السلام عليكم ورحمه الله وبركاته.

يسعد صباح ومساء الجميع.

اسمحو لي ان اتكلم فيما يخص الطلاق ..

- قبل فتره قرأت في احد الصحف عن عدد صكوك الطلاق في المحاكم السعودية والتي وصلت الى عدد كبير ونسبة اكثر من العام الذي قبله..
- كثير ما ارى من الزملاء والاصدقاء والاقارب الذين انفصلوا عن زوجاتهم بالطلاق او مشاكلهم التي لاتنتهي وتظل معلقه سنوات بدون طلاق..
- قضايا وسوالف وقصص الطلاق كثيره نسمعها عبر المنتديات والمجالس لاتنتهي..

هل السبب ان الزمن تغير او العادات والطبايع تغيرت؟ او يمكن مفهوم التطور غلط. او الناس تغيروا؟
ما فيه شي تغير .. ألا الناس هي اللي تغيرت. يعني لدرجه انه ما نقدر نواجهه الخلافات الزوجية. ونهرب من الواقع بطلاق.

اكثر شي استنتجته من سبب الطلاق هو بنات الوقت.
كثير ما تطلب كثير ما تزعل كثير ما تهمل كثير ما تتسبب في خلاف وبالنهاية تقول ياليت وياليت وابنائي ودموع وحزن ومدري ايش..طيب نسيتوا ان اصل السعاده بين الزوجين هو الاحترام وطاعه الزوج وحقوقه...


((لاننسى ان من السعادة بين الزوجين هو الاحترام والتفاهم وعدم التقصير بالحقوق))

أضف الى أحدى الأسباب ...

شباب الوقت .. لا يريد تحمل المسؤولية ولا يريد حياته أن تتغير عما كانت عليه قبل العزوبية ..

بالاضافة الى انتشار العلاقات المحرمة حتى ولو كانت بأقل اشكالها وهي المكالمات التلفونية ..

رسيل ..

اضافتك صحيحه .

واضيف انا بعد ..ان بنات الوقت لاتريد تحمل المسؤلية من بيت وتربية اطفال ولاتريد حياتها ان تتغير كما كانت عليها قبل من خدم وقلة صنعة

ماأقول غير,,,,,,,,,,,,,,,,,,,,,
ليتنا نرجع مثل الماضي

على الفقرالي عايشينه والحاجة الا انهم يتحملون ويصبرون

فقلت مشاكلهم

صدورهم وسيعة جدا"

عكس وقتنا هذا

الله يبعد عنا فتن الدنيا ماظهر منها ومابطن

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه

فعلاً فرق كبير جداً بين نساء الماضي وبنات الحاضر المدلعات واللاتي لايحترمن أزواجهن بشكل ملفت للنظر وإعوجاجهم غير طبيعي وسطحيتهم غريبة جداً ,,,

!!
عـجــيب
هههههههههههههه ألحين كل حالات الطـلاق من البنـات
تـعددت الأسبـاب و المـوت وآحـد
!!

__________________

مانقدر نلقي اللوم على جنس دون الآخر!!

طلاق كثير يحدث بسبب دلع البنت عدم أحترامها لزوجها لأن فيه بعض البنات يكون الزواج عندها واجهه قدام الناس بس

لاأهتمام ولاأحترام ولاتقدير لشريك حياتها ودون اي أعتبار للمسؤوليه الملقاه على عاتقها

وطلاق كثير يحدث بسبب الشاب ولأنه يعيش حياته ولا كأنه متزوج

ومعتبر الزواج واجهه

أمام الناس وفراش فقط لاغير !!!

و مستمر على طبعه وهو عزوبي سهر عدم تحمل للمسؤوليه وعلاقات محرمه المنتشره بكثره في هذه الايام

والله المستعان

والبعد عن الله من اهم الأسباب واكبرها فلو كل شريك راعى الله في شريك حياته ماكان هذا الحال
يعني الأسباب مشتركه بين الجنسين

__________________
أشتقت لكم جداً 💔

عدم الاحترام وتدخل الاهل بين الزوجين هو اكثر الاسباب
عدم تعرف اي منهم على الاخر قبل الزواج سبب اخر
عدم الاهمام بالشكل والنظافة شكل اخر
واخير انعدام الحب بين الزوجين او يشعر احد منهم انه لا يملك اي مشاعر تجاه زوجه

الطرفين مشتركين بالمشكلة لكن احمل الجزء الاكبر


على الرجال !! والا لماذا وضع الله العصمة والقوامة للرجل لكن مع الاسف شباب اليوم


لو تقوله السلام عليكم قال انتي طالق : وين الصبر وين تحمل المسؤلية


ومن اقوى اسباب الطلاق الخيانة وكثرة السفر للخارج وشرب المسكرات



والفضائيات وما ادراك مالفضائحيات تلقى الشاب واضع برأسة شكل


مذيعة او ممثلة ويبي زوجت المستقبل تكون نفس المواصفات

وإذا شاف زوجته انصدم وقال انا ما ارتحتله والافيني عين اوسحر


والله يذكر شباب اول بخير الواحد لو يشوف عباية طاح مغشي عليه


وانا ما عمم لا فيه شباب ماشاء الله ينحط على الجرح يبرى

بس مع الاسف قليل

واكبر دليل لكلامي شوفوا المنتديات واكثر الشكاوي نساء

ويوميا قصص الخيانة والسفر واستغلال الراتب إذا كانت موظفة والله يصلح الحال


تقبلوا وجهة نظري

__________________

مرحبا
مانقدر نلوم بنات هالأيام ونقول هم السبب الأكبر!! لأن فيه بنات ما شاالله عليهم سنعات ومتحملين مسؤوليه
بس أزواجهم ما قدروهم ولا قدروا الحياه الزوجيه .. خيانات .. وقل احترام .. وبخل .. و معامله سيئه والخافي أعظم
من حشيش ومخدرات والعياذ بالله .. بس الحمدلله ربي عوض هالبنات بالرجاجيل اللي يستاهلونهم ...

ولا نقدر نلوم الزمن مثل ما قلت أخوي لأن الناس والنفوس هي اللي تغيرت .. معاد فيه صبر وطولة بال بالاضافة
إن الماديات هي اللي طغت .. ونسينا وتناسينا التعامل والاحترام والخلق الحسن والموده والاستقرار ....
وللأسف ياكثر الرجاجيل اللي يستسهلون الطلاق .. عند أي مشكله أو خلاف على طول يطلق
كأنه يبي كومبيوتر مو بني آدمه ولا عنده استعداد إنه يقدم أي شي .. بس يبي وحده تطبخ وتنظف وتغسل
وتربي العيال وإن حكت ولا شكت قلعها بيت اهلها !!

أنا مع الرأي اللي يقول إن الرجل يقع عليه عاتق كبير في تحمل مسؤولية الطلاق لأن العصمه في يده
والمفروض يحاول تقويم زوجته لو لقى منها تقصير يحاول ويحاول ويحاول وآخر شي إذا استحالة الحياه وقتها
يطلق ويغني الله كلٍ من سعته .. يعني زي ما يقولون آخر العلاج الكي، لكن بعض شباب هاليومين عند أول مشكله
بينهم راح وطلق !!
وفيه سبب مهم بعد لتعقيد الحياه بين أي زوجين واللي قد يؤدي للطلاق .. وهو تدخل الأهل .. سواء اهله ولا أهلها
المفروض مشاكلهم يحلونها بينهم ولا يسمحون لأي أحد يتدخل بينهم ولا يحكون أي شي من خصوصياتهم حتى لأقرب قريب

الله يرحم زمان أول بس
شكرا على موضوعك الجميل أخوي
تحياتي لك،،،

__________________
لا اله الا انت سبحانك اني كنت من الظالمين