السلام عليكم
اكتشفت بالصدفة ان زوجي يكلم بنات بالجوال والوتس اب*
هو كشف نفسه ولا قبل ما اشك فيه ولا واحد بالميه وواثقه فيه جداً
بس مرا متحمس ع الوتس اب وجالس يكتب وجلست جنبه وتوتر وقام من المكان وسكر جواله يعني هو فضح نفسه
بعدها بكم يوم جيت بأخذ جواله لقيته حاط رقم سري قلتله من متى قال من يومين عشان الصغيرة ماتدق ع احد بالغلط لان بنتي دايم تلعب بجواله
زادت شكوكي وقلت لازم اعرف رمز القفل وسألته وقال لا بمزح وضغط عليه ورافض هنا تأكدت*
بديت اراقبه كل ما جاء يفتح الجوال وأخيرا لقطته الرقم وعرفته*
وبعد مانام فتحت جواله وعلى طول ع الوتس اب وكانت الصدمه
يكلم بنات متزوجات ومو متزوجات وأوقات عمله من الساعه7 الحد الساعه3 يجلس يكلم بنات*
طبعا الأغلب علاقته فيهن موقويه
بس وحده شكلها بنت17 سنه لانه قريت انها تدرس ثانوي
هي اللي مره فاضيتله وترسله صورها وهو منهبل عليها طبعا ما شفت الصور لانه ماسحها لانه من خلال المحادثة عرفت انه مرسلتله اكثر من صوره
من يوم شاف صورها وهو بس انتقاد الشكلي ليش شكلك كذا ليش طالعه حبه بوجهك ليش وليش وليش
مع انه بشهادة الجميع جميله بس هو ما يعجبه العجب
اهتم بنفسي افاجئه دايم بلوك جديد بس مايعلق يقول حلووو ويطلع ينام يقهرني أسلوبه*
أناني ومايجلس بالبيت وخاين
أنا فكرت كل البنات اللي عنده ابلغ عنهن الهيئه وهو معهم بعد عشان يتوب
وهو مايدري أني عارفه
حتى من الوقاحة مسجل اسماء البنات عنده بالجوال
ساره وعهد ومدري مين
أنا أخذت ارقامهن كلهن
عهد متزوجه*
وساره ماتزوجت*
ووحده ثانيه حاطلها لقب ع ف ماتزوجت*
لو واجهته راح نتهاوش وتكبر المشكله وتصير مشاكل ومالي خلق أضيق خلقي فوق ماهو ضايق*
وش رأيكم اسوي اللي برأسي ولا اواجهه
والله يشهد علي ما قصرت معه البيت نظيف ودايم مهتمه بنفسي وبناتي يهبلن بس مدري وش اللي خلاه يلعب بذيله أنا منطقه بين اربع طوف وهو حضرته *يغازل واللي يقهر كنت أدق عليه 8بعد العشاء ومشغول وأدق ومشغول ورد أخيرا وقلتله ابي أغراض ورفض وقال مشغول*
يوم فتشت جواله بالليل وهو نايم كانت المكالمات ع ساره ساعه 54 دقيقه الساعه8 ثم أنا دقيت عليه 3 دقايق ثم كمل مع ساره43 دقيقه ورجع للبيت وكمل معه ع الوتس اب*
يوم شفته جلست ابكي من قهري منه طلعت دموعي غصب*
ابي اعرف ليش يسوي كذا يكرهني او مل مني وش السبب*