السلام عليكم من زمان وانا متابعه لكم واشتركت لكن ما شاركت وجا اليوم اللي احتجتكم فيه وحبيت اخذ ارائكم جميعا هل انا معي الحق ام زوجي وسانقل لكم الحوار كما حصل لاني محتاجه ارائكم الحقيقيه بدون مجامله لي ابدا ااولا معلومات عني نا متزوجه من 10 سنوات ولي ابناء منه علاقتنا ممتازه ومنسجمين ولله الحمد مع بعضنا سوالفنا وحده نفهم بعض المشكله اللي فيه انه ما يمدح ولا يتغزل فيني ولا يراضيني ابدا بس انا متاكده من حبه لي بس كزوجه اتضايق اني اعيش معاه في كل يومياتنا كاخت حتى ما يحب اني اسويله حركات او مثلا اجلس جنبه لا مثلا مزكوم بعدي يتابع التلفزيون ويسولف معي ويتناقش كاني صديقه بالضبط فقط اثناء العلاقه الخاصه كزوجه في بداية الزواج كان يزعل وكنت ازعل احيانا اراضيه وهو كان يراضيني لكن بديت انا اللي بس اراضي مو اعتذار لا بس مثلا لو جت مشكله ابادر لحلها وحتى لو هو الغلطان ابررله مثلا موقفي اعاتب اي شي المهم انا اللي ابدا ويرضى وينبسط ,هو مثلا ما يبغاني ازعل ابدا والمراضاة عنده انه بس يسولف عادي كن ما فيه شي وانا مو زعوله اكلمه عادي وننسى السالفه مع ان السالفه مزعلتني انا ومو اشياء كبيره لا مواقف تصير نقاشات معينه لكت كنت اتوقع ان الرجال كزوج هو المسؤول عن حل المشكلات ,هو لا بالعكس انا المسؤوله مع انه يتضايق اذا كنا متزاعلين وما يرتاح الين نتراضى ولكن الحمد لله من تزوجت مستحيل اترك بيتي ابدا ولا اقول لاهلي عن شي من مشاكلنا مثلا هو عصبي واهلي ماخذين فكره انه هادي وبارد وما اقولهم ابدا عن مواقفي معاه لكن اذا عصب يجرحني ويسبني ويتلفظ وفي الاخير انا الغلطانه يعني ما يتفاهم بهدوء نهائيا مع انه طيب ومتسامح لكن ما يبيني ازعل ولا يبي يراضي لانه تعود علي ارضى من نفسي وبس ما احب الزعل يطول
المشكله بدأت الاسبوع الماضي كلمته عن ولدي الصغير ومعه قريبه رفع صوته علي قال مثلا (بصوت عالي بنفخه(ياللللللله وش بيصير يعني ولدك ما عليه )زي كذا تقريبا سالته بالليل بالتلفون معك فلان يوم اكلمك قال ايه قلت وتكلمني بهالاسلوب وهو يسمع قال عادي حتى هو نفس الشي قلت بس ولو لحالك غير المهم غير الموضوع وسكرنا من بكره ما نسيت السالفه بس ما تكلمت معه ولا زعلت اسولف عادي واضحك واحكيله بالليل نام برا صحيته ويقول شوي انقهرت دايم هذا طبعه ومضايقني ينام بالصاله وبعدين اصحيه المهم قبلها بيوم بلحاله نايم بالبيت ونايم جوا بالغرفه فانا وانا اصحيه مو زي عادتي شوي معليه صوتي (يالله قم ابعرف وشلون امس دخلت بلحالك ونمت الغرفه وما نمت هنا )نفخ وقال زين وانا ماشيه قال والله انك عله باطنيه ودخلت الغرفه لا ومتزينه وقميص وحركات بدل ما يمدح يسب وقعد يكلم نفسه يقول (تهاوش والله الاسلوب )طبعا اول مره كذا ما ادري لاني منقهره من موقف السياره ينافخ وتذكرت انه دايم ينافخ مهوب لبق لاني بالعاده اصحيه برومانسيه المهم نام جوا وما قلت شي جا من بكره انا عادي جدا بدت المشكله الاساسيه انفجرت المغرب وانا اضحك قلتله امس تحلم او من جدك تقولي عله باطنيه ابتسم قال لا قاصد وش هالاسلوب عندك تنافخين قلت انا متعنيه وتراني دايم اقومك بهدوء وابوسك ما تدري قال لا وش دراني قلت الزين ما انتبهتله وقلت شفت وشلون المنافخ يزعل زي مثلا اسلوبك امس معي يوم كان معك مع فلان هنا عصب قال عادي انتي عارفه انه معي ليش تعصبينبي قلت جملتي ما تعصب الا قصدك وقصدك وانا كذا طبعي ما يهمني عندي احد او ما عندي اذ1 قلتي لي شي يرفع ضغطي ابرد قلت ترضى ارد عليك عند اخواتي وارفع صوتي مع اني هادئه بالتلفون ومستحيل اعلي صوتي عليه وبزياده لو عندي احد قام يدافع الا وابرد على كيفي انا طريقتي كذا وصح قلت قصر صوتك العيال يسمعون كانو بالغرفه جنبنا قال لا منيب مقصر
وقام يتكلم ويضرب بالكمبيوتر عالطاوله وهو يدافع عن موقفه قمت انا قلت كذا ما اقدر اتفاهم معكوهو يصارخ قلت العيال وعصبت وقلتله كاني اتكلم مع مراهق اسلوب كذا زي المراهقين هنا عصب بزود وقالي وانتم بكرامه كلي ز... قلت قصر لا يسمعون العيال وقالها مره ثانيه وانا اقول خلاص قصر وكررها اربع مرات هنا سكت وانا امشي قلت ما ادري وشلون متحملتك حتى طبعا ميه بالميه ساكتين ويتسمعون اكبرهم برابع
قام يبرطم على نفسه ما ادري وش يقول هنا بصراحه حسيت باهانه لاني من النوع هالالفاظ مستحيل اقولها وبنفسي اقول لو زوجه ثانيه ردت عليه بالفاظ زيها وراددته انا لا زعلت وسكت تزاعلنا ذيك الليله وما نام بالغرفه ومن بكره قمت للعيال الصبح وصلحتله كالعاده كوب الشاهي والساندوتش وهو طالع شفته مصلحله كوب وما شرب اللي انا مصلحه قصده زعلان ما ابي منك شي بصراحه انقهرت قلت الحين هو الغلطان ل يومين يتلفظ والحين يزعل طبعا كالعاده جيت ارسلتله مسج انا مصلحته بدون نفس الشرهه علي وجرحي هالمره ما راح يبرى بسهوله رد لا عاد ترسلينلي شي وحلو كلامك تقوليلي كلام مراهقين وترى جرحك اللي تقولين مو باري ابد ابد من بعد هالرساله لا ارسلتله ولا ارسلي لنا الان متزاعلين اسبوع واول مره نطول كذا تدرون ليه لانه متعود انا اللي اناقش المشكله واحلها ارسل ايميل مثلا عتاب وانك زعلتني ولا يرد على ايميلاتي ابدا بس في داخله يرضي غروره هالايميل كاني انا اللي معتذره مثلا فيبدا هو يكلمني يجيب عشاء وخلاص يبيني ارضى وانا ارضى
هالمره حسيت بالاهانه صدق وقاهرني لبعد لا يمدح لا يدلعني ابدا يدلعني بالطلبات ما انكر اللي احبه يشتريه اللي في خاطري يجيبه ما يمنعني لا عزايم ولا روحات طبعا مع اهلي روحات عاديه يعني سهل في هالامور الا التدليع اللفظي ما يعرفله ابد ولا حتى في ذكرى زواجنا انا اللي اسوي واحاول اول 5 سنوات يجيب لي هدايا اخر 5 سنوات تخيلو انا اللي اجيبله بس هو كريم ويشتريلي اشياء غاليه لكن ما يشتري لي في المناسبات الخاصه هديه مخصصه لهاليوم ومعها كرت وحركات مثلي لا ابدا
الان طبعا انا قاعده اكتب وهو طالع صار يعاند ما يقعد في البيت زعلان لانه كم مره جلس يبيني زي العاده قعد ولا كان شي صار لكن ما قعدت لانه يطلع اول يومين من زعلنا ويرجع علطول لغرفته ينام قصده ما ابي اقعد معك ويوم طاح اللي براسه جاي وجالس يبيني انا اللي ابدا واجلس والحين اذا رجع يقعد في مكان لحاله او يدل ينام ما يقعد في المكان اللي انا فيه لكن هالمره ما ادري ليش قلبي قسى عليه حسيت اني صدق منقهره ليه ما يراضي ليه ما يجي ويقول ويبرر او لو حتى يجي يتكلم انا زعلان لانك سويتي كذا يفتح الحوار بس مو دايم انا فقاعده افكر اني انا اللي ما اصبر وابدا لمعالجة الزعل فقلت هالمره خلني انتظر الين متى بيقعد وبنفس الوقت اقول هل افتح معه الموضوع واقوله كل اللي بخاطري زي ما كتبتلكم ليش ما تدلعني تراضيني تبدا بالصلح مره انا مره انت ومره اقول ابقوله انا اسفه قلتلك كلام مراهقين وابنتظر هل هو بعدها بشوي بيجي مثلا ويعتذر ويراضي على كلامه مع اني اشك انه بيسوي كذا متخيله موقفه بينشرح صدره وبينبسط وبيقعد يتكلم معي ويضحك ويسولف وانا مو راضيه مره لكن يقعد يتميلح وسواليف اخبار واحداث بس ما لها دخل فيني كانثى زوجه فهمتوني بصراحه تراني قاعده اكتب من قلب وادري طولت عليكم وقولولي ارائكم انا متقبلتها بصدر رحب والله محتاره اصبر واتحمل الزعل مع اني انا الخسرانه اكثر لانه يطلع كل يوم مو زي العاده اكثر بكثير وانا محتاجه السوق ومشاوير وما عندي سواق هو اللي لازوم يوديني او اتعطل فمتعطله عن المشاوير والضرر اللي حصلي منكلامه لي كلي ز. ان ولدي الصغير له يومين اذا زعل مني قالها لي وهاوشته تخيلو انقهرت زياده وفكرت ارسله صرت طماشه بهالبيت ولدك قالي كذا وسلامتكم يا اصحاب الاراء السديده ابي رايكم ابيه ما يكرره ثانيه ابيه يكون عطوف اكثر وش اسوي الان حل تكفون والله اني متضايقه احس انه هو المفروض يعتذرلي مو انا وانا مستعده اعتذرله بس ابيه يبدا هو بالصلح وشلون تكفونالان رجع اسمع صوت الباب ودخل المطبخ صلحله شاهي وراح المجلس قصده تراني زعلان والمكان اللي انتي فيه ما ابيه والله بصراحه قاسي ومغرور اووف

الله يهديكم لبعض00

زوجك تعبيره عن حبه حسي00 يعني طلعات 00 تلبية طلبات00 هدايا00وغيره

وإنسان عصبي 00 شخصيته العطوفه ما تنمو إلا بالتقدير والإحترام 00حتى ولو غلط

عيشي حياتك00 وكيفي نفسك مع طباع زوجك 00 فعشر سنوات كافيه لك أن تعرفي

إيجابياته وسلبياته00 نقاط الضعف والقوه00 فقط نحاول نتعايش 00خاصة بعدهذا العمر00


الله يحييكم حياة طيبه00

__________________

انتو الاثنين غلطانين

انت استفزيتيه لما تشرهتي عليه وطولتي بالشره ....
طبعا اول مره كذا ما ادري لاني منقهره من موقف السياره ينافخ وتذكرت انه دايم ينافخ مهوب لبق لاني بالعاده اصحيه برومانسيه المهم نام جوا وما قلت شي جا من بكره انا عادي جدا بدت المشكله الاساسيه انفجرت المغرب وانا اضحك قلتله امس تحلم او من جدك تقولي عله باطنيه ابتسم قال لا قاصد وش هالاسلوب عندك تنافخين قلت انا متعنيه وتراني دايم اقومك بهدوء وابوسك ما تدري قال لا وش دراني قلت الزين ما انتبهتله وقلت شفت وشلون المنافخ يزعل زي مثلا اسلوبك امس معي يوم كان معك مع فلان هنا عصب قال عادي انتي عارفه انه معي ليش تعصبينبي قلت جملتي ما تعصب الا قصدك وقصدك وانا كذا طبعي ما يهمني عندي احد او ما عندي اذ1 قلتي لي شي يرفع ضغطي ابرد قلت ترضى ارد عليك عند اخواتي وارفع صوتي مع اني هادئه بالتلفون ومستحيل اعلي صوتي عليه وبزياده لو عندي احد قام يدافع الا وابرد على كيفي انا طريقتي كذا وصح قلت قصر صوتك العيال يسمعون كانو بالغرفه جنبنا قال لا منيب مقصر
وهو غلطان لما قال .......................!!!!


الحين تزيله رساله وقوليله : (( الله يسامحك ويهديك تصور ولدك فلان يقولي نفس ماقلتلي ............!! كل ما هاوشته يرد يكررها لي .. ))


هو ينطر منك اي حركه .....

وانت ادرى في هذه الامور ما لا داعي اعلمك صارك 10 سنوات ما شاء الله متزوجه يعني اتعرفين وش اللي يجيب راسه في غرفة النوم من غير ما تقطين نفسك ...مثلا العطر ......


الله يهديكم ويريح بالج ان شاء الله

بلغينا وش صار معاك ...

بالتوفيق

=

__________________
الفيلم الوثائقي : أحداث الاربعاء 16 - 11 على اليوتيوب

انتي غلطتي من الاساس انك دائما تراضينه وهو الغلطان
يعني الواحد سواء زوج او زوجه اللي يغلط يبدا بالاعتذار
ثانيا غلطتي بقولة المراهق مو زينه بحق زوجك
انتي اعتذري من هالناحيه
فقط
ثالثا كلمته(((كلي.........)))هذي كلمه استقبحها لما اسمع الاطفال يسبون بعض فيها
فكيف بالزوج لزوجته او الزوجه لزوجها
خليك جافه بكلامك واسلوبك
معه خليه يحس
بغلطه
الله يسخره لك

__________________
اللهم صلي على نبينا محمد وعلى اله وصحبه اجمعين

أختي ,,, أرى سردك الطويل ,,, لقصة خلافكم ,,, مجرد فضفضة لا أكثر ,,, لأنكم ما شاء الله عليكم ,,, ولا قوة إلا بالله ,,, إيجابياتكم كثيرة جدا ,,, وانسجامكم لبعض أكثر ,,, ولا يوجد معضلة حقيقية ,,, تستحق النقاش ,,, وما ذكرتيه من شحنات بسيطة ,,, إنما هي حقيقة ,,, تحصل في أي بيت ,,, بسبب الروتين اليومي ,,, أو بسبب ضغط عمل الزوج ,,, أو عمل الزوجة ,,, أو ماشابه ذلك ,,, فلذلك أختي تحلّي بالصبر ,,, والزمي الدعاء والإستغفار ,,, ولا تجعلي للشيطان مدخلا عليكم ,,, فتنقلب حياتكم من نعيم إلى جحيم ...

الله يسخّر لك زوجك ...

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

مع اني بعز قرب اختبارتي والحوسه والاوراق والكتب

لكن لفت نظري موضوعك
وحبيت اقول لك

ان حياتك ولله الحمد مريحه وبها سعاده والدليل قولك كريم وادري انه يحبني وماشاء الله والله يديمها ...

زوجك عند تعبير الحب بلعطاااااااااااااء
ويمكن نادرا يتكلم عن ماشاااعره

لكن انتي بطريقتك طلعي الكلام الحلو منه
يعني
قولي بدلع مثلا تحبني قد ايش ؟؟طبعا مو كذا داخله من الباب !لا خلي هلكلام الحلو بليله
خاصه ورومانسيه
اجذبيه بطريقتك واسلوب الدلع وجددي بغرفة النوم بحركاتك الحلوه واللي تعجبه
انتي اكيد تعرفين وش يعجب زوجك اي حركه اي كلمه
عشر سنوات كفيله باانك تعرفين وش يحب وش يكره
ومتى يمدحك !اذا مدحك بهلبس او بهلاسلوب فااعرفي ان هلشيء يعجبه
او اي سوال رومانسي يجعله يجاوب عليك برومانسيه ويرضي قلبك
وانتي بعد قولي مثلا وش تحب تسمع مني ؟!
واذا قال فقولي اتمنى اسمع منك داائما كلام حلو لاجل اعطيك اكثر

هذا الطريقة الوحيده لجذبه لغرفة النوم
التجديد
الدلع
الكشخه والرومانسبه بقرب النوم مو طول اليوم بيشبع منك انا مااقول لاتتكشخين قدامه بطول اليوم تكشخي ورتبي نفسك بطول اليوم وعطر وكريمات وحركات البنات
لكن قرب النوم غيري ملابسك وتكشخي ونومي عيالك وابدعي بلي تبين ....واكيدد انتي ماقصرتي لكن غيري اللوك حقك مو طول اليوم كشخه !لا ابدعي بقرب النوم فقط لجذبه ...
وحتى لو انتي تطلبينه باسلوب رومانسي النوم بغرفة النوم ...وانتي وطريقتك ...مو كل مره الزوج يبدء ...بادري لو مره !وهو مابيخيب املك ...وبيعجبه هالشيء...

اما عن يوم يقول لك ابتعدي وهو (مزكم ومتعب ) فصدقيني كذا الرجال
والازواج ليس كرها يقولها لا
بل خوف انك تنعدين منه وتتعبين !لايريد ان يكون هو سبب تعبك فيقول لك ابتعدي عني !
هو من حبه وخوفه قال لك ...
انا زوجي يقولها لي لا معليش ابتعدي ماابي اعديك !فااقول لالا عادي واذا تعبت انا ابي قربك فايبتسم عادي خذي الموضوع وحوليه لرومانسيه...

اما عن الاعتذار
فااعتذري عن كلمتك
فقططططططط

وروحي لاتقعدين !واذا سولف ورضى وجاء يسولف معك فقولي _((انت جاد باسلوبك ))اذا قال وش مافهمت ؟فقولي مو كأنك الشخص اللي غلط علي ؟!كأنك شخص اااخر
انا
من حبي لك لاارضى زعل قلبك مده طويله
وانت
مع ذلك
لايهمك قلبي ومشاعري

هداك الله ........
انا المبادره دائما بلاعتذار بلكلام الحلو .....لاتلومني ان اتى يوم ومليت من قول الكلام الحلو والمبادره بلاعتذار .

وقومي واتركيه ولا تكلمينه .....اليييييييييييين يعتذر ولا يفتح حواااااااار...

او

اكتبي هلكلام بورقه وهو بيقرها ...طبعا بعد مايرضى ويسولف ..


لكن
حاولي جذبه لغرفة النوم
وناقشيه انك تبين قربه دائما لاجل تحسين بحنانه
قولي مثلا احس لو نمت بعيد عني احسك انسان زعلان قاسي
ابي حياتي معك مثل اي زوجين يحبون بعض وينامون مع بعض ...
يكفيني قربك ...
مااابيك تنام بعيد عني ..ارجوك ...
وهو صدقيني بينام معك واذذ استهتر يوووووووووم
وراح نام بغرفه 2

فروحي بعد ماينام
خذي مخدتك وبطانيه لك وله او لك ونامي قرييييييييييب منه او بجانبه !!
هههههههه غثيه يعني وراك وراك ...مافي مهرب لو ينام بلسطح روحي معه
واذا قال غريبه وش نومك معي
قولي
صرت اخاف انام بوحدي !
واططلعي خلي عقله يلف ويدور
ويفهمها مثل مايبي ...

اذا حن ويسئل ويرج راسك فقولي

ماادري كذا اخاف اقعد انام لوحدي بغرفه مظلمه ولا معي احد اذا نمت معك او بجنبك احس بااماااااااااااان والله بااامان وحنان ...
وهو بيصير يرجع للغرفه او بينتظر نومك معه او انتي قولي لي طلب تعال

ننام بغرفة النوم اريح سرير هنا اوجعني ظهري !

وكل ليله اطلبيه وان رفض فروحي نامي معه !عادي هذا زوجك

واذا في مجال تنامي بجنبه نامي عادي سوى كنبه او ع الارض ...يابنت الناس اقتربي منه دامه بعد مو تخلينه ع راااحته بيتعود بعدك !
الى متى ينام بمكان وانتي بمكان .
مو حلوه حتى بنظر عيالكمم عيالكم بيكبرون وكلن من الام والاب بمكاااااااااان ...
والله يعينك ويسخر زوجك لك.

دعواتك لي بااختبارتي ياعسل .

__________________
اللهم فرج همي وهم كل مسلم ...

السلام عليكم ورحمة الله وبركااته
النقطة الرئيسية في موضوعك أنك تبين زوجك الي هو يرااضيك , صدقيني أغلب الأزوااج مايعتذرون أعتذار لفظي , يعني أنا آسف وحقك علي ومن هالكلاااااااام مادامت المشكلة بسيطة, بالضبط نفس أسلوب زوجك يتكلم ويضحك ولاكن صاار شي أو يجيب معه عشاءأو تمشية، يعني أعتذاره حسي مثل ماقالت الأخت شقردية .
ونصيحة لاتسمعين نصيحة الأخت أو الصديقة الي تقول لك خل شخصية قوية ولاترااضين زوجك , لابالعكس رااضيه باسلوبه هو يعني تكلمي ومشي الوضع عاادي , وأنا متأكدة أنك متأزمة أكثر منه ودك تتراضون بسررعة أكيدملتي طولت فترة الزعل .

ونصيحة أخت بااعها في الحياة الزوجية أكبر منك لاترفعين صوتك على زوجك وإذا كاان زعلان لاتجاادلينه ولاتستفزينه حتى لو كاان غلطاان أسكتي وأطلعي من المكان الي هوموجود فيه لين يهدا, ولاحظي لولا أستفزاك له ماكان غلط عليك ومع تحفظي عل كلمته لكن أكيدطلعت منه لا شعوريا , ودائما أنصح أي أخت تتغااضى علشاان الحيااة تمشى .

بعدين زوجك صفااته طيبة , أحمدي ربك على النعمة , وعيشي حياتك مثل مااهي صعب أنك تغيرينه ولامن صالحك أنك تغيرينها بعد 10 سنواات , ومشكلتكم مااهي مشكلة ياليت كل المشااكل مثل كذا كان الأمر هين .

وقبل لاأنسى رااضي زوجك لله ولاتتركينه يناام غضبان عليك , موترااضينه عشاان الروحاات والمشااوير .

الله يصلحكم ويخليكم حق بعض يارب بصراحه أنا أحس إن رده عليك وقت إتصالك هو سبب بداية المشكله أنت ماقدرتي تنسين وتعدين طريقة رده عليك وقريبه معاه علشان كذا تراكمت عليك كلماته وحده تلوى الأخرى وأنت تكبتي في نفسك داخليا وماقدرتي تنسي كلامه وأنا هنا أحب أقول لك إن بعض الرجال أحيانا يحب يبرز شخصيته على زوجته قدام الناس مثل عند أهله أو قرايبه ويتصرف مثل تصرف زوجك يعني لوأتصلت زوجته عليه يكلمها بجلافه وقساوه حتى ياخذوا عنه فكرة إنه راجل البيت وإنه هو الآمر الناهي أو إنك إتصلتي
وزوجك كان في ظرف مايسمح له يرد عليك بهدوء مثلايمكن كان في الشارع والشارع زحمه أو كان عند الإشاره والسيارات أنت تعرفين عند الإشارات زحمه مره أوكان مشغول بسالفه مهمه
فأنت لازم تعذرينه حتى أنا أحيانا أتصل على زوجي يرد علي يقول قفلي قفلي شوي أتصل عليكم على طول يباشرني حتى قبل ما أنطق ألو وأقفل عادي ويرجع يتصل هو وبالنسبه لجلوسك عنده وهو تعبان فشئ طبيعي إنه خايف عليك
بالذات الزكام على طول معدي أنا زوجي يوم يزكم ويتعب يعتزلنا يشرب الماي بكاسه لحاله كله خايف عليه وعلى عيالي لاكن دورك يجيك يجيك بالذات الزكام يمشي البيت كله لاكن الوقايه خير من العلاج فلا تكوني حساسه من هاذي الناحيه وتقولي إن زوجك مايحب يقول كلام حلو ولايتغزل فيك ولايدلعك يا أختي لكل رجل طريقة تفكير وتعبير وزوجك رومنسيته وحبه لك في عطائه وكرمه معك وين أحسن عندك زوج يغرق زوجته بكلام الحب والثناء ويتغزل وينتقي
أجمل عبارات الحب وأجمل الكلمات ويسمعك إياها ليل نهار ولاكن إذا طلبتي منه شئ أوأردتي شراء شئ وكان ثمنه غالي وقال لك ماعندي وأنت تعرفين إن عنده بس إنه كريم عاطفيا بخيل ماديا وين تشوفين إنه أفضل إذا نزلتي السوق وشفتي مثلا قارورة عطروقلتي له حبيبي نفسي في قارورة العطر هاذي ونفسي تشتريه لي وقال لك ياقلبي ياحياتي أنت ريحتك أحلا من هل العطر وش تبين فيه خليه أشتريه لك المره الجايه الحين ماعندي وهو عنده ولوبغيتي منه شئ يجلس يحاسب ويعدعد الفلوس ومايطلع منه شئ إلابشق الأنفس وزياده بمنه وحنه عليك .أو يكون زوج إذا نزلتي السوق تشترين بس وهو يحاسب تجي تطالعي في الحاجه في المحل يقول لك إذا عجبتك خذيها وكل ماشريتي شئ يحاسب ومايحسب عليك ولايمن ولايقول خسرتيني أنت وعيالك وإذا نفسك في شئ يجيبه لك إذا طلبتي فلوس أعطاك ولايجلس يسأل ويحقق وين بتودينها وفين بتصرفيها وإذا جاك ضيوف من أهلك أكرمهم وقام بحسن ضيافتهم كل هاذا ماتشوفينه تعبير عن الحب وفوق هاذا كله تمشينه وين مابغيتي السوق والمشاوير وكل مكان قايم بخدمتك من وإلى لاكن بعض الأزواج يشبعك كلام حب ودلع وحركات لأنها ببلاش وموخسران شئ وبتصب في مصلحته لاكن قولي له ودني السوق تعالي إسمعي الحجج والأعذار وكل هاذا خايف على جيبه من المصاريف .
فنصيحتي لك إذا تحبينه تراضينه صح هو غلط عليك بكلمة إللي قلتيها لأنها بصراحه أنا هاذي الكلمه عندي منها إشمئزازوماكان له داعي يقولها لك وإذا بغيتي تتفاهمي معاه فلأفضل إنك تناقشينه في هاذي الكلمه بالذات وأتوقع والله أعلم إن زوجك متعود ينطق مثل هلكلمات منذ نشأته وعلشان كذا إنفلتت من لسانه عليك وصدقيني إنه الحين حاس بنفسه إنه غلط بحقك ونفسه يعتذرلك بس موعارف كيف يبدأ لأنه متعود إنك أنت تبادرين في الصلح دائما
ولاتنسين إنك أنت ماقصرتي فيه بعد قلتي له مراهق والزوج يعتبرهاذا إستخفاف به وبشخصيته أنت الحين راضيه ولاتخلين الفجوه تكبر بينكم وحرام عليكم أنتم بينكم عيال أقل شئ علشان عيالك مساكين تلاقينهم حاسين
فيكم الحين إنكم متزاعلين روحي ضبطي شئ زوجك تعرفين إنه يحبه مثل وجبة أكل أو صحن حلا وأرسليله رساله بالجوال تعال أنا عازمتك علي الغداء أو حلى وضبطي نفسك زين وإن شاء الله يصيرخير أسبوع والله أحسها واجد كيف هان عليك شريك عمرك وأبوعيالك أتمنا يا أختي إنك ماترجعي تردي علينا إلا وتقولي لنا تصالحنا الله يهديكم ويصلح أحوالكم إن شاء الله يارب وبعد لاتنسي كلام الأخت شقرديه والأخت همس أتمنا أن تقرأي الردود أكثر من مره وتفكرين فيها زين أسأل الله أن يسر لك حياتك ويسعدك دنيا وآخره .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هلا وسهلا فيك
نورتي المنتدى
حبيبتي انتي عودتيه مثل ما انا عودت زوجي طول عمري ابادر بالصلح
لا ياروحي اذا تلفظ عليك او زعلك اصبري ولا تروحي له لين هو يعتذر
انتي قلبك طيب ولا تقدري على الزعل زيي بس الي مايقدر يصبر يكون الهوان سهل على نفسه
عزي نفسك ياحبيبتي الاعتذار من شيم الناس الخلوقة وليس عيب ولا ضعف كما يعتقدون ضعفاء النفوس
اذا غلطتي انتي اعتذري واذا غلط هو لابد يعتذر
تعودي انك تصبري نفسك خله يدخل المطبخ ولا الصالة ماعليك منه واذا احتجتي مشاوير قولي له طلعني او جب لي
تكلمي معه برسمية صدقيني راسه راح يصكه ويحاول هو الي يفتح النقاش
اضبطي نفسك في مسالة الصبر على عدم كلامه لا تصيري هبلة زيي كنت ما اقدر اصبر عليه ولو لثواني
لكن الحمد الله الحين صرت اقدر وبرافو عليك واهنيك انتي ماتردي عليه بكلام فاحش
وابي ابين لك نقطة ان غضبه يمكن ينتج عن برودك وهداوتك معه ويكذا مايقدر عليه ويصير بس سطلع كلام وسخ
انا زوجي كان يكلمني بهدوء وكنت استفز بهدوئه وصمته وكنت اقول اي كلام وكل كلام
طلع مني خبث لساني كنت اشعر بالضعف مالي غير اني اقعد اسب واشتم ..وهذا غلط
لابد الانسان يتعلم الصبر والصمت ..انا عن نفسي ماصرت اراضي احد
الي غلط بحقي لازم يعتذر وان كانت امي
طيبة قلبي ماجابت لي الا الذل والضعف لان اللئيم مايفسرها الا كذا
لكن عالي الهمة راح يعرف وش معنى انسان يعتذر
اتمنى لك التوفيق والصبر
لا تعتذري ابد وان طول شهر خلك عادية تكلمي بالكلام الي انتي مضطرة له غير كذا لا تعتذري

__________________

الله يعينك ويفرج همك
سبحان الله كانك تتكلمي عن زوجي في كل كلمة قلتيها ماعدا ديك الكلمة


انا لو مكانك اتكلم معه بجفاف وحدود
يعني اطلب طلباتي المهمة
ومشاويري المهمة وعن خرجاتي اروح واجي على كيفي
صح اني اكون مقهوورة بس لازم احاول ما احبس نفسي عشان زعلني
وعن الاعتذار لا تتعتذري ابدا لان غلطته هنا واااضحة وكبيرة خصوصا في ظل وجود اطفال يتعلموا منكم
وانت غلطتك كانت ردة فعل لاسلوبه الخاطيء في النقاش وتهربه من النقاش
قوي قلبك الله يعينك ويفرج همك