ساعدوني زوجة جاري تعاكسني وتتحرش بي(المستجدات بالرد45)
مشكلتي كبيره باختصرها قدر الإمكان
بدايه بوضح شي أنا متزوج من 3 سنوات من زوجه طيبه وحنونه وعلاقتنا الزوجيه أكثر من ممتازة
حب وعشق الله لا يغير علينا شرينا قبل شهر شقة جديدة تمليك
وجهزنا الأثاث وغرفة النوم وكل مستلزماتنا المنزليه وإنتهينا الحمد لله من كل شي
المشكله الحين الطابق اللي انا ساكنه فيه شقتين متقابلتين وحده لي والثانيه لجار الله يهديه
ما يجلس في بيته ساعه وحده
وعنده زوجه الله يصلحها ثاني يوم من سكنا جت تزور زوجتي وجلست تحقيق وكذب ونفاق
وتكلم بأعراض الناس وكل شي وتسب زوجها وأهله ما خلت أحد في حاله
والحمد لله زوجتي إنسانه واعيه وفاهمه وقدرت تتصرف معها وتوقفها عند حدها
قابلني جاري بعد أسبوع من سكنت وحلف علي يضيفني
وأنا بصراحه ما احب اتعرف على الجيران رفضت وقبل رفضي بكل ذوق
وطلب رقم جوالي عشان إذا إحتجنا شي من بعض نتصل
اليوم الثاني من قابلت هالجار جاني إتصال في الصباح بدري وأنا بالعمل
صوت بنت تتميع على طول قفلت في وجهها لأني ما أحب هالحركات وحرام
إتصلت 6 مرات ولا رديت ارسلت رسالة تبي تتعرف بدون ما ذكرت إسمها ولا رديت
انا من تزوجت ما عمري خنت زوجتي حتى بالنظر والله ننزل السوق عيني ما تناظر إلا هي
وعساني أموووووت مليون مره لو فكرت أخونها لحظه وحده
المهم أنا وزوجتي ما نخبي عن بعض ولا كلمه وحده صريحين لأبعد درجة من تزوجنا وهذا حالنا
إللي في قلبي لازم اقوله لها .
إتصلت البنت هذي اليوم هذاك يمكن 100 مره والرسائل حدث والا حرج بعضها سيء جدا
وأبغى أتعرف وعجبني صوتك ومن هالكلام البايخ ما رديت أبد بأي شي
بعد ثلاثه أيام من الإزعاج المتواصل
وللعلم جوالي دايم إذا دخلت البيت اضعه ع الصامت من زمان وأنا كذا
إذا كان أحد يحتاجني ضروري يتصل على البيت
بعد ثلاثه أيام وأنا طالع للعمل الساعه 8 فتحت باب شقتي
وألا الباب إللي قدامي يفتح وتطلع زوجة جاري ترمي كيس صغير عند الباب
وهي لبسها فااااااضح وفتحت الباب على الأخير وتبتسم
انا على طول غضيت البصر ونزلت بسرعه وعلى طوول جاني إتصال على جوالي
من رقم غريب ألو أنا فلانه جارتك إللي قبل شوي شفتني تعال أرجع بسرعه أبيك ولا حد يشوفك
نفس الصوت إللي كان يزعجني قبل ثلاثة أيام أعوذ بالله من الشيطان الرجيم
الدنيا لفت فيني وما أدري وش أسوي قفلت بوجهها وقفلت جوالي على طول
ورحت للدوام وأنا أتحسب عليها قهرتني ورفعت ضغطي مليووووون
فتحت جوالي على الظهر والله لقيت لها 73 إتصال و14 رسالة تترجى أستر عليها
وتقول أي وقت تحتاج شي دق علي الساعه 7 الصبح
أنا فاضيه ولوحدي تحت أمرك ومن هالكلام
لا تخافوووون علي إني أخون زوجتي الموت أرحم من تفكيري في هالشي
أنا خوفي الوحيد إنها تسوي لي مصيبة أو شي أو تتهمني بشي
طبعاً زوجتي مقاطعتها بعد زيارتها لها وما ترد عليها بعد التحقيق إللي سوته
أنا إنسان حالي حال نفسي وأحب زوجتي وأموووت فيها وما أسمح لأي أحد يفرق بيننا
بس وش أسوي الحين المزعجة ذي تتصل كل شوي
وودي أعلم زوجتي بكل شي ما احب أخبي عنها شي
بس خايف على زوجتي لأنها غيوووووووووووووووووووووووووووووووووره للجنووووووون
تكفون ساعدوني ولا تخلوني وش الحل مع الآدميه ذي
والله ما هي راضيه تخليني لحظة وآسف على هالكلام بس كم مره ترسل صور مخله للآداب
وتقول كلام مو محترم
آسف طول عليكم لكن ساعدوني وخلوني أتخلص من هالمشكله
التعديل الأخير تم بواسطة om abdlah ; 04-08-2011 الساعة 02:27 AM
02-08-2011, 05:43 PM
ضوابط المشاركة
العرض الشجري