مساءالخير للجميع،،
شو أخباركم ان شاالله طيبين،، انا عضوة جديدة اتمنى أنكم تقبلوني معكم،،زوجي اكبر مني ب14سنة تقريبا
تزوجنا زواج تقليدي.زوجي لايعجبه اي شي فيني.احس بنظراته ولكن لمااصارحه يقول بلعكس انتي حلوة وعاجبتني.ادري انه يجاملني لان لو صدق كان بحس من تصرفاته ونظراته.حتى لما ألبس له مغري مايتحمس مع اني متعطره وكاشخه ومش مقصره معاه.ما ادري ليش ماينعجب فيني.مهماسويت.والمشكله الثانيه انه شخص يحب يدق سوالف مع الحريم الي برع ويبتسم ويأخذ ويعطي معاهن.انقهر لما نكون برع فمحل وينظر او يتكلم مع الي تبيع.ولا كأني موجوده.لما صارحته قال انه يتكلم بعفويه معاهن وانه هو يحبني انا.طبعا هو يتكلم مع الجميع نفس الاسلوب رجال او حريم بس انا مايعجبني لما يتكلم مع حريم.وهالفتره صار يقلل من هالتصرف لان دايم تصير مشاكل بسبب هذا الشي.صار مايتكلم او يشوف عليهن.لكن خوفي من وراي،مع انه يقول ان تصرفاته نفس الشي من جدامي ومن وراي.المشكله الثالثه زوجي عادي مايشجعني اشتري لباس نوم.بس لما أقوله يشجعني ذيك الساعه.وايضالما نجلس فالغرفه مايتكلم وايد وانا امل حتى لو بادرت مب وايد يتكلم وهم تصير مشاكل أقوله شنو انا جدار عندك يقول لي انتي حياتي كلها.هو شخص طيب.بس مب رومانسي ومايحسسني بالحنان بالرغم من انه اكبر.ومايغار علي كلش عادي.وهو شخص يحب والدته وايد لدرجه اني انقهر.حتى لو امه غلطانه بيمشي على كلامها.وهو أيضاً يتواصل مع بنات عمة يقول حسبت أخواته الكبار لكن انا مايعجبني بس شو اسوي.طبعا هي الئ تبدا تراسله تسلم.انا صرت وايد اشك بزوجي بسبب انه يدق سوالف مع الحريم برع.وهو حلف لي ويقول محد غيرج فقلبي وحلف بالقران.ويقول انا ماعندي سوالف حريم اصلا انا ما اعرف أتكلم كلام حب علشان الحريم يحبوني.صدقته لكن حريم هالزمن يخوفن جوعانات يبن اي ريال حسبي الله عليهن..