السلام عليكم ورحمة الله وبركاته

.............حبيت آخد رأيكم فى موضوع مضايقنى علشان استفاد بنصائحكم..........

هى الحمد لله مش مشكلة كبيرة بس فى فترات بكون مضايقة منها اوى..........

......هى حماتى الحمد لله طيبة .....
ومش اجتماعية خالص ..........انا ساكنة فوق بيت حمايا وحماتى

هى عايشة دلوقتى مع اولادها شابين بيشتغلو وحمايا

بنتها ساكنة جمبى.........

المشكلة بقى انها بتيجى عندى كتير اوى...........يعنى كل يوم مرتين ......قبل المغرب حوالى ساعة ونصف وبلليل بتيجى حوالى ساعتين ( ممكن اكتر او اقل )

هى بتيجى دايما بحجة اولادى الصغيرين......هى بصراحة بتيجى تشيل ابنى الصغير وانا بقى ممكن اعمل اى حاجة ورايا فالبيت.......

بس المشكلة انها بتيجى كل يوم كل يوم ومرتين وكام ساعة........
وطبعا بتدخل اى مكان فالبيت عادى........وغرفة النوم احيانا..........ومرة دخلت غرفة نومى علشان فيها شباك على الشارع فكانت داخلة تبص منه تستنى ابنى التانى كان جاى من المدرسة وانا اتضايقت اوى

لان غرفة النوم بالذات ممكن يكون فيها حاجات محبش ان حد يشوفها او السرير مبهدل او لاى سبب

قلتلها تعالى فى غرفة المعيشة.......قالتلى طيب بس لما ابنى ييجى وفضلت قاعدة.......هى من طيابتها تقريبا مش فاهمة ان كدة غلط.........على نياتها يعنى.......الامور بالنسبالها عادى


فالاول كنت برحب بيها وبقعد اتكلم معاها...........لكن بعد كدة مابقيتش ارحب بيها خالص ولا اقعد معاها غالبا ......هى بتقعد مع ابنى وانا بعمل اى حاجة ورايا فالشقة.........وهى تقريبا مش فاهمة الترحيب او لا........

المهم انى فالآخر حسيت انى مخنوقة ومش واخدة راحتى فبيتى..........مش عارفة اقعد براحتى او البس براحتى..........والكلام دة طبعا يوميااااااا

هى احيانا بتصعب عليا........بقول هى ست كبيرة وزهقانة تحت وبتطلع تتسلى.........لكن كل يوم ومرتين وكام ساعة؟

والمشكلة ان بنتها جمبى وشقتها صغيرة.........احيانا يكون زوجها مش موجود وبرضو تجيلى انا.......تجيب ابن بنتها الصغير وتيجى تقعد عندى مع ابنى وابن بنتها

طيب ماعندهم المكان واسع تحت........ما لو عايزة تاخد ابنى وتنزل تحت......

المهم انا قلت فنفسى علشان انا حيرانة.........يعنى محتارة انها صعبانة عليا وفنفس الوقت حاسة انى مخنوقة ومش واخدة راحتى فبيتى ........بفكر ان كل واحد يعمل فحد حاجة بتتردلو......يعنى اللى هعملو فيها ........مراة ابنى بعد كدة يمكن تعملو فيا برضو.......فخايفة من كدة

انا قلت فنفسى هى تيجى مرة عادى.........والمرة التانية احاول اتهرب منها........اية رأيكم فالحل دة.........كدة بقى هيتردلى حاجة وحشة.........واللا اعمل اية

بس بجد حسيت انى مخنوقة لدرجة انى مابقيتش احب اتكلم معاها خالص

انا بقول مرة واحد واحاول ارحب بيها واسليها احسن من مرتين ما ابقاش طايقة القاعدة فيهم

اية رأيكم..........انا واثقة فرأيكم ان شاء الله

اتمنى تردوا عليا بسرعة

وآسفة على الاطالة وعدم الترتيب......

وجزاكم الله كل خير
والسلام عليكم ورحمة الله

__________________
الله معى .. الله ناظرى .. الله شاهد على ..

مسكينة , حسيتها حاسة بوحدة و تبغى تتسلى معاك , لأنك الست الوحيدة اللي في البيت
وولدها محرم لها يعني بتاخذ راحتها في بيت ابنها

ست كبيرة ووحدانية
و الحمد لله ,ما تشغلك عن عمل البيت و بالعكككس دي بتساعدك
أنا رأيي تحمليها و ابحثي عن أشياء مشتركة تتحدثي معاها
أبدا لالا تتحاشيها مرة,,مش لهالدرجة ما راح تحس
انا رأيي انها تركب لك مرررة و انتي انزلي مرة اجلسي معاها,,سليها
اسأليها عن أيام زمان
و منها ابنك يجلس مع أعمامه و ينبسط

..
تحمليها ..و أجرك على الله

__________________

ماراح ازيد على كلام مس داني شي

الا ان ممكن قبل جيتها بنص ساعه تنزلين لها انتي واطفالك كل يوم او زوجك ينزلهم لها

لان يعتبر البيت واحد عشان كذا هي بتجيك على طول تتونس مع اطفالك
وماشاء الله تبارك الله فعلا هي بتساعدك تخلصين شغل بيتك
وهي بتكون مع الاطفال

الله يطرح الموده بينكم بزيااااده
وجزاك الله خير

أحتسبي الأجر عند الله
وأنظري للجانب الإيجابي لوجودها معك ومحبتها لأولادك وأعقدي مقارنة بينها وبين الحموات العدوانيات
إلي بيخربو بيوت أولادهم وحتى أحفادها ماتحبهم ولاتسأل عنهم أنتِ ماشاء الله حماتك طيبة وتحبك وتحب بيتك وجلستك أكثر من بنتها وتحب أولادك

وبسألك ياقلبي
لو إلي تحتك أمك وهي إلي تجي وتجلس معك كل هالوقت هل راح تتضايقي..؟!!
طبعاً لا لأنها ست الحبايب لذلك أنا عاوزه منك تتعاملي مع حماتك بنفس هالشعور كأنها أمك تمام
وماليه عليك البيت ومونستك

أنت بس مشكلتك نفسك تلبسي على راحتك وتتشيك لزوجك
ألبسي الأشياء المعقولة أمامها واللبس إلي مشخلع دا ألبسيه لما تطلع من عندك

وصدقيني لو هي مرتاحه تحت ومش حاسه بالوحدة ما فكرت تطلع تجلس معاك
وبيت بنتها مش زي بيت ابنها لأنها عندكم مأخذه راحتها ومافي رجال غريب


وبالنسبة لغرفة النووم صدقيني هي طيبة وعلى نياتها مش هتأخذ بالها إذا هي مرتبة وإلا لا
بس أنت قبل تيجي نظمي الغرفة على السريع

وصدقيني راح تلاقي بركة تعاملك الطيب معها في أولادك وزوجك وراح تكسبي حاجات كثيرة
أولاً رضا الله عنك
ثانياً راحة الضمير لأنك لو ضايقتيها أو حاولتي تلمحي لها بإلي في بالك صدقيني بيتعب ضميرك خالص
ومش حتحسي بالرآحة وراح تضلي طول الوقت تقولي لنفسك ياليتني مالمحت لها أو زعلتها
ثالثاً البركة في الأولاد والرزق
رابعاً رضى زوجك وزيادة محبتك في قلبه لمراعاتك أمه
خامساً حب حماتك لك وتكوني بالمرة كسبتِ أم تانيه بحياتك

جزاكى الله كل خير على ردك..........المشكلة انى عندى طفلين ورا بعض.....زفيومى مش منظم.........وبكون مشغولة غالبا ........... فصعب افضى نفسى انزل قبل ما هى تطلع.

هى فى فترة من الفترات مع ابنى الاول وهو صغير كانت بتاخدة كل يوم....... و كنت مرتاحة اوى........وهو كان بيحب ينزل كمان

لكن بعد كدة بقت هى اللى تطلع علطول وهو كمان مابقاش يحب ينزل......شكرا على كلامك صبرنى شوية

__________________
الله معى .. الله ناظرى .. الله شاهد على ..

جزاكى الله كل خير
انا رديت على مسالة النزول فى المشاركة السابقة.........معلش نسيت انه انتى اللى كاتبالى كدة

لما بكون مشغولة فشغل البيت بيقى كويس انها هنا.........لكن لما بكون قاعدة اتفرج على التلفاز او تعبانة وعايزة اقعد مستريحة على الكنبة او السرير........بحس بقى انى مقيدة ومش واخدة راحتى.

يعنى مرة كان ابنى مغلبنى عالآآآآآآآ خر وماكنتش عارفة انام منه بقالى ايام
المهم طلعت وانا كنت نايمة وابنى صحى وانا تعبانة........فلما فتحت قلتلها عايزة حاجة يا طنط علشان احنا نايمين .....فشافت ابنى الصغير قالتلى طب وهو......قلتلها سايباه كدة او هحاول انيمو علشان تعبانة...قالتلى خلاص خلية معايا......
قلتلها يعنى هتخدية واللا انيمو
قالتلى هينام؟......قلتلها ممكن علشان انا تعبانة........المهم كانت جايبالو اكل تأكلو قالتلى طب ياكل.....قلتلها ماشى.......المهم عزمت علية بالاكل وقعدت خلاص........زوجى كان موجود.......قلتلها زوجى موجود وانا داخلة انام.......دخلت معرفتش انام وقمت.........طبعا مش هعرف انام براحتى وانا حاسة ان فى حد فالشقة كدة.....
ما علينا........آسفة انى طولت عليكى..........بس اهو الواحد بيفضفض ويقول اللى جواة لعلة يجد نصيحة مفيدة
وشكرا

__________________
الله معى .. الله ناظرى .. الله شاهد على ..

انا كنت عمالة المحلها يعنى.........كان نفسى تاخد ابنى وتنزل علشان اعرف انام

__________________
الله معى .. الله ناظرى .. الله شاهد على ..

هو فعلا صعب بس احتسبي الاجر عند ربنا و اذا هي مش من النوع اللي بينتقد و يغار معليش استحملي شوية

و حاولي تاخدي راحتك معاها و حاولي مثلا في الوقت الليل انك تنزلي انتي و تقعدي معاها انتي و زوجك و ابنك سلوها شويا

جزاكى الله كل خير على ردك الجميل

بالنسبة لبيت بنتها..........انا من رايى ان طول مازوجها موجود ماتروحش عندها ماشى.........لكن لما يكون مش موجود مش هى اولى برضو.......

انا مش معترضة انها تطلع..........بس مثلا لما يكون زوج بنتها مش موجود يبقى عندها اولى......وهى فعلا بتروحلها احيانا بس بستغرب لما يكون مش موجود وتيجى برضو.......

يعنى مثلا لما اكون انا مشغولة بتبقى معاها ابنى وقاعدة معاه فالاوضة لوحدهم.......يعنى القعدة دى ماتنفعش تحت شوية بقى.....

يعنى رايى انها تطلع مرة واحدة كل يوم ماشى.........لكن حاسة ان مرتين كتير

فى فبالى حاجة عايزة احكيلكم عليها علشان تصوبولى تفكيرى اللى احيانا الشيطان ممكن يجيبهولى.

هى مامتها عايشة لكن هى كانت بتحكيلى ان فى مشاكل ومش بتكلمهم.........
وقالتلى انها مش بتكلمهم علشان مامتها كانت بتدخل فى حياتها هى وحمايا ......وقالتلها ماتدخلش وبرضو هى بتقول انها كانت بتدخل فمبقتش تكلمها تقريبا........

ودة كلام فالتليفون..........فانا احيانا بييجى فبالى..........انها ماحبتش حد يدخل فحياتها ولو من خلال التليفون
اومال انا بقى اللى هى عايشة جوا حياتى كدة !!!

عارفة ان التفكير بالطريقة دى غلط........بس لما بكون متضايقة بييجى فبالى احيانا كدة

والوقت اللى ببقى متضايقة اوى من وجودها فيه ...........بيكون بالذات لما بكون زعلانة من زوجى....او متضايقة ..... مش ببقى حابة اقعد مع حد وقتها..........

ووجزاكى الله كل خير على ردك الجميل والمفيد .......وجزاكى الله خيرا علشان تعبتى نفسك فالرد الطويل دة

والسلام عليكم ورحمة الله

__________________
الله معى .. الله ناظرى .. الله شاهد على ..

بسم الله الرحمن الرحيم
السلام عليكم ورحمة الله وبركاته

بالنسبة لي هذه ام زوجك فيها خير كثير و الله حبيها كما تحبك و تسأل عن أولادك و الله شيء جميل، الله يدوم المحبـة.