السلام عليكم ..انا عندي مشكله كبيرره وان شالله القي الحل عندكم انا مشكلتي اكتشفت ان ابوي يكلم وحده مغربيه على المسن واتوقع انه متعرف عليهاا يوم كان مسافر هناك لان شغل ابوي طبيعته سفراته كثيره المهم هو المشكله انه مهوب بس تعرف بالمسن إالا يقابلها فأهو يقولنا بسافر لاي دوله علشان الشغل وعلى حسب علمي من كلامهم في المحادثه انها يجيهم يعني يكذب علينا ولا بعد اهويكذب عليها يقول انه يتيم وعايش مع امه ..الصرااحه انا مقدرت استحمل ودموعي على خدي وكرهت ابووي بعد ماكان الي افتخر به واحبه اهو الابو الحنون وانا البنت الدلوعه عنده هذا الشي اثر فين كثير ..الصرااحه انا قد مرت علي اشياء خلتني اشك فيه بس تغاضيت عنها حتى امي المسكينه نفس الحاله قد قرت رسله بجواله واهو قالها انهم من دول يعني من ناس فاااظين يبغون يتعرفون بس اظاهر انها كان الي رسل رساله اهي نفسها الي تكلمه لان في المحادثه على كلامهم انهم يتكلمون بالتلفون والحين مشكلتي اني مااعرف اتصرف وش اسوي اعلم امي ولا اصارح ابوي ولا اسكت مع ان هذا مستحييل اسكت لاني في المحادثه قريت انها قالت لبوي اخطبني وهو وافق بس ماااتوقع ابوي يسويها في سابع المستحيلات فما ادري وش اسوي مع ان ابوي مايبين بشي ولايقصر معنا ولا مع امي بشي واحنى عاايله نحب بعظ تكفففففففففون وابوي يحترم امي وامي ماتقصر معه بشي من جميع النواحي طلبتكم قولولي حل يريحني وادعولي ان تعدي هذي السالفه على خير ولا توصل لأشياء انا مابغاااه

هلا فيك اختي منوري..
الله يكون في عونك , والله انا حاسه فيك لان والله جربت مثل تجربتك بس كان الوالد الله يحفظه يفتح النت على الزوجات المسيار قسم بالله ضاق صدري مكان ودي الولد يسوي في الوالده كذا .
من كثر ماالمني الموضوع رحت لأختي الاصغر مني بسنه وخبرتها وجلسنا نفكر في حل ؟
طبعا انا واختي ماعندنا الجرائه التحدث مع الوالد بهذه الاشياء .. وفي نفس الوقت مو حابين نخبر امي بهذه السالفه يعني راح نضيق صدرها على الفاضي. المهم وانتهى الموضوع اتوقع ابوي صرف النظر يعني فتره وراحت الحمدلله
اختي منيره العزيزه .. هناك فتره لرجل تجيه افكار طائشه وهو في سن الاربعين وانا بحث في هذا في النت ووجدت عديد من المشاكل الزوجيه ويكون الرجل في سن الاربعين.
اختي اذا انتي كنتي متوقعه والدك ان لايريد ان يتزوج هذه البنت خلاص اصرفي النظر ولاتخبري والدتك بذلك .
والله يوفقك ويصرف ابيك عن هذه البنت.

__________________

نسمات البرد الله يريحك ريحتيني وانا اقرا كلامك دموعي ملت عيني فعلن ابوي عمره 40 بس انا اخاف مثل ماكنت متوقعه انها مايكلم بنات لأنه متربي من عائلة محافظه كلم هذي وانا الحين مااتوقع يخطبها لان من بددايت كلامه يكذب عليها والعلاقات الكاذبه تنتهي على حسب علمي بس يمكن يسويها ويخطبها

......

لا تخبري امك ابداً , فهو مكرمها كما تقولين , وسيبب علم امك بالموضوع احتقار للأب ومشاكل كثيره ..
------------------------------------
وهنالك مايسمى ازمة منتصف العمر وهي تبدأ بسن والدك وفيها يلتفت الرجل ورائه ويسأل نفسه هل استمتعت بالحياه ؟ هل انا راضي عن نفسي ؟ ان كان الرجل صاحب انجازات ووظيفه مرموقه بختصار " رجل ناجح " تجدينه يهدأ ويستكن ويعيش باقي حياته برضى عن نفسه , اما ان كان رجل عكسه من ناحيت الانجازات والنجاح في الحياه فهو ينتكس ويظل يبحث عن السعاده بالطرق غير المشروعه, وقد يصيب اناس يعتبرون " متدينون نوعاً ما " ومع ذلك ينتكس , وانا ارى ان تصارحيه بطريقه المحبه الخائفه عليه من عذاب الله لا المعاتبه الغاضبه منه .. لأنك لو لم تصارحيه قد ينتج من علاقة ابوك " زنا " والعياذ بالله ..
اسأل الله يصلح حال جميع المسلمين ..

الجانب الاخر جزاك الله خير نعم ابوي من الرجال الناجحين على قولتك فهو عنده ووظيفه مرموقه وانجازات ومحافظ على صلاته مع ان اخر هذي الفترات بداا يتهاون بصلات يعني مايصليها بالمسجد لانه يكون جالس على الكمبيوتر ومقفل عليه الغرفه تكفوون ادعوله

ابغى اقولل انه قالها ابيقابلها بعد 10 ايام قالته اهي تعال اخطبني واهو قالنا انه بيسافر لبريطانيا بس مالقا حجز والظاهر ان روحته ماراح تكون اكيده لانه غير رايه مهوب رايح ومالقى حجز فهذا يدل على انه يكذب علينا والله اعلم ادعو انه مايروح ويهديه

عدد المتواجدون في هذا الموضوع » 9 , عدد الأعضاء » 2 , عدد الزوار » 7
تكفون يازوار ادعوا لبوي بالهدايه وتعدي السالفه على خير

باعطيك حل بس ماادري يؤيديوني فيه الباقين ام لا؟؟
ليه ماترسلي لابوك رساله على جواله تطلعي فيها اللي بقلبك وتعلميه انك عرفتي الموضوع بس اهم شي تكتبي فيها ابوي الغالي العزيز يااغلى مافي الدنيا يااحلى اب في الدنيا ياليت تسمع مني والله اني احبك واعتبرك قدوه لي في كل شي ابوي انا اكتشفت انك تكلم بنت وعلميه بالموضوع واكتبي له تاكد ياابوي اني ماراح اعلم احد ولاحتى امي ولااحد يعرف غيري بس والله خايف عليك على حياتنا ..ابوي انت اعقل مني وتعرف الشي الصح والخطأ ارجوك فكر وانا معك
وداعا بنتك الغاليه

يارب ييسر همك ويرد ابوك لطريق الحق ويكون احلى اب ويصرف عنه تفكير الشيطان وتفكير الهوى يارب يصرف عنه كل حاسد وحاقد ومنافق يارب

وادعيلي ان ربي ييسر لي امري ويفرج همي ويكتب لي مافيه الخير فيما احمله من هم