السلام عليكم ورحمه الله وبركاته
هاذا اول موضوع لي قررت اكتب لكم لاني شفت انكم تشورون وتساعدون الواحد راح ابدا بمشكلتي
انا وحده ملكت على شخص مطلق واستمر زواجه 4 اشهر كان عمري 17 سنه وهو عمره 30 اتذكر كلمت طليقته وقالت ان العيب من اهله وانه يقدس اهله بس بصراحه وقتها ماهتميت كلامها لان وضعنا بالبيت مو كويس نوعا ما وكنت اشوف خواته يطلعون ويتمشون وهاذا الي انا محرومه منه تمت الخطبه وكانت احلى ايام عمري وتزوجنا صح كان فيه اشياء تقهرني يسويها بس كنت اسكت عشت معاها بكل حب حبيته من قلب لانه اول انسان اعرفه اول انسان يلمسني اول انسان يحسسني بحنان امكن هو عادي بس عندي كان شي كبير اكتشفت انه ضحك علي بعد شهر من الزواج وسافر برا وهو قال لي انه انتداب عشان العمل وسكت ولاعلمت احد حملت وكان الجنين مشوه وتحملت وسكت ودعيت الله ولدت وبعد ولادتي مات الولد وكانو اهله اسمعهم يتشمتون فيني واذا قلت له يقول وش اسوي تحملت كل هاذي الالم على رغم صغر سني انا ماانزه نفسي من العيوب كنت ازعل وابكي وارفع صوتي اكتشفت ان عنده ايميل بصدفه وكان يخليني بلغرفه ويقعد يسولف ويقول كلام ماعمره قاله لي غير المقاطع الوسخه واكتفيت اني ابكي وارتب اغراضي مع العلم اني مو ناويه اروح واخره انا الي ناده وبكى بحضنه وترضينا كان قمه بلحنان مع اهله وخواته وبناتهم واخونه وبناتهم غير عني صح مايقصر بس فرق عنهم واعيد امكن اشوف الي يسويه لي كبير لاني فاقده ماكان عندي الا صديقه وحده وكانت اكثر من اخت لي وهو الشاهد كان دايم يقول اعزميها واقوله ماتضايق يقول لا حملت بعد 5 اشهر من ولادتي وعصب وزعل مع انه هو الي رفض اخذ مانع ماعشت الفرحه كانت نفسيتي مدموره بعدم فرحته وخوفي على الي ببطني وماحس والله اكنت انتظر يطلع واخذ ملابس ولدي الاول وقطعه من كفنه وابكي ولا احد حاس صار ظرف والازمنا نروح عند اهله وكانت بدايه المشكله ماكنت اشوفه صح الظرف قوي بس ماكنت اشوفه حزين كان يبغى يبسط اهله وانا كاني مو موجوده تعبت نفسيتي اكثر صرت اقوله وابكي وهو يتضايق امه كانت تتكلم علي ومارد عليها واقوله ويقول مالي دخل فيكم كان يقولهم قمو وانا يقول لي اقعدي بعدين تروحين واسكت اكنت اشكي له من حركات اهله كان فيه موضوع مضايقني واهله اختاروه يسويه وانا رفضت مع العلم عنده 6 اخوان اكبر واصغر وكانت نفسيتي دمااار وهو عارف والله كنت ابكي بساعات ويسمعني ويروح ينام بالارض وتراجاه يجي بجنبي ويقول ازعجتيني فيه يوم انفجرت وصرت ابكي ورفعت صوتي وقلت له ترى بتخسرني لو سويت كذا انت مو حاس فيني كاني مو زوجتك مستشفى مو مهتم مو حاس بنار الي بقلبي وهو ساكت صرت ابكي بصوت عالي ورتبت اغراضي وقلت ودني بيت اهلي ماتحمل اقعد هنا اذا صرت راجع شقتنا مرني مع االعلم امه كانت تفتش ملابسي واغراضي كانت تسبني وتستفزني وتقلي ترا دايم يجيني يشتكي منك حتى من بدايه الزواج واساله يقول مو صحيح انا مبسوط معاك ولاعمري رديت عليها كان رده الي روحي يومين وارجعي وقبل مطلع قابلت امه وقلت لها ترضين على بناتك كذا وكذا وانا ابكي وقلها ولدك سوى لي كذا ترضين وهي ساكته دخلت بيت اهلي وانا ابكي وراح كنت متوقعه الزعل مابيستمر اسبوع بعد خمسه ايام كلمته لانه حذفني من البلاك وقلت ليه تحذفني قال بعته ماحذفتك على وتنقشنا وقال ماقدرتي ظروفي طيب انت الي دمر نفسيتي انت ماقدرت كمان ظروفي وقام يقول من زين ولدك ماتبغين تسمينه كذا كانه مو ولده والله ارسلت له كل رسايل الاعتذار وكلام الاعتذار الي اعرفه كلمت امه واتعذرت لها وقالت اصلا يقول ماحبك من يوم اخذك كيف ماحبني والايام الي بينا وحلفه لي وكلامه الي والوهم الي كان ميعشني فيه انه يعشقني ولاعاد رد علي احرقت الجوال عليه ومايرد وعرفت انه من ثالث يوم بعد مارحت عند اهلي خطب ورفضوه واخته الله لايوفقها خطبت اله وحده موظفه في 30 ومطلقه وملك تخيلو كله في خلل اسبوعين طيب ليه ليه تلعب فيني وولدك توقعت انه بس يبغى يخرعني لاكن للاسف تزوج بدايه الشهر هاذا والله ماخلى شي ماقله فيني حتى مزحي معاها خله جد صديقتي الي قلت لكم وانه هوالي كان يقول اعزميها ويتصل على زوجها ويعزمهم يقول اني كنت ازعجه بهم ومايرتاح منهم الحين الي 4 اشهر عند اهلي اسمع اخباره من الناس وانه حب الي تزوجها وانها غير هاذا شهري انشاء اولد بسلامه واجيب طفل سليم معافى والله ماكلف نفسه يسال لدرجه نص اغراضي ارسلها ونصها مسكها الي جديد مدري لهذي الدرجه متهاون فيني ابويه ارسل عليه قبل يتزوج يجي ونحل المشكله يايطلق يانفهام ولان ابويه رافض ارجع على مره يقول توك عشرين وترجعين على ضره الي اعرفه انه قال بطلقها عليه بس بعد ماتولد عشان مااصدمها ورد على ابويه انو مابتكلم بالموضوع الا بعد ماتولد قصده يطلق الي مقهوره عليه اني انا حزينه ومقهوره على حظي واقول ليه يسوي فيني كذا واتذكر الايام الحلوه ماقدرت انسى وهو تزوج ومسافر يقول اني بفرق بينه وبين اهله على كل الي تحملته صرت افرق امه تقول مانبغا الولد وولدي اصلا ماكان يبغى تحملين ولا يبغى غير الكلام الي نشرته عني الولد يشهد على الله مو مدح بنفسي لاكن اني محافظه على ديني وكنت انصحه دايم واني جميله جدا جدا بشهاده كل من شافني لاكن صار عندي ياس ابغى تشورون علي اذا ولد وجا مع ان ماتوقع يجي بس ابغى اطلع بس ماعرف وش اقول واذا ولدت كلهم يقلون لاتدقين عليه ولا تعلمينه الين يسمع من الناس الانه هو المفروض يسال ابغى مشورتكم تكفون هل يستاهل اهين نفسي وارجع اخف اترجاه وهو مايبغا وانا عارفه انه سوى كذا يبغى يثبت رجولته لاهله ولا وش اسوي

لهاذي الدرجه مشكلتي بنسبه لكم تافهه ومارديتو عليها والله اني انحرق ميه مره ابغى بس احد يشور علي ويحس فيني

السلام عليكم
اختى آلمتنى قصتك جدا ...ادعو لك من قلبى ان يفرج الله همك و ييسر ولادتك و يرزقك الطفل المعافى السليم و يقر عينك به.
دخلت لاخبرك عن تجربى
انا طلقت و انا حامل بسبب امه المتسلطة و ضعف شخصيته
المهم لم يسألوا فى فترة الحمل و عند ولادتى اتفقنا انا و اختى ان تخبره و حدث ذلك بعد ولادتى بساعة اخبرته اختى انى ولدت ففرح و قال انه سوف يأتى .....لكن لم يأت( اكيد السلطات العليا منعته_ امه_) و مرت الايام و رضيت بقدرى و اهتممت بأبنى و عندما بلغ ابنى سنتين و نصف جاؤوا و طلبوه المهم حكاية طويلة و هاهم الان يحبونه جدا جدا و ندموا على.. ارادوا ارجاعى لكن بعد ماذا ...هو تزوج و طلق و خرج من قلبى خلاص ..
فقط اردت ان اقول لك ان يخبرهم واحد من اهلك عند ولادتك بخير ان شاء الله و احتسبى ذلك عند الله
وفقك الله و صبرك و عوضك خيراااا

ياعزيزتي الله يهديك اننتي تقولي انه يحب اهله ويموت فيهم ومعطيهم الحب والحنان وأنتي لا كان المفررروض ابداا ابداا ماتشتكي عن اهله ابداا هاذا اول شئ
يوم اكتشفتي انه عنده ايميل وكان عنده مقاطع كان المفروض ماتطلعين من بيتك ابدااا وتحاولي تشوفي وتراجعي نفسك وش ناقصك هل أديتي كامل حقوقك له
وياعزيزتي من ناحية اهله الزوجه لو حطت راسها بأهل زوجها والله ماراح تعرف تعيش لابد تحتويهم ولا بيقعدو لها قعده
وياعمري انتي طلعتي من بيتك بنفسك وتوقعتي انه راح يراضيك لا مستحيل زوجك ومن غر ماتزعلي مني ماشبعتيه بحبك وغرامك له علشان كذا مافكر فيك يعني ماملكتي قلبه وانتي الله يهديك طلعتي وترسلين له رسائل اعتذار ورحتي تعتذري لأمه
بعد ليش انتي وش سويتي انتي في نظري ماسويتي شئ ليش الاعتذار يوم أنك طلعتي من البيت كان خليته هو اللي يكلمك وهو اللي يعتذر لك وياعيوني انتي ماسويتي شئ زوجك حاط في باله أنه يتزوج وصدقني هو مو قد المسؤليه ولاعب لاتهدري الكثير من كرامتك أرجوك ومن ناحية سواليفك مع صديقتك صديقني والله انه لاعب يبي بس يبرر موقفه
ياحبيتي انتبهي تدقين عليه ارجوك لاتدقين عليه ابدااا ابدااا خلي رجاجيل يتفاهمون معه انتي اطلعي منها انتبهي تتصلين عليه حافظي على كرامتك هو واااضح انه بايع ومن باعك بيعه هاذا مايستاهللك
ومن ناحية اذا جيتي تولدين خليه يعرف من الناس اقطعي علاقتك به ذي الفتره ولاتكلمينه ولاتكلمين امه ولو عنده شئ خليه يتكلم مع ابوك
أرجوك لاتدقين عليه ولاتترجينه انك ترجعين خليك في بيت ابوك معززه مكرمه االين يجي على وجه يتفاهم مع أبوك
الله يهديك هو هالحين تزوج وشرشح فيك هو واهله عند الناس وانتي تبين ترجعين له وتترجينه
انتبهي ياعمري تكلمينه وخليه يعرف أنك ولدتي من طريق الناس والله لايرخصك ولايحوجك له
واكثري من الدعاء والاستغفار والله يفرج همك يارب

__________________
live nice

الله يعينك ويصبرك ويفرج كربتك يالغلا

هو باقي مارجع من السفر وانت باقي ماولدتي
انتظر لما بعد الولادة وشوفي ايش يقول اذ كان عنده ني
الطلاق فكرامتك فوق كل شي يالغاليه
واذا مايبغى يطلق وانت حابه تستمري معاه اشرطي سكن بلحالك علشان ترتاحين من المشاكل

الان اللي تسوينه ارفعي يدينك لربك وادعي انه يدبرك على الخير
وكثري استغفار

__________________

كانك تحكين قصتي,لكن هذه هي الحياة لقاء و فراق
ولا يبقى سوا حب الله
ارجعي لربك وادعيه في الليل و النهار

مرحبا
مره تعاطفت معاك وحسيت فيك
لكن معليش صدقيني كله خيره ومكتوب .. لا تفكرين في اللي راح و في كل الكلام اللي قاله فيك
أدري صعب بس صدقيني ما منه فايده غير وجع القلب !!
كل اللي عليك تسوينه الآن تهتمين في صحتك وفي حملك ونفسيتك وتلجأين لرب العالمين
قومي الليل صلي واستغفري واقري قرآن عشان ينشرح صدرك ووكلي أمرك للي عينه ما تنام
خلي موضوعك عند ابوك انتي لا تتدخلين خلاص دامك طلعتي ودامه تزوج على طول وباع بذا
السرعه ولا عمل اعتبار لك ولا لأهلك ولا لحملك أجل اسمحي لي مافيه خير !!
تناسي موضوعه تماما وتوكلي على ربك هو يحلها من عنده .. اذا فيه خير بترجعين له معززه مكرمه
وإذا مافيه خير الله يصرفه عنك ويعوضك بأحسن منه ... هونيها وتهون
أسأل الله تعالى أن يربط على قلبك وينزل عليك السكينة والصبر وأن يهون عليك ولادتك يارب،،،

__________________
لا اله الا انت سبحانك اني كنت من الظالمين

كلنا متعاطفين معاك خليك مع نصائح الاخوات نفسك وصحتك وعافيتك اهم من اي شيء وعليك بالاستغفار الكثير اجعلي اسانك رطب بذكر الله ودوام الحال من المحال وهكذا هي الدنيا الله يفرج همك وهمنا والله يربط على قلبك ولن انساك من الدعاء

__________________
ريم نواف سابقا

اسأل الله ان يعينك ويشرح صدرك ويسخره لك إذا فيه خييييييييير

__________________

الله يفرج همك ياااااااااااااااارب ويكتب لك مافيه الخير الاخوات ماقصرو وعليك بكثرة الاستغفار