كل مطلق و مطلقة يخبرنا الدروس اللي تعلمها من تجربة الطلاق
و الاشياء اللي كان لازم يسويها او لا يسويها عشان يتجنب الطلاق
ومشكورين مقدما ...انتظر ردكم

تدرين كنت افكر في نفس الموضوع بس بغيت انه نتكلم كيف عشنا الاحساس في اول ليله طلاق

واذا عن الاشياء اللي لازم اسويها علشان اتجنب الطلاق
الطلاق اساسا قرار من راسه هو انا مالي فيه لا ناقه ولا جمل بس احمد ربي اني عزيت نفسي وماذليتها قدامه لحظة الانهيار النفسي لما قالي وانا حامل بوديك لامك وكانت عيونه تقول انه الطلاق هو الموال اللي في راسه حاولت اناقشه بس هو رفض وهذا طبعه وكان مفتاح الشقه على طول في شنطتي قمت لغرفتي واخذت المفتاح وجيت عنده ونزلت المفتاح عند رجلينه كان هذا الكلام على وقت آذان المغرب رحت توضيت وصليت المغرب ولبست عبايتي وهو والله متسمر في مكانه حتى الصلاة ماصلى
المهم طلعنا وفي السيارة قال يمكن الايام الجايه خير لنا ويتكلم ويبربر ويحلف انه عين صابتنا

انا صممممممممممممممممممممممممممممممت

لما وقف عند صرافه وسحب مبلغ ومده لي ما اخذته
قال يا بنت خوذي يمكن تحتاجين قلت هذي الفلوس بقهم لزوجتك
قال وانتِ مو زوجتي
قلت اسال نفسك لا تسألني
مسك يدي وحط الفلوس فيها
نزلتهم
اخرته صرخ علي ومد يده قال والله لو ما اخذتهم لاسطرك يعني اضربك
قلت في السيارة ؟؟؟؟؟؟؟؟؟ - يعني في السيارة تعطيني كف -
وهو يتأفف ومره يعتذر ومره يهاوش
الخلاصه ما اخذت فلوسه
وصلنا لبيت اهلي ولما نزلت قبل اسكر الباب قلت يافلان الف شكر على كل شي
الان صار هو اللي صمت
المهم في اخر النفاس جاء ابوه وقال انه خلاص بيطلق وطلع ابوه وناداني ابوي وقالي قلت الحمدلله
وقمت ابغى اقبل راسي ابوي سبقني هو وقبل راسي وقال اسمعيني يا بنتي اذا هو رخص فيك وماعرف قيمتك انت وبنتك عندي بكبر الكون
ما اخفيك كنت لحظتها راح انفجر بكاء موقف ابوي هزني مو بس هوني حسيت تسونامي عنيف في داخلي رغم انه دعمني معنويا بشكل كبير مرررررررررررررة
بس ماحبيت ابين لابوي اي شي غير القوووة والتماسك

وجلس يماطل ثلاث شهور بعدها جاب الورقه وانا مسافره وكلمني الوالد وقالي قلت الحمدلله

ورفضت ارجع للشقه اخذ اغراضي قلت هو يجيبهم
كل شي رجعه لي حتى الهدايا اللي اعطاني اياها بس الهدايا اللي اعطيته بقاها عنده او يمكن رماها خخخخخخخخخ

اهم درس انا اشوفه واقول لاي مطلقه جديده انها تتماسك قدام الناس حتى الاقربين طبعا الطلاق انكسار وضعف وهون ولحظة صعبه جدا جدا بس كبرياء النفس والجَلَد حلو
شي ثاني انه ماتسب طليقها وفيه وفيه لانه هذا دليل محبتها له
ثالت شي تغشل نفسها في ذيك الفترة باي شي اي شي اي شي ان شاء الله طلعات واسواق اهم شي ما تترك التفكير يقتل وجودها

تدرين كنت كاتبه كل شي من كلام واحساس بالتفصيل بس رجعت مسحتهم
قلت كثيرة ويمكن تتمللون مني

عموما الله يعوضنا جميعا بحياة زوجيه سعيدة مباركة

__________________

صراحة يوم اطلقنا كانت ظايقه فيني الدنيا انا كنت اريد اسكن بيت بروحي وهو مب راظي
المهم علي صوتنا وقتله خلاص نطلق احسن قال تبينها..
في ذيك اللحظة توقفت عقارب الساعة عندي و كان قلبي يقولي و يهون عليج فلان وعقلي يقولي اذا كان يحبج كان جابلك بيت لكن للاسف عقلي نطق و قالها هي ابي اطلقوقال انتي طالق و طلع من البيت والدموع تملا عينه اما انا اصبت بحاله من الذهول كيف نطقتها
خذت عيالي ورحت بيت اهلي ومن ذاك اليوم ما شفته
المهم بعد الطلاق رجعت ادرس هندسة لاني بعد الزواج تركت الدراسة و الحين صحيح اني مب سعيده بالطلاق بس عالاقل افتكيت من قرف بيت اهله