وهو طالع قالت خالتي الحين تقولي رايك قالها مايحتاج ياخاله موافق طبعا حسيت وجه تغير
طلعت البنت ماعجبته وماقال لناا سالته ذاك اليوم وش رايك قال قاعد استخير مدري عن شعوري وربي قلبي عورني عليه بعدها بكم يوم امي قدام ابوي قالت اهم ماعلي راحتك ياولدي اذا ماعجبتك مافيها شي قام ابوي الله يهديه علينا كلنا وش هالكلاام وش الى ماعجبته وربي سوا لنا انتفاضه بالبيت
الحين اخوي يبي طريقه لانهم قالو يبون الملكه بذوو الحجه وللحين ماسووا التحالليل
الحين اقتنع انه مايبيها نهائي نبي طريقه من غير مانجرح البنت ولااهلها ودي تجي منها بس مستحيل
ابي اعرف وش الاسباب الى مايصير فيها توافق بالتحليل
اعرف وحده بمستشفى فكرت انها تدخل بالموضوع وتكتب بالتحليل غير متوافق بس مادري يصير اولا؟؟
افيدوني الله يجزاكم خير وشلون اتصرف
وادعوولاخوي وللبنت الله يعوضهم ويغني كل واحد منهم من سعته .........



استغفر الله الذي لااله الاهو الحي القيوووم واتووب اليه

__________________

شكلكم حساسين جدا عادى الزواج قسمة ونصيب فى الف عذر وعذر يمكن يصير
والمفروض مرة تانية لما تبون تحطبون من الاقارب ماتخلونها رسمية عشان لايصير احراج
ممكن يتحجج بالشغل والا بالمال والا بالسفر والا باى شى

__________________

وعليكم السلام ورحمة الله وبركاته ..


في بعض الأحيان المجاملة ,,

والخوف من إبداء الرأي بكل وضوح ,,

يكلف الأنسان كثيراً ..

كان الواجب على أخيك .. أن لايبدي رأيه مباشرة ..

وأنما ينتظر ,, ويجعل أحدكم يوصل رأيه ..


لاسيما وأن وضعكم حساس ..

فوالدة البنت خالتكم .. ووالدها عمكم ..

يعني اخشى أن هذا الموضوع ..

يؤثر مستقبلاً على علاقتكم ..

الآن ,, لاينفع الكلام (قدرالله وماشاء فعل)


طالما أنه لايريدها ..

فليوضح .. رأيه ويشرح لوالده ذلك ..

لأن موضوع كهذا لايتم بالأكراه ..

اذا أقتنع والده خير وبركة وأن لم يكن ذلك ..

استعينوا بمن يسمع له والدكم (كصاحب أو قريب)

والتحاليل أتوقع فيها من الرسمية الشيء الكثير ..

وصعب التلاعب بالنتائج ..

أسال الله بمنه وكرمه ..

ان ييسر أموركم ..

ويرزقك الزوج الصالح عاجلاً غيرآجل ..

__________________
حَسْبِيَ اللَّهُ لا إِلَهَ إِلا هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ

طيب اعملوا حركات نوص كم وقولوا انو شارط شروط مو في البنت هادي

والله يعوضها ياقلبي عليها بس

.
هو المشكله انهم حتى اقاربنا حساسين بزياده والحمدلله بييننا محبه مو طبيعه ماشاء الله خاصه هالعائله
وخايفه نخسرهم بسبب هالموضوع مرررررررره صعبه انه يقول مابيها من الباب للطاقه الله يعينه ويسهلها يمكن خيره حتى للبنت
والله يرزقك ياختي بالزوج الصالح في هالشهر الكريم وبنات المسلمين اجمعين


------------





......


ايه والله ياقلبي عليهاا

__________________

مالكم غير تكلمون احد المشايخ او اي شخص متخصص يقول ان التحاليل فيها شي واتوقع ةالله اعلم اسألو فيها يجوز الكذب عشان العائلتين يفضلو حبايب ومايخسرو بعض

نفس الي افكر فيه يارولادا ابي احد متخصص بهالامور يتدخل ويقول انهم غير متوافقين بس مادري وشلون

__________________

وأنتم بتنتظرون لوقت التحاليــل !
لا تعطلون النآس .. وتعطلون أنفسكم
ما فيه شيء لو أمك كلمت خآلتك وقالت لها مافيه نصيب ..
الولد إستخآر وغير رأيه
يمكن يشيلون بخواطرهم شوي بس أخرتهم بيرضون ..
بس لا تطولون بالرد ..

الله ييسر أموركم ويعوض الجميع

__________________
ي رب رضاك و الجنة

الحل سهل مره جداجداجدا جداجداجدا مطبقه اثبتت نجاحهها اما العوائل السعوديه حددوا الملكه اذا جاء اليوم موعد الملكه خليه يروح اذا وصل بيتهم وقف عند الباب خليه يتراجع ويقول مااقدر ادخل مابيها مابيها خليه يمثل تمثيل صح بعدها يروح للبيت وبعدين اوهمو العروس انه يحبها بس شكله مسحووووووور وبكذذا راح تنتهي المساله بتعادل الطرفين ......والشي الثاني اذا ماضبطت هالفكره خليه يوقف قدام ابوك ويقول تبين اخطب واخذ البنت عليك التكاليف كلها من بيت وغيره وبعدين راح يفهم الولد وش يقصد الولد
والشي الثالث اشرطوا عليهم ان البنت تسكن عندكم هالشرط راح يخليها ترفض صح
ولشي الرابع اذا انها تكمل دراستها خلي اخوك يقول مابيها تكمل تجلس بالبيت
هذي افكار جهنميه ااذا ضبطتوها ادعو لي وشكرا لكم

الكذب بشأن التحليل اعتقد انه غير جيد ، لأنك حين تقول التحليل غير ملائم يعني توجد أمراض وراثية في العائلة ، وهذا يؤثر على سمعة الفتاة ، ويشككها في صحتها .. وهذا لا يجوز

أما بشأن وضع شروط تعجيزيه ، فهو ايضاً امر قد يعقد المشكلة اكثر فقد توافق بعد إلحاح من اهلها او قد يتسبب في حدوث بعض الحزازيات ، وتخرج من مشكلة الى مشكلة اكبر ويصعب الخروج منها اكثر واكثر

ربما من المناسب ان يقول الشاب لهم انه عمل خيرة في الزواج وطلعت الخيرة غير جيدة ، صحيح ربما يبدو الامر غير منطقيا ان يعمل الخيرة بعد ان يبدي الموافقة ، ولكن فليكن هكذا ، على الاقل افضل من ان يكذب في امور اخرى تعقد المشكلة او افضل من ان يستمر في الخطبة ومن ثم يعض اصابع الندم على زواج لم يكن يرغب إليه فتتعقد المشكلة اكثر واكثر

سلام