السلام عليكم
تقدمت قبل اسبوع لفتاة رشحتها لي الوالدة ومدحت في اخلاقها وادبها , ووقت الشوفة بصراحة شكل البنت مو نفس الي انا ابغاه , هيا جميلة ماشاءالله بس مادري ليش ماحبيت شكلها

الان ليا اسبوع ومحتار , البنت كانت مرا خجولة ومارفعت راسها وجالس اقول في نفسي انو اكسب ادبها واخلاقها واذا على الشكل مو شرط يكون نفس الي في بالي . مدري ايش رايكم ؟ مرررره محتار

أخي العزيز/
أنت وقت الشوفة ارتحت لها ولا لا
أهم شيء الراحه النفسية وصل الاستخارة وربي يكتب اللي فيه الخير لك ولها
واهم شيء تكون مقتنع 100%
وربي يوفقك انشاء الله

يا اخوي انا كمان مثلك محتاره .. انا بحب شاب واهلي يبغوني لشب ثاني اتقدم لي مع اني كلمت الي بحبو انو في موضوع زي كده وقلتلو اذا تبغاني تعال اتقدم لي راح هوه كلم ابوه .. وابوه قال طيب راح اطلبلك هيه بس لحد الحين ما اتصل ابوه ولا شئ والشب الثاني الي اهلي يبغوه جاي بعد اربع ايام ما بعرف ويش اسوي حالي مثل حالك صحيح الشب الي اهلي يبغوه كمان شخص طيب ومحترم ويحبني كمان طلبني اكثر من 10 مرات وانا ارفض بس ما بعرف خايفه اضحي فيه عشان الي بحبو والي بحبو يضحى فيني واكون خسارنه من الجهتين ... افيدوني الله يخليكم

يعتمد عليك
اذا الشكل مهم بالنسبه لك وتعتبره صفه اساسيه بزوجه المستقبل معناته لاتقبل فيها

بالتوفيق يارب


بالنسبه للشكل إذا في قرارة نفسك يهمك الشكل فأظن ماراح ترضى بالبنت

وإذا يهمك الأخلاق فتوكل على الله


ويا أخي أهم شي في الزوجه أخلاقها

__________________
الله يصبرني على فراقكم يا أهلي
الله يجمعني معكم بالقريب العاجل

صاحب المشكله برأيي ممكن بالعشرة والمحبه تصير تشوف زوجتك من أجمل النساء أهم شي أخلاقها وطريقة تعاملها, تعرف عليها ولا تنسى إنه الجمال بعين الرائي ولو حبيتها ما رح يفرق عندك شكلها والله يجمعكم على خير ,,,

.......................................

جالكسي جواهر إرجعي كلمي حبيبك بالموضوع ولو ما تقدم وخطبك توكلي على الله وتزوجي اللي أهلك موافقين عليه والله يجيبلك يلي في الخير ولا تنسي استخيري ..موفقه

__________________

والله انك غريب وش الشكل اللي براسي ممكن تقصد المستوى اللي ببالك

شف ياقلبي 70% من الشباب يقولون وجدناها اقل مما توقعنا وبعد الزواج كبرت بنفوسنا
اذا انت معطيها نسبة 7 من 10 من اللي بنفسك ترى مع المكياج واللبس والحركات بتعجبك وتحبها الموضوع عادي
اما اذا كنت تشوفها ماجابت الا 5 واقل قل لهم بالتوفيق ...

السلام عليكم ورحمة الله ..

أهم شي ادبها وخجلها ماشاءلله ..

نااااادر تحصل انسانه بالاخلاق والخجل هذاا ..

أتوكل على الله واعملو ملكه ..

ماتعرف كيف لو اتزوجت وحده ثانيه بنفس مواصفاتك , كيف بتكووون اخلاقها ..!!؟

أحسن شي انو امك مرتاااحه لها ..






=)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

الاخ الفاضل : في حالة اتخذت قرارك بناء على كسبك لادبها واخلاقها فلا تحدث نفسك بمسألة الشكل بعدها لانك ستبقى مترددا وستعش حياتك تشعر بامر ينقصك فما ذنبها المسكينة ان لا تملأ عينك ؟

اما ان وجدت نفسك لا يمكنك تجاهل مسألة الشكل الخارجي فانصحك ان لا تتقدم لها فهذا افضل لك ولها .

بعد الاستخارة والتفكير بتريث ، اتخذ قرارك مع تحمل تبعاته ، وفقك الله

أول شي ألف مبروك


ما شاء الله تبارك الله ، بنت اجتمع فيها الجمال والأدب كما تقول

توكل على الله ، واترك عنك الوساويس وهاللي راسمها في بالك يمكن ما تحصل لك على اية حال

الله يوفقك يارب ، ويجيب ذاك اليوم اللي اروح فيه واخطب مثلك

__________________
استغفر الله الذي لا إله إلا هو الحي القيوم وأتوب إليه