مرحبا الأعضاء الغاليين ...

موضوع بسيط قبل سنه بنت خالتي كانت اول سنه بالجامعه ... وانا متابع موضوع دراستها .. بصفت ان البنت محجوزه لي ..المهم ارسلت الجامعه لجوالي رساله الرجاء ادخال الرغبات ... اتصلت على خالتي وقلت لها .. خالتي قالت ارسل الرساله على جوال البنت قلت اوكي ( انا وخالتي والبنت متفقين اي شي يخص الجامعه ارسله رساله لها ) ارسلت الرساله وقلت لها انا اختر لك تخصص لغات وترجمه لأني اشوفه مناسب حسب خبرتي ... البنت قالت برسالتها( انا بختار لغات وترجمه ..وانا جدا احترم الشخص اللي يكون قد كلامه )

انا تضايقت بداية الأمر وانا اسولف مع خالتي قالت خالتي ان البنت من كثر ما يوعودها اخوانها صارت ماتدري تصدق مين بس ما اقنعت .. وكمان بنات خالي اذا كانوا عند البنت .. البنت تسولف عليهم تقول طلال اختار لي تخصص لغات وترجمه وطلال مهتم فيني وكمان يبي يدرسني ماجستير بس اخلص من هالسوالف وانا والله اني بصدق راح اسوي لها كل اللي ذكرته .. فالبنات يقولوا لها طلال يكذب عليك بس يتزوجك راح يطفشك ولا يسوي لك شي ... خالتي قالت لي الموظوع وقلت لها اذا بنتك تبي تسمع كلام الناس خليها عندك وبس كلام قليل ...
اهم نقطه ... طلعت النتايج والبنت معدلها ما يسمح يدخلها لغات وترجمه .. البنت زعلت واهله كمان .. قلت لهم انا قايل لكم ان البنت تشد حيلها لاكن موضوعها عندي مالكم شغل ... رحت الجامعه لزملائي وقلت لهم بالواسطه تدخل البنت لغات وترجمه ايش ما كان ... المهم يومين دخلتها التخصص وطبعت جدولها واوراقها وبشرت خالتي عشان تقول لبنتها المهم فرحوا .. والبنت فيه ماده لازم نحذفها وقالت لي خالتي البنت تقول الشي اللي تشوفه مناسب سويه يا طلال .

س - البنت ليش قالت انا احترم الشخص اللي يكون قد كلامه ؟

س - ماهي ردة فعل البنت لما دخلتتها التخصص ؟

س - ماهي ردة فعل البنت مع بنات خالي ؟

س - ماذا تحس البنت الأن بأتجاهي ؟

س - هل وفيت الان وقصرت وياها بشي ؟

س - هل تقدر ما فعلت لها مستقبلياً ؟

اسف على الأطاله ادري راح تقولون لي اتزوج وفكنا من شرك هههه

تحياتي لكم .. وانتظر ردودكم لرائعه .

والله تحبك وتمووووووووووووووووووووووت فيك

بس والله مافيك شيء ياهل ماادري ليش تحبك ؟؟؟؟؟؟؟

بس موب من الأدب أنك انت اللي تختر تخصصها


خلها هي تختار

انت تدري عن طموحها؟؟


بس اهم شي لا تدخل الطب ولا التمريض

موفق

__________________
استغفر الله الذي لا إله إلا هو الحي القيوم وأتوب إليه

الله يوفقكم ونظامكم حلو , من الان تتعب لزوجة المستقبل حتى لو كانت مو على ذمتك !

الله يوووفقها ويوفقك في درااااستكم ..,
دمت بووود=)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

إنت متأكد ياطلال إن هذي رغبة البنت ؟

إذا هذي رغبتها فأنا أقولكـ كفيت ووفيت .. وبكل تأكيد مشاعرها تجاهكـ إيجابية إن شاء الله ،،

ولكن أنصحكـ لا تسمع لبنات خالكـ .. ووصل لخطيبتكـ إنها لا تسمع لكلام أياً كآن ،،

واسمع من هنآ وطلع من هنآ ،،

وأهتمـ بخطيبتكـ وما عليك باللي تسمعه ،،

ولكن لا توطد العلاقة زيآدهـ خصوصا فتره الخطبة مجرد نصيحه ،،

موفق خير إن شاء الله ،،

الله يديم عليكم المحبه ولا يفرق بينكم يارب برئيي استعجل بزواج وخير البر عاجله والله يوفقكم يارب

اقتباس:

المشاركة الأصلية كتبت بواسطة ليش كذا والله تحبك وتمووووووووووووووووووووووت فيك بس والله مافيك شيء ياهل ماادري ليش تحبك ؟؟؟؟؟؟؟

هاي ليش كذا ارفق علي هههههههههههه

اقولك ليش تحبني ؟
لأن معاي كامري ههه المحبه من الله

تحياتي لك ... وعن جد الله يوسع صدرك مت من الضحك ..

سي يو

اقتباس:

المشاركة الأصلية كتبت بواسطة غريب 2010 بس موب من الأدب أنك انت اللي تختر تخصصها خلها هي تختار انت تدري عن طموحها؟؟ بس اهم شي لا تدخل الطب ولا التمريض موفق

غريب اهلين ...
من ناحيه الأختيار هي قالت انت ادرى اختار اللي تشوفه مناسب لي ..

تحياتي لك

سي يو

اقتباس:

المشاركة الأصلية كتبت بواسطة عزوبي ناضج الله يوفقكم ونظامكم حلو , من الان تتعب لزوجة المستقبل حتى لو كانت مو على ذمتك !

هاي عزوبي ناضج
تحياتي لردك الجميل ولارائع ..
سي يو