السلام عليكم ورحمة الله وبركاته .,~

راح اطرح مشكلة ليست لي بل لصديقتي ..

نبذه بسيطة عن حياتهم العامة .

(( ممكلين منذ فترة بسيطه تقريباً , يحبها كما تقول وهي ايضاً احبته , قال لها انا اكره الكذب وراح اكون معاكي صريح ومعاملتي لكِ بكل شفافيه صادقه وحياتهم حلووة ولله الحمد ))

جائتني بالامس تشكي لي وهي مخنوووقه ومضاايقه وسألتها عن السبب .!!

تقول انها خلصت من محاضراتها و خرجت من الجامعه معاه وركبت بجانبه بالسياره وبالعاده كل شخص يحكي عن يومه وعن اي شي بخاطره يعني عادي مثل اي مخطوبين يحبو بعض ..

وهيا عندها فضول وماتعتبر انو في شي خاص بينهم حتى يخبوه عن بعض .,~ كذا ببالها
شافت محظته المحفظة حقت الفلوس والبطايق المهمه وكدا .

ومسكتها بيدها تبغا تفتحها مو قصدها تفتش او تشك فيه لاااا مرررا بالعكس من باب انو مافي حواجز بينهم يعني ..

الا أول ما حطت يدها عليها مسكها من يدها على طووول وقالها لا معليش دي محظتي
قالت له طيب ايش فيها ياقلبي عادي

قالها لالا فيها حاجات خاصه بس اشيل الحاجات الخاصه واوريكي هيا .,~
طبعاً شالها ولا عاد اعطاها هيا تاني ولا حتى اعتذر لها على الموقف .,

وواضح انها كانت زعلانه منه بس سكرت على الموضوع وقالتله خلاص رجعني بيتي عشان اهلي ينتظروني ع الغدا وزي كذا ..

وبعدها اتصل عليها وعااادي ما كأنه صار شي , وهو قلبها مليان من الحركه حقته
حاولت تبين انها متضايقه بس الظاهر انه مو حابب يفتح الموضوع تاني مره

حتى قالت له انا شوية مضايقه قالها من ايش؟؟ ايش تحسي ووو
قالت له لا ولا شيئ فجأه كدا اتضايقت من غير سبب ..

وبس مررت الهرجه وهي للآن زعلانه بس ما بتبين .

قلت لها ليش زعلتي عشان انحرجتي ولا عشان شاكه فيه ولا ايش الضبط
قالت لي يا زهرة (( انا ما اتوقعت منه دي الحركه حبيت اننا نكون لبعض زي الكتاب المفتوح ليش خصوصية وحاجات خاصه ومش عارفه ايه وهو يحبني وانا صراحه شكيت انو في حاجه متعلقه ببنات عشان كدا ما يباني اشوف ايش فيه وسكر ع الهرجه نهائياً )) .

وبس دي الحكايه كلها وماحبيت اشوف صديقتي زعلانه وخاطرها مجروح ..

وان شاءلله القى عندكم الرأي السديد
دمتم بود : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

تفتش محفظتو وتزعل منو كمـآن ؟!
أوكي مايكون بينهم حواجز حلو
بس مو كدا تشوف اغراضو
هيا نفسها ماراح ترضى لو احد عمل معاها كدا

يآزهرة حاول توضحي لهآ إن خصوصيات الأشخاص مو من حق احد يطلع عليها بدون اذن اصحـآبها
مهمآ يكونوا هؤلاء الأشخاص زوج اخ اخت ...)

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

هلا قلبي

قالت لي " والله لو طلب مني يشوف اغراضي راح اعطيه وانا مغمضه ماراح اعمل زي ماعمل خطيبي"
وشكرا ياعسل على المرور ورأيك الحلوو

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

لتحسن الظن فيه
لربما هناك اشياء خاصة فيها متعلقة بحياته يعني مو مشرط تكون اشياء متعلقة ببنات
لابد ان تكون هناك خصوصية لكل طرف حتى لو كانوا متزوجين تجنباً للمشكلات واحترام للآخر
هي يبدو انها مو من باب ان نكون كتاب مفتوح وانما من باب الفضول والاطلاع على حياة هذا الخطيب وتفاصيلها والله اعلم
عشان كذا هي شكت وزعلت
انا ارى كل شخص في هذه الدنيا له خصوصيات لابد ن يحترمها الآخرون اياً كانوا


تحياتي

__________________
باااركوا لي :14:
حققت حلمي وامنيتي بفضل من الله ومنة فالحمد له حمداً يليق بجلال وجهه وعظيم سلطانه
اللهم لاتكلني الى نفسي طرفة عين فأعجز ولا الى احد من خلقك فأضيع

تسلمي ياقلبي

ردودكم عين العقل ماشاءلله .,~ ويارب صاحبتي هي وراسها اليابس تقتنع .,~
دمتم بود : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

شوفي يا غالية طالما انتي صديقتها فهميها
لا تقيس على نفسها وتفرض على الناس يكونون زيها
يعني هي اذا اوكي عندها يشوف اغراضها الخاصة
هو مو اوكي عنده .. تحترم قناعته .. لا تتوقع منه يكون زيها

واضح ؟

موفقة إن شاء الله

__________________



احيانا يجب ان نفقد ذواتنا كاملة لكي نستعيدها كاملة ...

ياعسل مشكورة على ردك والمرور .,~
وبحاول افهمها آآكييد ..

بس هي تقوول ايش الشي يللي بيخبيه عني بالمحفظه !
يعني لو جوال نقول معليش مانشوف لكن محظه ايش بيكون فيها غير فلوس وبطاقه الهوية والصراف وحاجات عاديه فين الشي الخاص !!

وشكراً على المرور : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

ياليت أخواننا الرجال يتفضلو ويعطونا برأيهم .,~

جوزيتم خير الجزآآء : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

يا حلوتنا قولي لها المسالة مسالة خصوصية
مسالة انها ما تلمس شي يخصه سواء محفظة او غيرها

ترى في امور اذا دقق فيها الانسان ماتجيب له
الا وجع القلب .. فليه الاصرار ؟

__________________



احيانا يجب ان نفقد ذواتنا كاملة لكي نستعيدها كاملة ...

بالنسبة لي انا ..
فمشكلتي الكبري هي عملي ..
ليس لدي اي علاقات نسائية اخشاها .. لا قبل الارتباط و لا بعده .. بل انأي بنفسي تماما عن هذه القاذورات
و لكن عملي عندي شيء مقدس .. و لتكمل السيطرة علي فربما تؤذيني في عملي ان كانت ثرية .. حتي اعتمد عليها و تكمل سيطرتها علي ..
فإن كانت خطيبتي امينة و تأكدت تماما من امانتها .. فليس لدي مانع ان تفتش في اي شيء .. و ان كنت لا افضل ذلك لسبب بسيط .. و هو انني لا احب ان اعطي معلومات بدون ضرورة لذلك