صباح الخير
كانت احلى صدفه لما عرفت هالمنتدى الرائع واعضاءه المخلصين
جزاكم الله الف خير وبارك لكم

اتمنى تشاركوني بحل بوضع نهايه لمشكلتي مع زوجي(متزوجين من 13 سنه وبيننا 3 اطفال وحياتنا سعيده )

الموضوع كالتالي قبل شهور فتحت جوال زوجي ووجدت بينه وبين بنت اخته المخطوبه رسائل علاقه غريبه بالبدايه كان يتغزل بجمالها ويرسل لها كلام حب ويستشيرها ببعض مشاكله الى هنا عادي ولكن غير العادي هو ان زوجي اصبح يطلب منها ان يخرجون وحدهم وبدون ان تدري امها او خطيبها ..هي كانت متردده وهو يكرر طلبه باصرار الى ان قالت ما ابي يصير شي بيننا وانت فاهم قصدي !! وهو لم يرد على كلامها وضل يلح عليها وهي متردده وتماطل الى ان طلب منها صور لها ورفضت قالت شوف القديمه ثم اعاد عليها طلب الخروج وقال ابي ابوسك واضمك واقرب منك !!!!!!!!! هي رفضت بشده كل طلباته وقالت الله يشوفنا وبعد اخاف احد يعرف!! وهو عاد يترجاها الى ان اصبحت تتجاهله ولا ترد عليه

انا انصدمت بشده ووقتها زوجي كان مسافر اتصلت عليه وواجهته بشده انكر وحلف في البدايه وعاد واعترف ببعض الكلام وحاول المراوغه وان قصده كان صديقتها وحكى لي اشياء قديمه ليثبت انه يقصد صديقتها ولكن الكلام كان واضح وقصده كان واضح وبخجل وبصعوبه اعترف بالكلام اللي قريته

اعتذر وترجاني ما اروح لاهلي زعلانه وان لا اهد بيتنا وانه سيرضيني ويكفر عن غلطته طول العمر
انا حجزت حتى اسافر لاهلي وكلمت امي واخبرتها بالموضوع انصدمت ولم تصدق وخصوصا وهي تحب زوجي بشده ولكن قالت تعالي ولا يهمك وبعد يومين كلمتني وترجتني ابقى واحاول اسامح زوجي واستر عليه بحكم ان بيننا اطفال وانها ستكون فضيحه بحق الجميع وخصوصا ونحن اقارب

المهم وافقت وانا كارهه وبعد كم اسبوع رجع زوجي من سفره واعتذر وهو خجلان واعاد لي الاعتذار والوعود وانا كنت كارهه له ولا انظر فيه حتى واصبحت اتجاهله وهو متفشل ولم يعرف كيف يتصرف زياده فااختار السكوت
الان مر على رجوعه اسبوع انا اكيد لسه مجروحه وهو متفشل وساكت ولايدري كيف يرضيني وينهي الموضوع


شوروا علي كيف اتصرف معاه انا لسه مجروحه ومصدومه من تصرفه هل اسافر لاهلي مع العلم احنا اقارب واغلب مشاكلنا تتحول الى فضايح وقطيعه فكرت ان اطلب منه ان يطلقني عند القاضي بدون علم احد ويعيدني بنفس الوقت حتى يكون درس له ولا ينسى خطئه طول عمره ولكن محتاره وخصوصا بمره وهو يعتذر قال لي انتي قويه ولا تتنازلين بسهوله ورضاك صعب ولو غيرك بترضى بسهوله
هو يقول هالكلام لان صديقه اخبره انه من شهور وهو ضايف بنات وله علاقات ومكالمات وزوجته لا تعلم ولايعطيها فرصه تمسك جواله او تتدخل بتعلقه بالجوال ويخدعها دائما بينما انا اشيك وراء زوجي وانتبه لاغلب التفاصيل حولي كلامه هذا بالاضافه الى انه قبل اسبوعين وضع قفل على جهازه جعلني اشك انه ما حس بحجم خطئه وممكن يكرره ومره لمح ان الخطاء خطاي لاني مسكت جهازه

سؤالي كيف اتصرف واجعله يحس بخطئه ويندم ولا يكرره مره ثانيه

لمحات بسيطه
زوجي مهمل بصلاته وبح صوتي وانا انصحه يصلي شهر ويتركها شهور
اخواته وزوجات اخوانه وكل بناتهم مشهورين باللبس العاري ولايمكن يراهم احد الا وهم بمكياج كامل وشعر مسرح ولبس مشخلع حتى وهم في بيوتهم
زوجي يحبني بشده ويرضيني دائما والهدايا كل اسبوعين والورد لا ينقطع من بيتنا
مرات يخبر الناس انه يحبني ومسلمني قيادة البيت والكلمه كلمتي مع ان الواقع مو كذا وانا اتنازل عن طلباتي ومواعيدي وزياراتي من اجله

شوفي اختي ام خالد انتي غلطتي لما خبرتي امك انتي تقدرين تحلين المشكله بدون درى امك اولا زوجك الله يهديه مايصلي وهذي فرصتك قووولي له تصلي فررروضك كامله عشان اقتنع انك تغيرت لان قربك من الله دليل توبتك وندمك والتوبه تمحو ماقبلها واذا الله يغفر الذنب احنا مانتسامح بس هاه خلك حررريصه ولا ترضين عليه لين يرضي الله

ولا يقربك لين يصلي واذا ماداوم ع الصلاة هذيك الساعه اطلعي من البيت لاصلاة ولا عباده وش مجلسك عليه اللي مايصلي يسوي كل شي اختي والعياذ بالله تزعلين عشان علاقه محرمه بينه وبين بنت اخوه ولا تزعلين يوم يترك الصلاة الحين ازعلي وبرطمي عليه قووولي له اثبت لي انك بتفتح صفحه جديده والصفحه هذي بدايتها الصلاة الصلاة ولا مع السلامه من باب التخويف والله يسعدك يارب ويفرج همك دمتي بالف عافيه

شكرا اختي على ردك انا الله يشهد دايما اذكره بالصلاه ومره رحت لاهلي وتركته بسبب هذا الموضوع بس اهلي قالوا ما دام انه يصلي ويخلي اجل مو تاركها تماما وماايدوني بزعلي وهو وعدني يتغير وصار يصلي فتره ويهمل فتره

لما صارت المشكله يعلم الله هدفي كان صلاته وبدون مااتكلم وعدني بالالتزام فيها لكن لما رجع بذا الاسبوع صار يصلي بالمسجد بس كنت نايمه مره وعرفت انه ماراح صلى فتاكدت ان وعوده كانت كلام بس حسبي الله ونعم الوكيل
انا ماقدر اصر على موضوع الصلاه لان لو ماجات باقتناع منه راح يحس انه يصلي علشاني وبيتركها بعد فتره
مشكوره على ردك والله يوفقك ويبارك لك

شوووفي بالبدايه بيحس انه مجبور ع الصلاة بسببك ولما يصلي بيتعود عليها ولما يحس ان زعلك راح ورضيتي عشان يداوم ع الصلاة بيعرف انه أمر عظيم تركها وبعدين يصلي راضي يصلي مغصوب المهم يأدي فريضته ولا عليك منه اليوم بالغصب بكره برضاه وبيتعود دام انك حاولتي فيه ولا استمر الشده بتنفع معه موووفقه قلبي

يا أختي انتي بتحكي بنت أخته؟؟؟؟؟؟ (يعني خالها) انا للان مو قادر استوعب ؟؟؟عنجد بكون زوجك خالها؟؟؟

مشكوره والله ياقلبي واكيد ماراح يفوتني هالموضوع الله يعين

اااااه للاسف صحيح خالها
زوجي يعلم الله معروف بالحياء والادب وهذا اللي مخلي اهلي يعزونه ويحبونه واخر انسان اتوقع يسويها هو زوجي
ولكن هذي حكمة الله
والقلوب بين يديه يغيرها من حال الي حال كل يوم
وعساها تكون غلطت زوجي اللي تصحيه من تقصيره ببعض امور دينه *

خالهاااااااااااااااا
يا أختي أي صلااااااااااة اللي بدك اياه اصليهاااا ,,,,,,,,,,,,جوزك شبه مختل سامحيني لهذا التعبير .......طيب انتي مقصره معه ؟؟؟؟؟ حاولي تخلي حالك مثل بنات اخته باللبس والحركات ......والله يا أختي اعذريني ....مو قادر استوعب الموضوع بدي انجننننننننن .....ما الك الا الدعاء الله يهدبببببببببببببببه

حسبي الله عليه شراب الدم

انا لو منك والله ماجلس عنده دقيقه وحده هذا مافيه غيره كيف تامنين عليه حيااتك الله

انتي مفرووض تتكلمي مع البنت المسكينه وتخبرين امها او ابوهااا

هذي الاشكاال مفروووض مايستر عليه حسبي الله عليه

الله يهديه لك .. اسفه حاسة انو لساني مربووط وموعارفه انصحك بشي يفيدك
بس ماقدرت اطلع قبل لا ادعيلك ..

الله يفرجها عليك ويهديه ويصلح حالو

__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي