اللاب توب خرب حياتي (مستجدات بــ 15)
السلام عليكم دخلت لأني نفسي أفضفض بلي في قلبي .. أنا متزوجه لي 13 سنه تزوجت وعمري 16 كان زوجي الحبيب والعشيق وكل شىء بعد زواجي بسنه تقريبابدأت الاحظ انه يتكلم تلفون كثير واذا دخلت حط السماعه بدأ الشك يدخل ولاكن لم أتكلم وكنت أبتسم ولاكأنوا صار شىء ومره سمعته يتكلم وشفت مسج بالجوال وقلت ليش كذا وصارحته وقلي وعد اخر مره وعلى هذا الحال كل شوي تطيح رساله ولا اسمعه ولاأشوفه يطالع اذا خرجنا مطعم وجلست معه وأسئله أنا مقصره معاك بشىء قولي وناأتغير يزعل علي لمن يشوفني ابكي وماانام الليل من التفكير يقولي اخر مره البنات هم يلاحقوني يعرفوا رقم العمل ورقم بيت امي عشان كذا ويعتذر وأنا كالعااااده أسامح لاني امووت فيه واحبه..وبعد حوالي 4 سنين كان يطلع كثير ومايتكلم قدامي مره قلت معقوله أنه تغير وتاب رحت وأشتريت جهاز تسجيل في البيت واذا طلعت خليته وسمعت الي عمري ماتوقعته يتكلم مع بنات وغزل وغير كذا يكلم شغاله أمي أنصدمت ومن قوه الصدمه طحت وحسيت الدنيا تدور وحاولت أسحب بنفسي الين أوصل غرفه النوم الي هو نايم فيها ومسكته من عند رجله وقلت ليش تسوي فياا كذا أرحمني حرام عليك يعني عشان احبك قام وهو مفزوع خير أيش صار قلت الشغاله تبع أمي تقول أنك تأذيهاا وقتها فرط السبحه هي الي تجي وهي الي تدخل ونتي منتي في البيت هي الوسخه أيامها كنت ساكنه في بيت اهلي شقه يعني المهم أنعدمت الثقه كليا لاكن الحب والعشق موجود وعندي أمل أنه بيتغير طلعنا مكه وحلف عند باب الكعبه ورجعناوهدأت الأمورومرت الشهور ويوم من الأيام دقيت عليه أبغى عشاءوماقفل الجوال صح ونا أقول الو الو شوي الا اسمعه يقول معاكي ياحبي هذي مرتي تبغى عشاء نرجع لموضوعنا وقاعديهرجهاوأنا مصدومه مو عارفه كيف اتصرف قفلت الين جا قلت كنت تكلم مين .انت قفلت من عندي وفتحت خط ثاني مو عارفه انه في الجوال مافي خط ثاني الين رحت بيت اهلي وقعدت مع اخوي وهو صغير المهم قلت يصلح الواحد يفتح خطين بالجوال قلي لا أكيد عنده جوال ثاني وهنا الصدمه كان نفسي يجي عشان افتش السياره وفعلا وجدت الجوال وكله بنات وارقام لا تعد ولا تحصى وفعلا واجهته وقلت انا تعبت منك أنت مو راضي تتغير ورحت على بيت أمه وأخته الكبيره وطحت وطلعت كل الي في خاطري وأستغربوا قالوامو باين عليكم مبسوطين شكلكم قلت انا عمري ماكنت أحب أنه يجي هذا اليوم وأتكلم فيه لاكن خلاص تعبت وطبعا امه واخته قالوا امسحيها بوجهنا اخر مره وقدامه اذا سوى شىء ثاني لك الحق ومشيتهاا وقلت عشان خاطر بناتي لازم ارجع وأتحمل كان ابوي يلاحظ السرحان الشديد عليه لاكن اقوله بالعكس مافي زي زوجي مبسوطه وامي لاحظت الايام الاخيره اني تعبت وتقول كل الرجال كذا لازم الوحده تتحمل زوجها أحمدي ربك أنه مايشرب وما يضربك ويعطيكي ويسفرك .وأسكت أقول صح المهم بدأت أطلع مكه كثير وخاصه العشره الاواخر وكنت أدعي انه يتغير وينصلح وكان يوافق ويقوله روحي غيري جوا ..وعدت الشهور ويوم كنا طالعين أستراحه مع اهلي وترجيته انه يجي معي وحاولت مارضي قلي روحي وأنبسطي انا صراحه شكيت ومره قريت عن جهاز صغير المهم أتصلت وشتريت الجهاز وجابوا الين البيت الين جا يوم الطلعه ونا أدعي وأصلى الوتر وطول الليل افكر بسمع في الجهاز شىء ولا أكيد خلاص تغير وفعلا وصلني الأستراحه الأربعاء وجاني الجمعه وكل شوي أدق عليه وأطمن ورجعت البيت وسمعت ركب واحد يقوله أبغى أستراحه والله وقت ماسمعت انه يطلب استراحه فرحت وقلت يبغى يسوي مفاجئه لي ولي البنات ماكمل كلمته الا قال ابغاه اليوم ضروري الي يوم ماكنت انا في الاستراحه مع اهلي على طول بكيت من قلبي لاكن هذه المره غيررررررر حرقه عمررري ماحسيت فيها جا وقلي اشفي ماقلتله على الجهاز قلت وحده دقت على تلفون البيت وقالت كذا وكذا قال فعلا انا اعرفها وهي تبغى تخرب بيتي وهي وهي فضح نفسه بنفسه وأول مره أسويها جبت الشنط وعبيت أغراضي وأغراض اولادي ودقيت على أخويا وجا واستغربوا اهلي وكان كل واحد نفسه يعرف ايش صار وفمي مافتحته عشان مابغى أفضحه ونا عندي بنات بكره النهار يقولوا اأبوكم كذا ولا كذا سكت وقلت طفشت منه والي يبغى يعرف يدق عليه هوا ومر شهر وهو يدق ويرسل أقوله الشىء اذا أتكسر عمره مايتصلحوجا وطلب من الوالد أنه يقابلني يبغى يقول كلمتين بس وحااول أبويا معي وقلت خليني أشوف أيش عنده ويوم جت عيني بعينه بكيت وهو جا وطاح عند رجلي ويبكي ويقول سااامحيني سامحني ويبكي وأول مره أشوفه يبكي قلبي حن على طول رجعت معه أمي مستغربه أخواتي ابوي أهله ليش جت وليش راحت .أعطاني فلوس قلي سوي فيها الي تبغي وأشترالي لاب توب وكانت هنا بدايه قصتي أناااااااااااااااااااااااااااااااا كان يوم من الأيام ولدي يلعب بلعبه أسمه قيمزر وكان يناديني تعالي لعبي معي وفوزيني أصحابي علموني عليها في البدايه ماعجبتني شوي شوي بدأت أدمن عليها وكان أول شخص أتعرف عليه في حياتي من يوم ماعرفت نفسي في الوجود شخص غير أبويا وأخويا وغير زوجي طلب أيميلي أعطيته بدأت أحكي له مشاكلي وهمومي الي عمري ماقلته غير لرب العالمين كان جدا عطوف حنون يسمعني لأخر كلمه حاول برقم جوال لاكن رفضت ومره قلت معي جوال زوجي الي مره شفته بالسياره هو أعطاني هوا قلي كسري ولا أرميه قلت بحط شريحه وأكلمه فيهاا وفعلا سويت كذا ويوم كنت أكلمه كنت أقول لنفسي تعاااال يازوجي العزيز شوف جوالك الي كنت تتكلم فيه صرت أنا أتكلم فيه لاكن طول الليل ماأنام ضميري يعذبني لأني كنت أصلي الوتر والحين لا وكنت أصوم النوافل والحين لا تغيرررت كثير كثير وأناندمانه حتى القران الي ماكان يمر يوم الا وناأقرا صار بالأسابيع هذي قصتي خلااال 13 سنه بأختصار.. وأسفه لو طولت عليكم وربي أول مره أكتب في منتدى وملخبطه ومو عارفه كيف أنا عارفه أني غلطااانه ونااا ذنبي كبير ولاكن الله يهديني ويغيرني والشيطان هو الي وسوسلي وخططلي نسيت ماقلت شىء انه زوجي تغير كثير وصار ملتزم وربى الحيه وقصر الثوب ومافي فرض يفوته صلاته في المسجد هو تغير للأحسن وأنا للأسوء له سنتين على هذا الحال
التعديل الأخير تم بواسطة أم داليا ; 07-12-2010 الساعة 04:55 PM
السبب: مستجدات
07-12-2010, 02:52 AM
ضوابط المشاركة
العرض الشجري