السلام عليكم ورحمة الله وبركاته,,

اخباركم جميعا!!

قبل فتره قصيره ذهبت لأحد الأسواق وكـعادتي أُحب أن أنصح الأطفال بالأخطار المحيطه بهم,,
بعطيكم مثال بسيط طفل كان يطلب من احد العماله الوافده سيجاره ذهبت لأحذره وذهبت لآمه وقلت لها عن الموضوع وشكرتني,,

هذا موقف بسيط يوضح لكم كيفية نُصحي لهم والأطفال دااااائما يتقبلون والله أني اخاف عليهم واخاف ربي يحاسبني اذا ماوجهتهم خصوصا كثير من الأهالي ربي يتوب عليهم يخلفون وينسون

بحكم عندي اطلاّع في مسائل الغذاء والتغذيه أحب احذر الأطفال من اضرار السكريات والوجبات السريعه بطريقة المزح المقترن بالتحذير المحبب يعني ولله الحمد ولا طفل ابدى امتعاضه ولا أم ايضا كانو يشكروني ويقولون لي بصريح العباره فهميهم عجزنا ننصحهم وتقول لهم شفتو الدكتوره ايش تقول لازم تسمعون كلامها


لكن الوضع اختلف في أحدى المرات كنت انتظر في أحد الكراسي جلست بجانبي أمرأه يبدو لي انها في عمر ال50 ومعها 4 أولاد ,,

جلسو الأولاد جنبي والأم بالطرف الاخر والولد اللي جنبي كان بيده جيلاتين(هاريبو) وانتو اكيد قريتو اضرارها وايضا دخول دهون الخنزير بها وهذا عن دراسه موثّقه..

قلت للطفل ياحبيبي مضر عليك وعلى اسنانك لاتصير مثلي اسناني شوي وتطيح لأني كنت احبه الطفل ابتسم وسكر الكيسه وقال صح

بعدين قلت له تحب الجيلاتين؟
قال ايوا كثير
قلت انا مثلك بس لاتاخذ من هالنوع (هاريبو) مره ثانيه فيه انواع مرره احلى وقعدت أعدد له الانواع قلت لأن هاريبو اكثر شي مضر,,

قال ان شاءالله وابتسم لي

شوي التفتت الأم على الطفل قالت وش تقولك ذي؟

قال لا بس تقول لي مو زين هالنوع

قالت لي هيه مانبي نصايح!!
انا وقتها انصدمتتتتتتتتتتتتتت مع اني ملسونه يعني اعرف ارد بس سكتت
بعدين قلت ليه؟
قالت ترى القهوه اللي بيدك خنزير؟
قلت جد؟
قالت ايه ايه
ونقابك دخل بتصنيعه خنزير؟
قلت ؟؟؟

قالت صح والكرسي اللي جالسين عليه فيه خنزير يلا قومي

قلت ياعزيزتي انا قلت للولد هالشي من مبدأ اني خايفه عليه ومن مبدـأ اني متأكده من هالمعلومه وبغض النظر عن دهون الخنزير ومشتقاته هو مضر والمسلم لابد أن يبتعد عن الشبه في كل حال

قالت اقول اسكتي وانطمي مانبي نصايح من احد واي كلمه بتقولينها الحين بوريك الشغل؟؟؟؟

قلت جزاك الله خير قالت اقول انطمي

قلت بس بقولك شغله انا اعرف ارد بس والله اني مصدومه جدا جدا لان اول مره يصير لي هالموقف

قالت مو ناقصتك يالملقوفه؟؟؟

قومت عيالها وراحت وهي تصرخ ياخنزيره!!


هل فعلا انا غلطانه؟؟
اللي ينصح ويخاف على غيره غلطان!!

يعني اكيد في اشخاص نفس عقلية هالأنسانه بالمجتمع هل هالنوعيه يرون النصيحه عيب؟

والله مو قادره ارتب افكاري لان جد انصدمت ولا زالت الصدمه ولا وصلت لكم ربع اسلوبها حتى في سياق موضوعي


ابي تحليلكم

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

الفاضلة بنت ناس

احسنتي صنيعك لا غبار عليك

اما بالنسبه للمرأة يتضح انها كانت مخزونه وعلى وشك الانفجار

وللأسف كنتِ في وجه المدفع

تجارب الحياة دروس ولن نتعلم ان لم نواجه دروسها

وفقك الله

__________________
حسبي الله ونعم الوكيل

حياك الله,,
حتى لو كنت في وجه المدفع ماتكلمني بهالاسلوب!!
كلنا نزعل ونتضايق بس مانحط حيلنا باللي قدامنا: (
الله يهديها
الف شكر

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

معك في نفس السبب

بس لاتخلي هذا الموقف ياثر عليك

جزاك الجنه
بحول الله مابيأثر فيني

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

أختي ,, الدّاعي أو المبادر للنصيحة ,, لابد أن يتوقّع ردود أفعال مختلفة ,,

ولابد أن يتحمّل السبيّة منها ,, بحسب اختلاف الناس ,, واختلاف عقولهم ..

جعلها الله ,, في ميزان حسناتك ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

انا كنت متوقعه اي رد فعل وعدم تقبل من الأطفال نفسهم
ماكنت متوقعه من أم بعمر كبير وبهالأسلوب السوقي!
شي غريب فعلا
الله يقدرني واتحمل هالاصناف
جزاك الله خير

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

السلام عليكم ورحم الله وبركاته انا اكون طبعاً في الصح انت طبعاً افدتينا انا بصراحة ما كنت انصح حتى ما ابا انصح احد تعرفي عشان ما ابا اكون مهانة عشان انا من زمان لقيت واحد صغير يعني عمره 10 سنين في مول اللي هو الردسي بعدين قلت للولد انو الدخان مضر لصحتك و قعدت اقله اضرار التدخين و في الدخان 40 مخدر.......... بعدين رد لية سبات انا ما اعرفها وجاب امه و والام سبتني سب زيادة انا بصراحة والله ما اعرفه وفي سبة اتذكرها هي حقبة او يا بحقة حاجة زي كدا وكمان ايش انا كبيرة يعني عمري 22 لازم يفهم ويحترم اللي اكبر منه.

الله يهديهم يااارب
حبيبتي طنشي انتي ماغلطتي
لكن هم عايله الله يفتح على بصيرتهم يارب

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

ما اعرف انا حسيت بلحزن على الام

تعرفي كانك تتهميها انها ام مش مسؤله و انها بتعطي اولادها شي محرم (( خنزير))

و يمكن انحرجت قدام اولادها و ما حبت تبين انها ام جاهله

وما تحب اولادها يكلمون اغراب

لو انك بينك و بينها خاصه انها كانت موجوده و كلمتيها

احسن ما تكلمي الاولاد مباشره و اهملتي وجودها

انا من الناس ما يعجبني احد يوجه اطفالي و انا موجوده
ممكن تساليني و انا اقولك ايوه ما راح اقول لا
بس تمسحين وجودي ازعل صح غلطت بلكلام

بس اكيد مثل ما قلت انحرجت و انجرحت



في موقف السجاير ما كانت امهم جنبهم ورحتي علطول للام تقولين لها

بس موقف الحلويات امهم موجوده


هذا تحليلي للموقف

__________________