اولا اشكركم على هالمنتدى الراقي واللي محلي اكثر الاعضاء الرائعين اللي يتجاوبوا ويشاركوا ويعطوا حلول رائعهـ اشكركم من قلبي..

ارجوكم عندي موضوع بشاوركم فيهـ وان شاء الله تساعدوني

انا مطلقهـ لي سنهـ وعمري 23 وعندي ولد
بصراحهـ انا جدا متألمهـ من طلاقي والسبب اني كنت جدا طيبهـ معاه ومع اهلهـ حتى اهلي كانوا يحبوا كانهـ واحد منهم ويساعدوا بكل شي لاكن ماثمر فيهـ المعروف
وجرحني اكثر من مره واخرتها بخيانتهـ وكنت ابد ماابين لهـ ولا اجادلهـ وكنت احاول اني اشغلهـ المهم حاولت الين حصل اللي حصل وهو ماكان يدري اني ادري وطلقني بسبب تااافهـ جدا بس ماكان السبب اني كنت عارفهـ انه يكلم بنات
بس كان دائما على اتفهـ مشكلهـ يسحبني على بيت اهلي وكان يمد ايده علي قدام اهلهـ
بس الحمد لله ربي اختار لي الخير
الحمد لله رااااضيهـ وعارفهـ انه ان شاء الله خير لي لاني ماقصرت عليه بشي ابدا
لاكن حسبي الله عليه وعلى اهله

مشــــــــــكلتي...
تقدم لي رجل عمره 45 متزوج يخاف الله الكل يشهد له باخلاقهـ وكل شي وهو مستعد للي ابيهـ
بس انا خااااايفه ماني عارفه اوافق والا ..لا..؟؟؟
اوافق عشان اخلاقهـ؟؟
والا ماااوافق عشان فارق السن؟؟
اوافق عشان يلبي لي كل شي ابيهـ؟؟
مااوافق عشان ولدي؟؟
الحيرهـ بتقتلني وفي نفس الوقت اقول لا انا صغيرهـ وحلوهـ ومو ناقصني شي ابدا يعني لسى بدري وربي بيعوضني ..........انا خاااااايــــفهـ


انا ماابي فلوس ولاابي شي من هالدنيا مثل ماابي رجل يخاف الله فيني رجل احس معاه بالامان
احس اني انثى.........
تكفون ساعدوني
ماني قادرهـ اتخيل اني راح اتزوج واترك ولدي ...!!
ولا اني قادرهـ اتخيل اني راح اتزوج واحد اكبر مني ...!!
اخاف اتزوج ويطلع مثل الاول او اسوء منهـ..!!
اخاف ماافهمهـ اخاف مايفهمني اخاف اتعب معاهـ ..!!
اخاف اتطلق للمرهـ الثانيهـ..!!
يــــارب ساعدني..!!

كثير من الحريم يقولون مطلقهـ وجاها عريس تحمد ربها احد طالع في وجهها...!! ليش يعني المطلقهـ مالها حظ خلاص انتهت الدنيا بالنسبهـ لها وعادي تاخذ واحد اكبر منها ب15_20 سنهـ وعنده درزن عيال..!!
صح ممكن ماتكون مشكلهـ بس ليش هالنظرهـ بالنسبهـ للمطلقهـ او اللي متاخرهـ
ليـــــــــــــــــــــــــش..؟؟؟؟؟

الإشراف :

تم تعديل العنوان ليتناسب مع المضمون .

ياحبيبتي انصحك تستخيري وربي راح يهديك لما فيه خير لك لاتسمعي لكلام الناس محد راح ينفعك ولاراح يساعدك غير ربك صلي وادعي وربي ييسرلك اللي فيه خير لك

__________________
اللهم فرج همي

فارق السن كبير .. لا تستعجلي .. الحياه امامك طويله .. اكملي تعليمك اذا لم تكمليه و توظفي وان شاء الله القادم احلى

حبيبتي لا تستعجلي والله كبير بلعمر وغير عن كذا انتي لسه صغيره والعمر قدامك

لا تهدرين شبابك على عشان خاطر الناس وكلامهم

هذا راي وبكل صراحه

والله الله بلاستخاره وبتوفيق والله يسعدك يارب

اختي الرجال مو مثل الحرمه يعني الرجال مايشيب بسرعه يعني بمقدوره يجيب اطفال حتى لوكان عمره سبعين سنه انا اقول استخيري ووافقي وبعدين افرضي انه جاك واحد صغير لكن رافض ولدك وماعنده دين ولااخلاق لاتضيعين الفرصه ترى الفرصه مره واحده ودامنه شاريك اشرطي يكون ولدك معك يومين في الاسبوع وترى الكبير راح يعتبرك طفلته المدلله نصيحه تراه مو كبير واذا ماتبينه حوليه لي هههه-

لا تستعجلين

__________________
لآ تخليني على الدنيـــــــــــآ وحيد ...
لآ تشوفك عين ولآ أذن تسمعكــــ

عزيزتي..
جميل منك انكِ لستِ نادمه على طلاقكِ .. هو لايستحقك..وأمر المؤمن أولاً وأخيراً كله خير..
اما خاطبك الجديد..فاءن طلبتي مشورتي..فأنا أرى انه لن يكون هناك تفاهم هو في عمر والدكِ..ولكل قاعده شواذ..
ولكن فكري مستقبلاً فالرجل بعد الخمسين يريد الراحه والهدوء..وانتِ ستكونين بكامل حيويتك وشبابك وروحكِ المقبله على الحياة..
عندك ابنك..والعمر أمامكِ..مالذي ينقصكِ حتى تتزوجيه؟؟
لاتقولي انعدمت الخيارات..واخاف ان يكون آخر متقدم لي...لا ماهكذا تحسب الأمور..
فكري بنفسك...بما يمكن أن يوفره لكِ هذا الزوج من راحه وآمان..فكري بطفلك..بزوجته الأولى..
القرار الاخير لكِ..ولاتنسي الاستخاره..فما خاب من استخار..
هذا قرار مصيري ارجو ان اكون قد وفقت للصواب..

وموفقه غاليتي

__________________
ربي..قل لـأمنياتـي كـوني..!

اسأل الله العظيم رب العرش الكريم ان يرزقك الزوج الصالح التقي النقي

__________________

لاتستعجلي واستخيري كثير واسئلو عنه كويس

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

انا استخرت ولسى بستخير اكثر
بس ماخاب من استشار
اشكرك اختي على الرد والله ييسر الخير للجميع