ما اعرف ايش احكي ليكم عن حياتي ..اتزوجت وعمري 18 سنه وابويه موظف بارامكوا وكان عندوا موظف
فتقدم ليه ووافقت عليه عشان ابويه اقنعني فيه..

مع انوا كان اكبر مني وعمره 26 ...
كان طول مرحلة الخطوبه بيكلمني ولكن كان اسلوبه غريب شويه ، كان بيقول كلام رومنسي وكدا
بس بالاخير يقول لا ماتقولي لابوكي انوا كلمتك..

استغربت منو ليش خايف انو ابويه يعرف .. حسيت انوا وكأنه سارقني ..

سكت واستمرينا بمرحلة الخطوبه وكان بيتكلم بكلام جنس مش كويس ..
مافي اي احترام ليه.. وحاولت افهمه انوا هالكلام مش وقته داحينه سيبوه لما نتزوج .. ولكن كان بيتجاهل كلامي

في يوم من الايام اجى عندنا بالبيت وجلست معاه بحضور امي وابويه ولما طلع من البيت
اتصل عليه وقال شفتي لما انتي كنتي قاعده كان نفسي اعمل فيكي ...؟؟؟ المهم قال كلام مش كويس...

اتضايقت منو مره وماعرفت كيف ارد عليه.. وماكنت اريد اقول لحد لانو كل اهلي فرحانين فيه بس مابيعرفوا
ايش وجه الاخر ..

يوم الزواج كنت خايفه منو لانو شخص مره غامض واسلوبوا مش واضح وكنت اتوقع منوا اي حاجه

في ليلة الدخله كان مره فضيع واتحملته في البدايه ولكن في اليوم التاني طلب مني اعمل حركات
مقززه ..وكان كلما احاول افهمه انو هادي الشي يضايقني كان بيقاطعني ويقول انتي مرآتي وحلالي ...
وكان بيقعد عند التلفزيون ويطلب مني اشوف افلام اجنبيه .

بعدين صرت حامل منو وسقطت بعد مده....

بعد سنه من الزواج وفي يوم من الايام لما راح العمل ..
هربت من بيته لبيت ابويه
ولما سالوني ايش فيك.. قلت خلاص ماابغي هالشخص تعبت منه ..

المهم وصلنا المحاكم وطلبت الطلاق منه.. فطلب ارجع له المهر ورجعنا له المهر
واتهمني اني مريضه وانو ما اعطيه حقوقه الزوجيه ..مع انو هوه المريض لانوا تفكيره مره مريض..

انا داحين افكر هل انا كنت غلطانه ..ام هو غلطان

وياترى ايش ممكن اسوي لو تزوجت مره تانيه عشان مايتكرر هالموقف..