مساء الخير للجميع حبيت اعرض لكم مشكلتي وافضفض لاعضاء هذا المنتدى الرائع اللي اطلب بعد الله انكم تساعدوني بارائكم الفاضله ومشورتكم الطيبه وراح ابدا لكم بقصتي اولا انا اتعديت ال27 سنه و حسيت اني العمر ينسرق مني وانا مكانك سر لازواج ولاعيال ولاشي صحيح الزواج مو كل شي بالحياة بس هو سنه من سنن الحياة وانا قاعده اشوف اللي حواليي كلهم اتزوجوا لابنات عمامي ولابنات خوال يعني الكل واصغر مني بعد وعندهم طفل وطفلين وتلاته وانا احضر زواجاتهم واهاديهم واقول في نفسي متى يجي زواجي اللي باين انه ماراح يجي المشكله انه مو لان مافي احد تقدم لي بس المشكله ان احد والديني الله يهديهم ويخليهم واقف في موضوع زواجي ويتشرط كتير وشفت انوا اهلي مو مهتمين بسالفة زواجي ابدا لا اخوه ولا اخوات كل شخص عايش حياته وماعليه من التاني مدري هي عائلتنا بس ولا كل العائلات المهم انا ماكنت مقتنعه ابدا بمسالة الزواج عن اي طريقه غير الطريقه التقليديه اللي يشوف فيها اهل العريس البنت في زواج او مناسبه ويخطبوها متلي متل غيري لكن بسبب قلة خروجي للاجتماعات الرسميه وبسسب نفسيتي اللي تعبت ونظرات الناس اللي ماترحم وغير كذا احساسي بالوحده والوحده تقصر العمر ولاني لما احتاج اي شي ما القا احد عندي اظطريت اني اسجل في احد مواقع الزواج وقلت اتوكل على الله والله يكتب لي اللي فيه الخير مع انه والله ماينقصني شي لا من علم ولاجمال ولانسب والحمد لله وتقدم لي شخص عن طريق الموقع طبعا قبيلته تختلف عن قبيلتنا وهو ماعنده مانع وانا ماعندي مانع من ناحيته وحصل اني حسيت من اسلوبه انه صادق والله اعلم لان الغالبيه منهم الله يهديهم يكدبوا اويتلاعبوا وجزءكبير منهم يبغوا يتزوجوا مسيار المهم هو جعل واحده من اهله تكلم اختي الكبيره فسالتهم اختي من وين عرفتوا عننا قالت لها من ناس شافوا البنت وقالوا لنا عنها المهم حددوا موعد ان اهله يجوا يشوفوني بس اتلغت جيتهم مدري هو غير الراي او مدري ايش صار وكلمت قريبته اختي وقالت مافي نصيب انا كلمتوا عن طريق الموقع طبعا وقلت اله ياولد الناس يوم انك غير مقتنع ليه تجي تتقدم ليش ماقلت لي من اول عشان ما اتعب نفسي معاك صحيح الزواج قسمه ونصيب بس انت كنت موافق من اول وانت اللي قلت ليا انك استخرت ومشت معاك الامور وليه ماعطيتني خبر انك بتلغي الموضوع من الاول المهم هو قال انا ماكان بودي يصير هذا الشي ولكن بسبب ظروف شغله وشرح لي الموضوع انا اقتنعت بعزره بس ماحبيت تصرفه هذا وقال عطيني فرصه وبرد عليك بعد 3 ايام انا بعد هادا الموقف كرهته كتير وحبيت اني انهي الموضوع معاه بس قلت انتظر واشوف بعدها قالي راح نرجع مره تانيه قلت له يمكن اهلي مايرضوا المهم كلمت قريبته اختي مره تانيه وقعدت تسال اختي عني بالتفصيل وعن كل شي بحياتي واختي ماحبت اسلوبها بعدها قالت لها اختي انا بامنك امانه احنا الواد هدا مانعرفه وازا فيه اي شي يمس اخلاقه او اي شي تاني وانتي مخبيته ترا هزا الشي بزمتك ليوم القيامه قالت لا هو مافيه شي المهم اختي قالت لها كيف انتوا خطبتوا بعدين رجعتوا مره تانيه قالت جاتنا ظروف والحين انحلت ونفسنا نرجع ليكم مره تانيه قالت لها اختي مافي نصيب من دون ماتشاورني او تاخذ رايي المهم هو ارسل لي عن طريق الموقع وقال ليه صار كدا قلت مو هو هادا الشي اللي كنتا انتا تبغاه قال لا والله انا ما ابغا كدا بس ظروفي وانا شرحتها لك وانا اسف عللي صار وصار يتاسف الرجال المهم هو قال انا شاريكي وابغا اتزوجك على سنة الله ورسوله وابغا ارجع تانيه وتالته ورابعه لحد اهلك مايوافقوا وانا اتسرعت في قراري الاول وانتي مناسبه ليا قلت له مادام انوا انت شايفني مناسبه ليك ليه تخلي اهلك يكلموا اهلي ويقولوا لهم مافي نصيب المهم انا حايره مرره مرره ايش اعمل وهل تتوقعوا هادا الانسان صادق ولا لا ساعات اقول بقوله خلاص الله يسهل لك وساعات اقول لا بشوف ايش اخرتها معاه

في البدايه اختي الكريمه نرحب فيك بمشاركتك بالمنتدى0
وبالنسبه لموضوع الزواج فكلنا نعلم انه قسمه ونصيب ولانعلم وين الخيره فيه فمن الممكن ان يكون تاخرك بالزواج لحكمه لايعلمها الا الله سبحانه وتعالى واذا جاءت قسمتك ونصيبك فلا يوجد اي شخص على وجه الارض لامن قريب ولامن بعيد يستطيع ان يمنعه0
كل ماعليكي يااختي الكريمه الاكثار والاستمرار على وسائل جلب الرزق من تقوى الله في السر والعلن والاستغفار والصدقه وصلة الرحم وبر الوالدين وقيام الليل والتوكل على الله في كل امورك وحسن الظن بالله سبحانه وتعالى0
واتمنى لكي ولبقية اخواتنا الصابرات والمحتسبات الاجر من الله التوفيق والسداد انه سميع مجيب0

__________________

	سبحان الله وبحمده سبحان الله العظيم0

طيب لي وحده تكلم اختك
لي مو هو يكلم ابوكي؟

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

اهم حاجه (استخيري)
وتأكدي بعد الاستخاره ان كل مايحصل (خير) لكي

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

استخيري واكثري الدعاء
وربك يخترلك الطيب

اشكر كل اللي ردوا عليا وجزاكم الله الف خير وبالنسبه لك اختي اللي سالتيني ليه قريبته كلمت اختي لانه هو قال خليها من طرف الحريم اول بعدين يتفاهموا الرجال وانا فضلت هدا الشي بعد لان هدا هو الوضع الطبيعي ولا ايش رايكم والله يكتبه ليا ازا كان فيه خير ويبعده عني ازا فيه شر وانا والله استخرت وحسيت اني مرتاحه صحيح حلمت حلم مو كويس بس ماتكرر وكان الحلم اصلا وقت النهار مو بالليل بس مدري هيا لها دخل بالموضوع ولا كوابيس

حبيبي استخيري والزواج قسمه ونصيب

واللي ربنا كاتبو بيصير

والله يسعدك

والله يا اختي انا استخرت وقاعده استخير والله يكتب ليا اللي فيه الخير

أختى الكريمة الزواج من الأمور التى لاتحتاج تردد ... أما تريدون بعض بنسة 100 /100 أو لا..
أعطيه فرصة أخيرة .. فيجب أن يعرف ماذا يريد.. وانت نفس الشيىء ..
تحياتى,,

رأيي يا أختي أن يُرفَع الموضوع من يد الحريم ويوضع في يد الرجال.

اطلبي منه أن يطلبكِ من والدكِ مباشرة .. واسألوا عنه جيداً .. وإن تيسر الأمر فلا تتعجلي في إتمام الزواج حتى تتعرفي إليه أكثر.

__________________


اللهم طِيبَ الأثر .. وحُسْنَ الرحيل.