ارغب في قطع علاقتي معهم ولكن متردده ..
السلام عليكم ورحمة الله وبركاته ..
عندي مشكله بسيطه وحبيت اخذ رايكم ..
تطلقت من فتره واسال الله ان يعوضني خيرا .. علاقتي بـ 2 من زوجات اخوان طليقي كويسه
من ايام زواجي .. والى الان يكلموني ويسلمون ..
ويقولون لي لا تنسينا واحنا مالنا ذنب ولا نبيك تقطعينا ولا نبي نقطعك ..
المشكله اني ودي اقطع علاقتي باي شئ له علاقه بطليقي واهله ولا ابغى اعرف اخبارهم ولا ابغاهم
يعرفون اخباري صفحه من حياتي وطويتها وانتهت ماضي وراح ..
خصوصا ان وحده منهم الله يهديها كل ماتكلمني تعيد نفس الموال عنه وعن اهله وتحب تنظر لي
نظرة شفقه- من عباراتها مثلا - الله يعينك بدنياك - وش مسويه بعده - كيف نفسيتك ( بكل مكالمه )
..مع اني مااشتكيت لها واكلمها وانا راضيه وواثقه فاتضايق من اسلوبها واحيانا اتعجب منها ..!..
رغم اني نبهتها بلباقه مانسولف عنهم ولا تذكرني فيهم واني بخير والحمدلله وطلعت بااقل اقل الخسائر
ومرتاحه ومبسوطه وراضيه وحياتي الان اجمل .. بس لاحياة لمن تنادي .. وهي بعمري ..
عكس الثانيه كبيره بالعمر ونادر تجيب طاريهم .. وراح تزورني قريب وكانت تقول لي لا تقطيعني بسبتهم
عرفتك عن طريقهم ولا لي ذنب بينهم ..
الحين نفسي اقطعهم مو كره فيهم لكن ماابغى شئ يذكرني فيه او في اهله الله يستر عليهم والله يستر علي
ولاابي اعرف اخبارهم خيرها شرها .. ونفسي شئ عني..
بنفس الوقت مااحب اكون قليلة اصل .. او اكون ماقدرت العشره ..
احيانا اقول بخليهم للزمن ... ايش افضل حل اسويه ..؟
وجزاكم الله خير
__________________
اللهم أجمعني مع أحبتي في الفردوس الأعلى من الجنة ،،
[IMG]http://im67.***********/mg87DX.gif[/IMG]
[img]http://im81.***********/aTanJF.gif[/img]
14-10-2011, 02:40 PM
ضوابط المشاركة
العرض الشجري