سلام عليكم،
راح أكتب كل الي مضايقني بلهجتي العامية،يمكن عل و عسى أحصل ع أجوبة إن شاء الله تفيدني.
متزوجة من سنة و نص تقريباً.مشكلتي اني بين فترة وال2 اسمع من زوجي ما يلي:"مو حاس بالحنان،ناقصني حنان".
حتى لدرجة ان إذا أجوف موضوع هني كاتبنه رجال يشكو نقص الحنان مع زوجته،أشك ف نفسي.
أحس روحي عوبة،على هبلة،على جاهلة رغم أني مو صغيرة"23 سنة"على مو عارفة شلون أكسب الرجال.إذا طلعنا و أجوف زوج و زوجة مجودين أيادي بعض،تطفر عيوني من السيارة،أحسه سعيد وياها،و ما أحس زوجي سعيد وياي.و إذا كان سعيد فهو مو مرتاح من كلّ النواحي.

صحيح بحكم دراستي صرت أغيب عنه واجد،بس الحين خلاص قايلة ببدي برنامج جديد ع أساس إني تخرجت الحمد لله.صحيح صارت بنا مشادات و خلافات واجد،بس كلها تستمر بسبب عصبيته،و بسبب عنادي أعترف.ساعات إذا قعد مع نفسي أحس إني غريبة،و أن مالي أحد في هالدنيا.علاقتي مع أهله أقرب إلى الرسمية.و يمكن هذا سبب مؤثر خصوصا أنه يهتم لراحة أهله،و يحبهم.بما انه تكلمت عن طاري أهله خلني أجيب لكم سالفة زاعجتني جداً موجودة ف بيتهم.

زوجة أخوه ما تغطي كامل شعرها و تتمكيج،و اني هني خلاص أغلي،أنقهر،أغاااار،ودي أصفعها.المشكلة أن ما يرضى أتكلم عن الناس عشان محد يتكلم عني.بس أني جد أحتاج أخبره أن ترا هذي الإنسانة باطة جبدي!ساعات من كثر ما أنا مقهورة منها،يمتد القهر والغضب على زوجي.ليش؟لأن أحسها عايشة حياتها طول بعرض،و أني؟ أني أشياء واجد مو قادرة أسويها رغم أنها في حدود الشرع و المعقول.أدري هي مو زوجته و ماله حق عليها،بس لما أقعد أطالع أقول ليش الزوجات يقدرون يعيشون مثل ما يبون،و أني لا؟ بغض النظر عن خطأ الي تسويه!
انزين المهم نرجع لأساس مشكلتنا. مشكلتي مو قادرة أتحكم في علاقتي بزوجي.يعني ما أعرف شنو المفروض أسوي عشان يحبني،وما يفكر في يوم من الأيام أنه اختياره غلط.الصراحة ما ابيه يحس أنه ناقصنه حنان،و هو عنده زوجة.أدري و عارفة أن الحين بجون أعضاء بيكتبون الحنان فطرة و طبيعة في المرة.يا ناس يا عالم أني طالعة من بيت بااارد،ما فيه أحضان،ما فيه تصيح قدام جماعة،ما في كلام معسول. أحس نفسي جداً عوبة،و على طول أفكر وش تسوي النسوان حق رجالهم؟أصلاً وش يبغي الرجال؟ أحس اسئلتي المفروض يجاوبون عليها الرجال أكثر. و شكراً جزيلاً -صدعت راسكم أدري.

حبيتك ياشيخة

يمكن نصيحتي ماتعجب البعض، بس شوفي مسلسل باب الحارة و قلدي حريمهم و طريقة كلامهم : )

تقلد حريم باب الحاره بالكلام
يعني مثلا تقول تؤبرني ابن عمي خخخخخخ مايصلح خصوصا لو انها خليجيه

8
8
8
دعابة
اهم شي لاتعاندينه كثير واذا حسيتي انه مره زودها ادمعي لك كم دمعه
ومن النواحي الثانيه
اذا راح غرفة النوم يبغى ينام لازم تلحقينة
وتلعبين بشعره بشوية حنية لين ينام مع انشوده حلوه بصوتك تراهم زي الاطفال بالضبط
اذا صحي من النوم قبلك اكيد بيتذكرك البارح وبيصحيك بأي طريقة له
اذا صحاك ابتسمي له وقولي له احبك
اما اذا صحيتي قبله وهذا المفروض صحيه بنفس طريقة التنويمه
مع كم كلمة حلوه
جهزي فطوركم ممكن اذا ماودك بالفطور تجلسين وراه او توقفين اذا جلستكم على كراسي
المهم انك تمسحين ظهره او تحكينه او تدبدبينه (اذا ماتعرفينها دوري غيري يشرحها لك خخخخخخخ)
معناها انك ممممم المهم تشتغلين بروس الاصابع على ظهره او الاظافر مع كم كلمة حلوه
اذا قام بيروح ودعيه بدعوه حلوه او كلمة حب او ابتسامه اما اذا كنتي بعيد وهو خارج تبوسين يدك وتنفخينها
ارجعي نامي وقبل يجي بساعه ونص من دوامه قومي زيني الغدا وظبطي شكلك ( مو لازم مكياج )
اذا فتح الباب استقبليه بأي طريقة لو بس تجين قدامه وتقولين له هلا مع ابتسامه او حضن بلهفة
من هنا لين يبدل ويغسل تكونين جهزتي الغدا على السفره
بعد الغدا برضو روحي معاه اذا يبغى ينام وقولي له من عند الباب تبغى شي حبيبي
اذا صحي دلعيه عشر دقايق او 15 دقيقه بنفس الطريقة اللي على الفطور
او تكون برجوله او بيدينه وعلى هالافعال مايحتاج اقولك كل كلمه تقولينها لو كنتي ساكته بينبسط
ولو تكلمتي بينبسط اكثر وخلي هذا نظامك او زيدي عليه
وصلى الله وبارك على رسوله
والله ييسر لك امورك

من بؤك لباب السما.

حبتش العافية.. على اني عوبة مثلا حبيتيني؟
المهم بالنسبة لنصيحتش: بلى أطالعها عشان هالسبب تصدقين؟أقلدهم بس ما أحس أقدر استمر لفترة طويلة نوع الا الطبع يغلب التطبع.يبغي لي خطط على طووول.يعني تجي وحدة تقول لي قعدي الصبح سوي ريوق لزوجش،ابتسمي ف وجهه،اتصلي فيه إذا وصل الشغل،سوي له الغذا،جهزي له الحمام في غيابه زوري اهله تطمني عليهم.زوجي من زمان حاس بعوابتي في كل حاقة صراحة.من الألف إلى الياء.بس شلون أغير الفكرة؟شلون أصير زوجة كويسة و في نفس الوقت يهتم لي هو،و يخليني أصير الي ابغيه؟

يعني السؤال الأكبر: شلون أعيش حياتي مثل ما ابغي،من غير ما أخسر زوجي؟ شلون أمارس شخصيتي من غير ما نحتاج للمعارك،و المشادات؟

على صوب: سيدة الموقف،تعالي هون.

انتي عسل،صح هذا الي ابغيه تماماً.
بس تعرفين أين المشكلة تقع؟ المشكلة أنه كلامه الي يدخل ضمن نطاق الحنان مو بس هذي الاشياء يقصد فيها،يقصد أني ما اعصيه له كلمة،و لا أخالفه، لا ازعله،و لا أطنقر،وأطور علاقتي مع أهله.
طيب دنا إنسانة في النهاية،لها رأي،لها رغبات،مو معقول بوافقه على شيء هو مقتنع فيه و أني مو مقتنعة فيه أبداً.و مو معقولة مابطنقر منه و بحسه بفتور لو أنه عصب علي.و مو معقولة بظل أجوف الناس ممشية حياتها مثل ما تبيه،و أني خالية من المشاعر لا مقارنة،و لا محاولة!

لحظة يمكن الحين ناس تجي تقرى ردودي تقول هذي مخربطة الأولي بالتالي. بحاول أضبط النقاط.
1-هو: يبغيني أطور علاقتي مع أهله.أنا: بحكم دراستي سابقاً،و بحكم شغله حالياً ما أقدر أتلاقى فيهم،و السبب ال2 لأن: فيه هناك زوجة اخوه ال ما تعجبني أبداً،و الي ترفع الضغط إذا أجوفها،و يصير وجهي مطنقر على الوضع فيبين أني مطنقرة على الكل.
2-هو: يبغيني أصير عفوية.أنا: إنسانة عوبة جداً و أحس أحتاج كورسات عشان أصير عفوية.يمكن أصير عفوية إذا ناس تعرفت عليهم وتوطدت العلاقة جداً،اما جي من البداية ما أقدر"باختصار أعاني".يعني الانطباع الي اتركه عند الأوادم غالباً غلط في غلط.
3-هو: يبغيني أترك التطنقر،و النكد.أنا:إذا هو عصب ما اقدر تجيني حومة و ما أعرف أتصرف على طبيعتي.

4-هو:يبغيني ما أعصبه.أنا:ساعات ما أقصد أعصبه،بس الموقف يتطلب رايي،قناعاتي.و تصير المشاداة أن أني دايماً أرادده،و مو عاطتنه اهميته.
5-هو: يبغيني أصير حنونة.أنا: ما أعرف أصير جي مو ما ابغي،صدق ما أعرف!
6-هو: ما يبغيني أشتغل.أنا: أبغي أشتغل يعني مو محددة متى،بس على الاقل يعطيني الاشارة الخضرا.

7-هو:يبغيني أصير اجتماعية في حضرته أو في غير حضرته.أنا: في غير حضرته أقدر،أما في حضرته ما أعرف،أحس نفسي مقيدة،مراقبة،و السبب: لأنه انتقدني،و خبرني أكثر من مرة أن طريقتي في الكلام لازم تكون منطقية وموزونة و أشياء أحسها تناقض التلقائية.
8-هو:يبغيني أصير قنوعة.أنا:مو مسرفة،و هو بعد مو بخيل. بس أني حتى لو مجرد أحلم،و أتخيل أحسه يتضايق!

9-هو:يبغيني أصير بشوشة،و شرحة ع طووول.أنا:إذا متضايقة من شيء ما أقدر أنافق.
10-هو:يبغيني ألبس دفة راس.أنا:ما أبغي ألبسها.

طيب نفذي اللي يبغاه بنسبة 85% او 70%
والباقي خليها شخصيتك الطنقوريه

ولاتنسين حديث الرسول علية الصلاة والسلام
((تزوجوا الودود الولود فإني مكاثر بكم الأمم يوم القيامة))

بجاوبك على النقاط الأخيره..
* علاقتك مع اهله ..
حسب كلامك أنك تخرجتي.. والف مبروك التخرج ..
وبالنسبه لدوام زوجك أكيد راح يكون عندة أجازه الاسبوع الخميس والجمعه
نظمي وقتك لزيارتهم خلال هاليومين ..
أسبوع زياره لهم وتكون يدك مليانه ..فطائر ..صينية حلا ..
عاملي والديه كا معاملتك لوالديكي ..
وأسبوع أدعيهم لزيارتك في منزلك وأكرميهم ..
لاتلتفتي لزوجة اخيه وكأنها غير موجوده ..عامليها فقط بالحسنى ..
..
بالنسلبه لصفاتك ..
شي طيب أعترافك بصفاتك الغير مقبوله
وأهتمامك لتغيير للأفضل ..وهذه بادره جيده ..
العوابه .. والعناد أقبح صفه في المرأه
وأنتي بالـتأكيد لا تودين أن تكوني هكذا ..
اذا عليكي بترويــــض نفسك ..
تغلبي عليها ..بكتمان غيضك ..والتحلي بصفة الحلم ..
دعي الأبتسامه تغلب على محياك ..
سواء مع اشخاص جدد او قدامى ..
وأنتي الذي بيدك أعطائهم أجمل أنطباع أو العكس ..
..
اذا عصب زوجك ألتزمــي الصمت ..
حتى لاتتلفضي بألفاظ تندمـي عليها
سيكون لكي فرصه بعد هدوءه بالتحدث معه
ولكن بعتاب راقـي ..دون رفع الصوت ..
..
مسألة شغلك ..
تحاوري معه بحاجتك للوضيفه
لتزاولي تخصصك الذي تعبتي لأجله
واذا عاهدتيه بصدق بأنك ستوفقي بين منزلك وعملك ..
..
البنت الأجتماعيه محبوبه عند الجميع
واذا غابت عن اجتماع لهم فقدوها وسألوا عن سبب غيابها
ام البنت الغير اجتماعيه
فوجودها وغيابها لأيؤثر ولا تفقد ولا يسأل عنها ..
فأيهم الأفضل بنظرك ؟؟
وبالطبع لازم حضورك يكون متوازن بين الثقل وبين خفة الروح ..
لاتهملين بينهم ..وهكذا تكونين موزونـه في حضورك ..
ودعي هذا الأسلوب بحضوره وغيابه
أن أتى زوجك ألغي مسألة مراقبته وركزي على أفعالك ..
..
وتذكري ..
أن القنـاعه كنز لايفنى
نعم في الخيال لاحدود لأحلامنا
لكن احترمي وجهة نظره ..
..
أعلم أنه لايمكن ان تكوني منافقه
لكن هذا زوجــك من حقه رؤية وجهك ولو بأبتسامه خفيفه
وبعد ذلك سيقدر مايضايقك
لكـن أحرصـي كل الحرص أن لاتكـوني عابسه بوجهه ..
..
فالأبتسـامه تريحه كما تريحك أبتسامته ..
..
عذرا ..
لم أفهم عبارة دفة الرأس !!!!
..
وفقتي غاليتي بأجمل الصفات ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’