باركولي و ساعدوني رجاء يا احلى منتدى بالعالم
السلام عليكم
انا منى اتمنى انكم اذكرتوني
صارلي فترة ما دخلت على الموقع من كتر ال
انا الحمدلله صرت من هاد القسم قسم المقبلين على الزواج عقبال عند كل بنات و شباب المسلمين امين
خطبني شب كتير امنيح و قلبه طيب و متعلم و وضعه المادي متوسط
المشكلة انه اهله اغنياء كتير لدرجة الترف اما انا إلي بتذكر قصتي بيعرف كيف وضع اهلى تحت خط الفقر بأميال
لكن هو ما يعرف هاد الشي لانو بيزورنا مرة بالاسبوع بيقعد بغرفة الضيوف ساعة او ساعتين و بيروح
لكن اخر مرة إجى عنا و قعد مع ابوي إلي بتعرفو وضعه(عاطل عن العمل و كمان اشياء الله يسامحو عليها)
ابوي قعد يمزح مزح يتضمن كلام مش مؤدب و كان لبسه و طريقة كلامه لا تدل على ادنى حد من اللبقة
تاني يوم كلمني الشب بطريقة ناشفة وجامدة جدا مرة وحدة
و لهلأ ما بيكلمني و لا بيرد على اتصالاتي و هاد الكلام من 5 ايام تقريبا
مع انه احنا مكتوب كتابنا
مش عارفة شو اعمل بستحي احكي مع ابوي و اقوله يغير طريقة كلامه او لبسه مع اني اشتريتلو اواعي جديدة بس لحد هلأ ما اعطيتو إياهم
شو اعمل؟
07-06-2011, 03:21 PM
ضوابط المشاركة
العرض الشجري