السلام عليكم ورحمة الله وبركاته
أخباركم كيفكم
انا جايتكم وأبي رايكم تكفون عطوني افكار او حلول
بحكي لكم كذا شي وانتم عطوني الحل في اللي فهمتوه

اولاً انا خطيبي كان يقولي بخليك تسكنين قريب يم اهلك انا والله ماقد حكيت له ابي اسكن من نفس حي اهلي اوشي من كذا ماكنت ابي اضغط ع ولد الناس وانا احبه واصلا خلاص صار زوجي يعني اكون معه في اي مكان انا كنت متوقعه ابسكن في نفس حي اهله
جا قال لا بسكنك عند اهلي انا مرررره انبسطت وحكيت لاهلي وطلب ندور له وجبت له أرقام
وفالاخير اتصل قال وش رأيك اسكن قريب يم دوامي انا سكت قلت سو اللي يريحك طبعا تضايقت
بس مابينت له هالشي بس ليه يغير رأيه ليه يقولي الشي ويسحب بعد ماطلبت من اهلي يدورون لنا سكت وماحكيت شي

ثانيا
بخصوص السفر باقي ع زواجي شهرين حلو
هو ماطلب مني اي شي انا جوازي انتهي واصلا مخرم وهو عارف هالشي
ماطلب صوري يسوي الجواز
انا طلبت اسويه بس قالوا دامك مضافه عنده خلاص هو يجي يسويه لك
خطيبي خيرني بدول قال لي تبين تركيا ولا النمسا ولا المغرب ولا اسبانيا
طبعا انا قلت اسبانيا بس مااكد لي انو اسبانيا
من كلامه حسيت انه يفكر بتركيا ليه علشان اخته راحت شهر عسل تركيا
طيب انا وش دخلني باختك انا تركيا شفتها ومليت منها
وانا ابي ياكد لي علشان اعرف شنو اجهز نفسي واغراض السفر وهيك
وبعدين انا اجهز وانا ضايعه ومتي بيفكر يحجز
يمكن تقولون تونا باقي كثير بس انا ودي اعرف علشان اجهز وضعي
وانتم تعرفون إسبانيا ا. النمسا تبي لها فيزه ومشاوير

الشقه ماحس يتكلم عنها او عن الامور اللي تحتاجها
لان اهلي قالوا نبي ناثثها لك وانا رفضت لان مومن طبعنا هالشي بس اهلي
يبون يساعدون الولد باي شي

انا ابيه يكلمني بامور الشقه بامور السفر بالترتيبات
ابداً
والله بالمكالمه نتم ساكتين بس وانا تعبت وانا اللي احركه بكل شي

مثلا انا مدري اذا اهله راح يعزموني بعد الزواج عزيمه كبيره صغيره ماحكي لي اي شي من هالامور أبدا طيب من حقي اعرف طبعه طبع اهله علشان اعرف انا شنو عليه
انا اللي اعرفه ان خواته وامه قويات وهو قد حكي لي وكثير قالوا لي انتبهي منهم انا شفتهم شخصيا وهو يتهاوشون قدامي بالشبكه
ومن شدة قوتهم محددين لي من أعزم في بيتنا لزواجي
وع فكره اهلي اللي قايمين بكل شي

انا خطيبي ماعنده احد يفهمه يعلمه شنو الامور اللي مفروض يسويها يقوم فيها
وانا استحي أتكلم معاه ومااحب اجيب سيرة اهله بشي ابداً
بس انا من حقي اعرف
وماابي انا اللي اسأل ابداً
تكفون اعتبروني أختكم وعطوني رايكم
الله يجعلها في موازين حسناتكم

اسفه انا اقصد كان يبي يسكني قريب من اهلي انا

تدرين وش مشكلتنا ؟ أننا نبي شركائنا يفكرون بنفس طريقتنا ونفس أسلوبنا، الشيء اللي نشأنا عليه ننتظر من الأخر أنه يعمل نفسه، وهذي مشكلة المملكين أو المتزوجين الجدد أنهم مو قادرين يدركون أن كل شخص له طريقة معينة بالتفكير ومن خلال هالشي ينصدمون بطرق مو قادرين يتعاملون معها، وهو زوجك يعني يمكن مايفكر بنفس اللي أنتي تفكرين فيه، أو ماطرى على باله.

لا أدري عن طبيعة شريكك وعن تفكيره وعن شخصيته لذلك من الصعب أن نعطي أحكام أستباقية أو نقول قصده كذا أو أو أو ، لكن أستغرب تردده وعدم حسمه لموضوع البيت! شبي عليه ولا عطين رقمه وأتفاهم معه يخلص الموضوع أمزح! على كلٍ أقترح عليك أي نقطة تحسين أنه مهم يحسم أمره فيها تصارحينه فيها بأسلوب، سواء الجواز أو السفر أو السكن، ترى الوقت يمشي بسرعة ولا يؤجل عمل اليوم لغد.

شهر العسل معليش راح أبدي وجهة نظري، كأني فهمت من كلامك أن الولد مزنوق يعني ماعنده ذيك الفلوس الكثيرة، طيب يا أخيتي مالك ومال المرمطة شهر عسل بأسبانيا أو بالنمسا، خلو فلوسكم لحياتكم وبلاش تعيشون بديون، وروحوا لتركيا رغم أن تركيا بعد تبي تشفطكم لكنه أرحم من أسبانيا، واللي ييسره الله ولا يتعب كاهل الرجل هو الخير، الله ييسر أموركم ويوفقكم ويألف بين قلوبكم ويجعلكم كما تتمنون ويرزقكم الذرية الصالحة.

__________________
ياصبحِ لاتِقبل !!
عط الليل من وقتك..

هههههههههههههههههههههههههه والله احس زوجك مطيرك في العجه واخر شي بيسكنك مع اهله

وشكله من النوع اللي اسبانيا والنمسا واخر شيء دبي يومين وبعدها الطايف ومكه

الردف يمدحونها يقولون براااد ههههههههههههههههههههههههههه

حبيبتي انتي حاولي تمهدين له الموضوع .. قوليله شو صار بموضوع الشقه ؟
وسالفة تجديد الجواز و السفره .. يمكن يكون ناسي أو شي شاغل باله !

و خذي منه الشور الأكيد بس لا تحنين ( تلحين ) عليه .. هم ما يحبون الحنه والرنه -_-"

وحتى لو هو كان مختار لج تركيا قوليله بطريقه لطيفه انج رحتي لها اكثر من مره و حابه تغيرين اذا فيه امكانيه
واذا ما وافق خلاص سيري وياه .. يمكن هو حاب يسير تركيا .. وياج ^_^ ..

مو مهم فين بتسكنو ووين
كل هالامور هذي ثانوية
اذا بتفكرين فكري كيف بتنجحين علاقتك وزواجك مع شريكك
والحرمة مننا تتبع زوجها وين ماكان وتسمع كلامة وتطيعة بالمعروف
خليكي ماشية مع زوجك واللي يقررة وانتي شاركية ارائة وابدأي رأيك واتعلموا لغة النقاش مش تتعلموا لغة الإختلاف السلبي

الله يوفقك حبيبتي

انا رجل اهبل
وهبلي لا يشتغل مع البنات الدلوووعات ...............

اسمحي لي .......انتي دلوعه اكثر من الازم .............
وتفكيرك في الحياة الزووجيه ...سطحي ........بل اقل من السطحي شوي .........

اسمعي
احمدي العزيز القدير على نعمة الزوواج
وذكري قول المصطفى ...اقلهن مهر ابركهن .......( في ما معنى الحديث )

\ولا تحملي الامور مالا تحتمل .................فكري كيف ستسعدين زوجك وكيف ستكونين اسره
اما اسبانيا والنمساء وتركيا ..............فموجوده وبتروحينها في اي وقت

وسبانيا ...جنة الله في ارضه وروعه ....لكن ما تصلح للمعاريس
وتركيا ....مع المشاكل الي فيها واحتمالية الحرب .....منو بيفكر .......يقضى شهر عسل ولا يوم عسل هناك ............
والنمساء ...............ترى سامعى انها .....وع وما تصلح
ما ندمت في حياتي على شي ..الا على اني لم اذهب الى مكة للعمره بعد زواجي ....استخفيت مثللك ...وسافرت وقلت وشو مكة ....لحقين .......وليتني ........اهتدين ان الانسان يبدا حياته ببركة عمره مع عروسه احسن من الدنيا وما فيها

وبعدين تعالي ...........
وشو ذا يسكنك عن هللك ولا عند هلله ...ولا عند شغله ................والله ان هالعريس يبيله ..من ...يملص وذانه ..........من يسكن البنت عن هلله ...الا مشتهي المشاكل ...
ومن يسكن البنت هند هلله الا مضطر

وبعدين .........يبي يقعد عند شغله ....ويكون قريب ويسلم الزحمه حق كل يوم ..........تفكير عملي جدا ...

لكن الاولى انه يبحث عن شقه مناسبه له ............وانتي يجب ان تقبليه
وبعدين اذا عرستوووو ........فبكيفكم ان شالله تسكنو في خيمه

لحظ ....لحظه ..............وشو جوازي مخرم ................يعني من خمس سنين ونتي تلفلفي مع هلس ......ويو يجي هالمسكيني يبي يعرس وينستر ...........برضو ...تبين تكملي اللفه ...!!!

بصراحه ..........انتي ضايعه ..........
او ان هو ضايعه ...........

اقري كلامي زين ........وبلاش هبل وجنون ......وضياع .....

__________________
من الذكى انك تسوي نفسك احيانا غبي .....!!!
ومن الغبى انك تذيكى على اناس اذكيا .......!!!!

اولا انا اخذته وكنت راضيه فيه وبظروفه
ومره جا أخذ رأيي قال ابسكن عند اهلي قلت ماعندي اي مانع في نفس البيت يقصد
انا مااهتميت وين أسافر او وين اسكن

انا اولا تكلمت انه مااهتم بالجواز حكي لي عن السفر وقلت حبيبي اللي يريحك واللي تقدر عليه هو اللي خيرني
وهو اللي أصر انه يبي رأيي أنا مااتشرطت
وانا الزواج كله تنازلت عنه واكتفيت انو يكون ببيتنا وانا اقوم بكل شي
وهو بس عليه زواج رجال
يوم تكلم الاخ عن السكن انا ماناقشته هو اللي قال الافضل انك تسكنين عند اهلك بما انه عنده شفتين ويبي أكون عتد اهلي
واذا سكنت قريب يم اهله راح تصير مشاكل وانا ادري عنها ومااحب اذكرها

انا في نفس الوقت جالسه احكي ان الولد ماحكي لي عن طبعهم في عزيمه بعد الزواج
اهله كيف تكون حمعاتهم امه شنو تحب ابوه شنو يحب شنو اللي اتجنبه

انا الحمدالله شبعانه بس احكي لكم عن اللي مفروض يصير من حق اي بنت تعرف كيف راح تكون حياتها
انا لو ابي حب ورومنسيه كان ماشكيت بس انا لما تكلمت ابي اعرف كيف نظام البيت كيف نظام حياتنا
ابيه يتحرك يفهم هذا الزواج
اذا هو حو قد الزواج ليه يتزوج ويجلس يشاورني ثم يغير راي
واللي قهرني انه حنا نتفق ع شي فالأخير يتغير الراي
رجل أهبل انت اتوقع ماحكيت مواضيعي قبل
والله لو اني ابي مظاهر وأبي دلع ولا فهمت الزواج صح كان بهذلته معاي
وكان شرطت وسويت مثل مافيه بنات تسوي
اخوي رجل أهبل انا عارفه ان الولد ينضغط وان الزواج مسوليه
والله لو انه قايل لي بنسافر داخليه ماحكيت شي
وبعدين السفر مو كله راح يقوم عليه السفر راح تكون هدية من الامير

وانا انسانه مااحب اللي مثلا يقول شي ويغير رأيه

ومشكورين للي ردوا
يمكن انا اشوف إخواني كيف نكلم إخواني ونفهمهم كيف يفهمون حريمهم وكيف يتعاملون
بس الحمدالله ع كل حل
واتمني أنكم تفهمون ردي زين

اولا .....ترى الجنون ماهو ..بافضل من الهبل ...................ابدا
المجنون ....يعني ,,,,,,,,,,,,,,,,ماكو امل ...
لكن الاهبل ....يمكن يجي منه شطحات .....................يعني انا احسن شوي منس .......
كاني تصورت حاللك ................وهذا مايحتاجه اي انسان حتى يدلي بدلوه في مسائل مثل هذي

فاقول

كانك من بيت غني وثري ..........................وهذا طبعا فضل الله يوتيه من يشاء ليس بجريمه

ثم كاني .....فهمت ان زوجكي اقل منكي ماديا ......واذا لم يخب ضني ...فهو ايضا حسب قوانيننا الاجتماعيه ..اقل منكي مستوى اجتماعي ..................

ثم ....مادام في الشغله امير ...................فلعائلتك ...فضل عليه ........وبلاضافه الى التكاليف التي ستتحملينها .........................فكانك ......تحسي انكي متفضله عليه ....

اختي ...الفاضله ................كرجل اهبل ساقول لكي .....رايي ...وتجربتي ...من ناحيه نفسيه

انا تزوجت فتاة اغنى مني ......وهلها اغنى بكثثثيييير من اهلي .................كانو يسكنون الفلل والقصور ...وكنا .....اشبه بالناس العاديين بالنسبه لهم ...ماديا ....

الرجل ..اذا احس بالنقص ....يضغط على نفسه اكثر من الازم ....ليظهر لزوجته واهلها انه ...(قد المقام ))
ثم تكون النتيجه .....علاقه سلبيه بينهما ................

اذا قبل الرجل تفضل زوجته واهلها عليه ...........فستعيره الزوجه واهلها بهذا حتى لو لم يقولو ..........

وان رفض فسيتحمل مالايطيق .............وستكون النتيجه ...ديووون ...ثم كره ثم مشاكل ...

اختى انا لا اتكلم عنكي .............انا احلل واتفلسف وانتى من يقراء ؟؟؟!!

في ضني ................
في مثل وضعكي .................هذه الترتيبات اجتماعيا ستكون مهمه ........
وفي رايي ...انه لن ينتبه لها كما تريدين ....
لذلل
ان كان هناك محبه وهو يستحقك كما انتي تستحقينه ....فالصبر والتحمل .........والله يعينك تكملي كل نقص ....................وان كان هذه الموده غير موجوده لحد الان
فارى ان تتجراءي وتكلميه .....وتتناقشي بكل صراحه في ترتيباتك ...وان لا تنتظري .......منه المبادره ...

__________________
من الذكى انك تسوي نفسك احيانا غبي .....!!!
ومن الغبى انك تذيكى على اناس اذكيا .......!!!!

شوف اخوي أهبل
انا مااتفضل عليه الحمدالله انا بينت له انا تزوجت وماله شغل بحياتي عند اهلي
وانا قلت له بداية حياتنا لازم نتعب علشان نقدر نريح انفسنا بعدين
مو كل شخص مرتاح بحياته

مثل امور الزواج تري انا تميت شهور من الملكه وهو ماحدد الزواج
وانا اللي جيت وطلبن منه هالشي لين الولد فالأخير حدد الزواج
وع فكره تري حدده ولا أخذ رأيي انا أجي هنا افضفض وأخذ
حل اذا لقيت حل أفادني

انا معاه ساكته وبالعكس هو يقولي روحي اختاري غرفة النوم روحي سوي كذا قلت له من قبل حبيبي
انا سو كل شي ليه انا قلت كذا لان أخاف اختار اشيا هومايقدر عليها
تري انا مااحسسه بها الامور بس لازم احكي معكم وأكون واضحه علشان تفهمون قصتي زين
انا وربي لو يقولي مافيه سفر عادي والله عادي
بس لا ياخذ رأيي ويصر ياخذ رأيي وفالاخير القي العكس
انا احبه وآموت فيه علشان كذا ابي حل
وانا تحديت الكل علشان اكون له ويكون لي
بس ماابي هالاشياء تكون بينا