مرحبا للجميع ..

أكيد الكل يذكر حكايتي مع المريضة المسنة و زعل زوجي
و نصائحكم لي بزيارتها ...
و لما طلبت من زوجي رفض رفضا قاطع و قال كلام كثييير
ما له داعي اذكره ...
المهم اليوم رحت لخالي بعد خروجه من المشفى و ما شاء الله
حالته بتحسن كبير و خلص العلاج الكميائي و ما بقي
الا شوية فحوصات و مراجعات روتينيه ...
قلت لزوجي شفت انه بخير و ما فيه الا العافية ..
طالعني نظرة شك ..! فقلت له لا تفسر كلامي عاد ..و بلاش مواعظ
تري ما قصد شي ..
قال و الله ما دري عنك .. فقلت له أني إنسانه محترمة و طيبة جدا جدا
لكن عفوية و اذا يتأكد يوديني الحرمة المريضة اللي صار بينا سوء تفاهم ..
تفاجات صراحة انه و افق ...!!!
كنت بقول تكفي قول لا ... لكن ما يمديني أتراجع ...

جلست أتأخر شوي و امر على المحلات مو لاااازم أخذ عربون صلح
و حسيت ان زوجي بدات تفلت اعصابه ..فتداركت الوضع
وقلت له حبيبي خذلها حاجة على ذوقك ...
و اندمج بالموضوع و تأخر يادوب طلع من المحل لما قلت له يا طيب الزيارة
بتخلص و إحنا ما وصلنا ...
بس طلع مو هين .. ذووووق تحفة ..
باقة ورد نااااعمة و شوكلت مرتب بطريقة راااقية ..
وانا اللي كنت اظنه ما يعرف ..! ياخي بما انك فاهم
ليش حارمني من الهدايا الرومانسية كذا ...؟!!
فاسريتها بنفسي للمصلحة العامة ...

المهم رحنا و للأسف ان المريضة طلعت المشفي لها مدة ..
يعني ما عاد نقدر نشوفها ...
تضايقت صراحة و حسيت بالم ...! لكن سويت اللي علي ..
و قابلت نرجس صديقتي عاملة نظافة كانت تونسني و أنا
بالمشفي و تخدمني باخلاص .. طبعا بمقابل مو مجانا
فقلت لزوجي خلني أعطيها الهدية ...
لكن لزوجي نظرة اخري ...
و خلانا نزور مريضة اخري مسنة بعد لكنها تتكلم ..
فرحبت فينا و سولف زوجي معها شوي ،، و أعطاها الهدية
و دعت له و لي و حكت لزوجي ما ساتها مع بنتها ..
صراحة امر موجع ...!! ما دري اي سبب يقسي قلب الابن
على امه ...!!! و ايش الشغل اللي يمنعها من زيارة أمها ..

و خلصت رحلتنا و تصالحنا لان نفسية زوجي تحسنت
بعد الزيارة ... و انبسط كثييييير ...
و حس انه قام بعمل بطولي ...!!
و اول مرة يتكلم معي بانشراح بعد الموقف اللي صار


و اشكر الجميع لنصايحكم السابقة ...

ماشاء الله عليك عزيزتي شوووووجي

أبدا أبدا أبدا ما تخيلت انك راح تبادري بالموقف هذا ..
و أنا أتراجع عن حكمي السابق و اقول لك انه لك قلب بالفعل ..

لكن القلب هذا بحاااااااااجة الى شخص مثل زوجك عشان يخليه
ينبض من جديد ..

زوجك ماشا الله تبارك الله، باين انه جدا حنون و عطوف ..
ربي يخليكم لبعض ..

شفتي كيف يوم جلستوا مع الحرمة هذه و حكت لكم عن بنتها،
كيف قلبك بدات تتحرك مشاعر العطف اللي بداخله ؟

ليت تتفقي مع زوجك، تعملوا نفس الشي بكل شهر مرة وحدة ..

انا من زمان عندي قلب و رقيق بعد قبل ما عرف زوجي ..
بس الكل ظالمني
لكن صعب كل شهر لأن صراحة ما احب اسمع كلام و حكايا حزينة ..
و سعيدة انك غيرتي فكرتك عني ..

روح حبيبتي اسمحيلي أدخل عرض بينكم
شوجي يا حلوه .. ما دام زوجك يتجاوب ويحب هذي الأمور فاقترح عليكي تلقي نظرة على مواضيع العضوة حبيبتنا لمني بشوق ... عندها افكار حلوة للأعمال الخيرية .. حلوة ومو شرط تكون فيها ضيق ونكد .. مثل زيارة دور أيتام وتاخذي كم لعبة أو توزيع جاكيتات أو لحف لعمال النظافة .. أشياء تريح النفسية وما تسمعي قصص
وعحبني اخر موضوع لما اخذت لزوجها كرسي وعصير وكيس حب للطيور وراحوا مكان تتجمع فيه الطيور . يعني اعمال خيرية للطيور

يا بختها اللي زوجها يحس بهالأمور ويقدرها .

__________________

حياك الله بيتا ، خذى راحتك وادخلي عرض طول اللي يريحك ...
زوجي ياخاله على حسب مزاجه ، صحيح احياناً يغلب عليه العمل الخيري
لكن مو دائم صراحة .. وهو يميل لناس اصحاب المآسي ..
و على الحيوانات أنا كنت احط باقي الاكل من اللحوم للقطط بحوش البيت
و تتجمع عليها اعداد كبيره فزوجي عارض و قال كل البسس اللي بالحي
دخلتيها بيتنا ...

ههههههههههه أتخيل المنظر بوسط حوشكم بصراحة معاه حق ...

فرق حبيبتي بين ما تكوني بوسط مكان عام مثل حديقة وجالس على كرسي مع كاسة عصير ورتمي حب نظيف لطيور حلوة مزقزقة وملونة وبين القطاوة وأنيابها ووسخها ووبرها واللحم الزفر وبوسط البيت

معك حق .. في ناس تحب القصص المأساوية .. ما ادري كيف تستمتع فيها

__________________

اسال الله ان يتقبل عملك ويغفر ذنبك
والحمدلله انكم تصالحتم وان شاء الله كسبتي اجر زيارة المريضه بالنيه
موفقه ان شاء الله

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]

جزاك الله خير .
و لك بالمثل ان شاء الله ..

ماشاء الله عليكم
الله يتقبل منكم هالعمل الطيب والبادرة الخيرة
الله لا يحرمكم من الاجر..
اتمنى تداموا على عمل الخير

ولمحت انك ذكرتي تحسن نفسيه زوجك بعد الزيارة
سبحان الله اختي دائما بعد فعل اي فعل خير او التصدق
يشعر الانسان بطمانينه وراحه بال..

الله يديم الخير وفعل الخير ويكثر اصحاب الخير

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

جزاك الله خير ..
وفعلا نفسيته تحسنت بشكل كبير جدا
و انعكس علينا كلنا الحمدلله ..