بسم الله الرحمن الرحيم*

اكتب لكم ودمعتي تسبق عبرتي أنا جداً حزززينة لحالي لاأدري من الذي افضفض واخبره بمشكلتي بعد الله سبحانه لااريد ان اخبر أهلي لكي لااتعبهم ولااريد ان اخبر صديقاتي لكي يتفرحوا علي*
مشكلتي انني متملكه وانا وزوجي في نفس العمر 23 ومدة زواجنا طووووويلة بعد سنة طبعا طلب مني ان احادثة ووافقت بالايميل فقط وليس مكالمه ولا لدينا زيارات المهم لنا اسبوووعين لكن تعبت تعبت معه هو لايتكلم كثير بمعنى اصح مايعرف يسووولف اااه ع قلبي يعني سوالفه وش أخبارك؟وش سويتي؟متى صحيتي؟ احسه يبي يسولف بس هو مو قادر اااااه ياناس ابي اعيش بالحب ابي اشعر أني حبيبه له المهم أنا اسولف أحاول افتح مواضيع وهو يستانس اذا سولفت وسألته لدرجة لاشعوريا منه يقول أنا آليوم استأنست طبعا مرات أسأله مرات اضحك مرات اعلق ع قرايبنا... ومن هالحكي لكن أنا اعرف انه خجول نوعا ما بس وربي صعبه أنا كل يوم اسولف تعبت ابيه يفتح موووضوع ابي احس أني اكلم رجل أنا احب الرجل الجريئ ابغاه يشتاق لمحادثتي والله مرات أحاول اتجرا اقول اشتقت لك يضحك ويقول أنا كمان وطبعا اذا سالته او سولفنا والله ماعليه سواليفه واضح انه يحبني بس ابيه مايستغنى عني ابيه يفضفض لي ابيه يقولي كل شي صحيح انتم بتقولون أسبوعين قصيره بس أنا اقولكم بحكم سواليفنا وفي اليوم تقريبا ثلاث ساعات تقريبا تعودنا ع بعض وربي اتمنى اقول احبك بس أخاف يقول هذي جريئه ووقحه لأني ماادري عن تفكيره صح هو مرات يسميني الغاليه قلبي بس قالها مرتين ابيه يصارحني ابيه يقولي أنا احبك من هالكلام واللي يقهرني مثل قبل يومين قالي أنا طالع( لمشوار) ااااه هالكلمه عورت قلبي ليش يقول مشوار أنا مو زوجته ليش مايقولي أنا طالع مع أصحابي ليش برسمي...ابي نقاشات اسولف معه ابي أسئلة ممتعه تخليه يستانس هو وخشته ههههه لاتلوموني انقهرت مرات ودي اختقه وأقول تكلم معي بصراااحه ابيه يعتبرني انه وأخته وزوجته وكل شي بالدنيا*
وربي بعض الاحيان اقول أخاف مل مني تعبت وربي*
ابي نصائحكم؟؟؟؟؟*

حبيبتي مهما يكن انتي بفتره تعارف لابد تعانين لانك انتي متربيه ببيئه تختلف عنه والحمد لله باين عليه انسان محترم حافظي عليه لايجيك انسان منفتح حد الجنون ويهول في كلامه واذا زوجك خجول وتسحبين الكلام منه سحب دلاله على انه انسان سوي احمدي ربك واشكريه ولا تتذمرين انصحك وبعد الزواج ستجدين منه كل الحب والود والاحترام عزيزتي لا تكبرين الامور وتعقدينها من اولها عيشي حياتك بهدوء لكي مني كل الحب

أختي الكريمة أحسك مكبرة الموضوع بشكل لا يتحمل كل هذا!! انتوا توكم في بداية العلاقة فلا تتوقعين كل شيء راح يكون مثل رغبتك و توقعاتك من البداية
نصيحة أختي الكريمة أشغلي نفسك بما ينفعك و اتركي علاقتك مع زوجك تأخذ منحاها الطبيعي فهو سكن لك و أنتي سكن لها و ربما أعتقد أن سبب نفسيتك المتعبة هو أنك تقارنين بين وضعك معاه و وضع المتزوجين من سنين !!

انا حابه اقولك معلوميه وانشاء الله تفيدك.. الرجال يختلفون عن النساء في اشياء كثيره وخصوصة في الحوار يعني ان الحوار بالنسبه لنساء شي اساسي انها تبوح عما في داخلها لكي ترتاح اما الرجل يختلف اختلاف جذري عن المرأه الرجل من طبيعته مايحب ان يكتر في الحوار .. وانتي خليك على طبيعتك وسولفي معه بشكل عادي ومافي مشكله اذا قلتي له كلام حلو مراح يقول لك شي والله بالعكس يستانس وعلى فكراذا انتي بديتي معه بالكلام الحلو بعدين هو من نفسه راح يتكلم ولاتضيقين حالك .. اذا كنتي مره متضايقه روحي خبري امك وهي راح تعلمك وليش تخجلين من اهلك عادي قولي لهم ..والله يوفق الجميع

أنصح بشراء أو تحميل كتاب "رجال من المريخ ونساء من الزهرة "
حتى تفهمين طبيعة ونفسية زوجك

بالمناسبة أغلب الرجال كتومين ولا يحبون التحدث بكثرة

اشكر ع كل من رد علي
وبرضوا اقووول انتم ماعشتوا اللي عشتها ماحطيتوا نفسكم مكاني فلذلك لن الومكم ع ردودكم اه
الشي الثااااتي ونسيت اقوووله احس عنده قلة مباله واهتمام يعني اذا صار لي ظرف او صار له ويوم كامل ماتحدثت معه مايقول أنا فقدتك يقهررررررني كانه شي عااادي ودي اقتله ااااااه بس
ربي ارحمني وسخره لي

هههههههههههههههههههه
يا ساتر ودك تقتلينه

بصراحه اشوف ان الموضوع عادي جدا وما يحتاج كل هالانفعال
يعني انتي تبينه يقول انا احبك ودوبكم مملكين من اسبوعين
خليها الين ما تجي من روحها تطلع من قلبه بعفويتها وصدقها
الوضع عادي وبسيط اختي
الله يوفقك ويسخركم لبعض

انتي تهبلين
الله يعينك ، حنا البنات عاطفيات ونحب التعبير عن مشاعرنا وعن احاسيسنا ونحب نسمع الكلمات الحلوة
بس لازم تفهمين طبيعة زوجك وتعاملي معها بذكاء.
زوجك ممكن ما يقدر يعبر عن مشاعره بالكلام يمكن بالافعال يعبر اكثر .
شوفي اول شي لابد تعرفين اهتماماته وش يحب في الحياة وابدئي اسئلية وعطيه فرصة
يقولون اذا بغيتي الرجال الصامت يتكلم انتي اسكتي يعني اسئليه ولا تتكلمين عطيه وقته لا تبحثين انتي عن سوالف خليه هو يبحث ويحاول يسولف
اذا تبينه يهتم فيك انتي اهتمي فيه وعلميه كيف الواحد لابد يهتم بالطرف الثاني ،طبعا تعلمينه اقصد فيها انك تهتمين وتسالين وهو مع الوقت راح يحرج ويقلدك ،يعني تصيرين كنك قدوته وهو ماراح يحس.
والله يوفقك ويسعدك يارب:14:

طولي بالك شبك ؟؟

لسا ما صارلكم غير اسبوعين طبيعي جدا اسلوبو معك

انتي كتير مضخمة الموضوع

مع الايام رح تملي من الحكي الحلو

ايه صح لازم تشترينه هذا الكتاب واذا قريتيه راح تفهمين طبيعه الرجل