السلام عليكم
مادري منين ابدء متلخبطة افكاري حيل انا خايفة ان زوجي يروح من ايدي لاني قاعدة اطفشة مني من غير ما اقصد بس والله مو بيدي احبة زوجي جدا محترم وعاقل وخايف ربة حيل وبار بوالدينة وبأهله وعلاقاتة الإجتماعية حيل طيبة مع الناس والكل يحبة وهو دمة خفيف حيل والمشكلة انه حيل حلو وكلة البنات يطالعون فيه لما نروح اي مكان وهالشي ينرفزني حيل وودي ان لما اطلع معاه كل البنات يختفون وحتى لما تصير مناسبة بعايلتنا الكل يتكلم عنة وعن جمالة والمشكلة يتكلمون قدامي من غير مايحترمون حتى شعوري قمت اخاف اني راح افقدة لانه متفوق علي بكل شي وما اقدر اوصل للمرحلة اللي هو فيها حتى لما يتكلم معاي استانس علية وودي اني اونسة مثل مهو قاعد مايونسني بس ماعرف
شكثر شكيت فيه قلت مو معقولة ماعندة علاقات بالوقت هذا او بنت ترمي بلاها علية واخذت تلفونة وخليتة عندي وهو شاف هالشي وادري انه حس بشكي لانه حيل ذكي وماشفت اذكى منة فتركلي التلفون ومشى وقضى يومة كلة من غير تلفون ومالقيت علية شي والحمدلله حتى هو حيل واضح معاي ولامرة كذب علي بس انا طفشتة ماعرف اسولف معاه ما اعرف افتح موضوع وهو فاهم هالشي فيني ويقعد يدربني وانا اعاندة عشان ابي ابين له اني اعرف وانا ماعرف
حتى كذب قمت اكذب علية عشان اخليه يستانس علي وينسجم معاي ويميل لي وادري انه يحس ان كلامي مو صدق ويطوفلي ولما يزعل مني ماخلي كلمة ما اقولها واطلع كل اللي بقلبي انت ماتبيني ادري كل الناس يحبونك ويتمنونك ومو مفتوحة نفسك لكلامي وطبعا اقوله وانا ابكي وهو يسكت ومايرد علي وهذا اللي ينرفزني ولما يرد علي يبي يحول الموضوع ضحك ولما اعاندة وابيه يكون جدي بالكلام معاي يطلع برا ويخليني بروحي لين اقعد ابكي بكل حرقة من اللي فيني
ادري انا غبية بس والله خايفة افقدة ومو عارفة استقر معاه حتى صرت ماعرف انام وحتى لما يجي ودي اجي اعتذرلة بس احس انه راح يفتحلي محاضرة او يضحك علي وانا ابيه يكون جدي معاي ومايطول الموضوع ويريحني من اللي قاعد ياكل قلبي وما اعتذرلة انطرة يجي ويكلمني وحتى لما اكون زعلانة وساكتة ابيه يتكلم القاه عادي وكانه مو مهتم ويفتح التلفزيون ويبتسم ولا كان فيه انسانه محترق قلبها
اهله حيل طيبين معاي ومحد يدخل بحياتنا ابد لان زوجي له هيبتة بين اهله ولو انه حيل ماخذ عليهم وماخذين علية ومداخل معاهم لدرجة كبيرة وانا اخاف منة مادري ليش اخاف منة مع انه ولا مرة مد ايده علي او سبني بس احس ان فيه رجال قدامي هيبتة مثل هيبة ابوي واحس اني خايفة منة حتى اهتمامة بنفسة هو حيل يهتم بنفسة بنظافتة وشكلة ولبسة وعطورة وهالشي يحرني حيل مابيه يهتم بنفسة ويطلع ويشوفونة بنات ودي اخليه يطلع من عندي مبهدل ودايما اقوله خف على نفسك شوي ويبتسم ويطلع واحس ان ابتسامتة بعد اتحرني شسوي اشلون اخلية يستانس علي واستحوذ تفكيرة وعقلة وكل شي فيه خايفة اني افقدة بغباءي

هذا هو الفرق بين الرجل والمرأة
الرجل تكون مشاعره متزنة بينما المرأة متقدة
وترى زوجك يحبك والحب عنده انه يلبي لك رغباتك ومتطلباتك
وخليكي واثقة من نفسك ولا توضحين له
واللي براسك وساوس

__________________

سبحان الله صفات زوجك و تعامله معك تقولين عنها صورة طبق الأصل لصفات عضو معانا في المنتدى ...

حتى في اللهجة

الله يحفظكم لبعض...و حاولي تتجنبي الكذب على زوجك لأنها أكثر صفة يتضايق منها فيك

__________________
يا ربي هدي سري و حققلي حلمي..

أختكم السفيرة لمو

__________________

السلام عليكم ورحمة الله تعالى وبركاته

في الحقيقة هذا الموضوع انا متعايش معه حاليا!!!
ولكن يوجد إختلاف بسيط في بعض الامور !!!
ولولا أن زوجتي أمامي الآن لأقسمت بأنها انتِ حتى بوجود تلك الإختلافات !!

لا أزيد على كلام أخينا خالد شيئاً سوى بأني شخصياً اكرة الكذب كثيراً اكثر من أي شيء في الدنيا ، وبأن الكذب هو ما يجعلني اثور واجن وافقد اعصابي ، وأعتقد بأنه هو ما سيجعلني اعاني من الروتين والفتور مع زوجتي مما يؤدي حتماً إلى بعدي عنها روحياً على الأقل.

نصيحة لوجة الله
حافظي على زوجك فإن النعمة زوالة ، واشكري ربك واحمدية على زوج ك زوجك.

أسئل الله لكِ أن تسعدي مع زوجك بعيداً عن الكذب.

__________________
استغفر الله واتوب إليه

أخي المتفائل,,,, بما أن حال زوجتك مثل هذه السيده.... لمى لا تحاول ان تقص عليها بعض الحوادث من زوجتك....

يعني مرات تكون زوجتك تريد لفت إنتباهك بشيء هو نقص لديها... فتخطأ معك.... وأنت تتمنى أن يكون بشكل أخر او بالأحرى تريدها أن تتصرف بعفويتها,,,,, ربما تقتدي بهذه القصص فتحسن من سلوكها مع زوجها,,,,

__________________

انزين اشلون اتخلص من الوساوس واشلون اكون واثقة بنفسي واشلون اطور من نفسي وشخصيتي انا ماني عارفة اوصلة واحس انه لما يسمع سوالفي يستصغرني ومو قاعدة احس انه ينسجم معاي هو صحيح يسمعلي بس احس ان حتى تفاعلة معاي نفس جوي مايعطيني من جوة اللي يكلمني فيه بطريقته والله مليت انا ماني مثقفة مثلة

مو بس الكذب اللي يضايقة مني كل شي مع ان انا ما اكذب عليه كثير انا مو جذي وهذا مو طبعي بس احاول اوصله لاني ابي الفت انتباهة واحسسه اني ما اقل عنه وان انا فهمانه مثلة بس ماعررررررفت ومادري اشلون اتصرف

اختي ماشاء الله الرجال ماقصرو
واستنجد بالخاله بيتا تعطينا مثل سمعته منها من فتره وللاسف لا تسعفني الذاكرة الان

بالعكس انت مفروض تعطريه وتجمليه
شوفي انا زوجي في يوم من الايام كان عندي عرس فتحلي باب السياره وساعدني للنزول للصاله
وبمجرد دخولي لقيت قريبه له
اكبر مني ممكن بعمر زوجي او اصغي بقليل عموما قالت انت زوجة فلان
انا صراحة كنت عروس ما اعرف اقارب زوجي كلهم
لت لها انا هي
عطتني نظره لو تملك الموت طلقتها علي وقالت انا كنت احب زوجك فلان
واموت فيه
قلت لها والله ^_^
وبابتسامه عريضه وواثقه
وقلت لها اوكي تحبي اعطيه علم قالت ياريت
والله اتكلم جد وصادقه في كل حرف
قالت اسمي فلانه بنت فلان وكانت فرحانه

عموما تلاقينا بعد فتره وكانت جايه تسلم من بعيد مسكت يد زوجي وقتله شي ضحكه لا تسعفني الذاكره الان المهم بدينا في قمة الانسجام امامها
وبعد ما دخلت للمكان اللي هي فيه كانت تعطيني نفس النظرات

بالمختصر ثقي بنفسك
وزيدي اقهريهم ومتعي زوجك بابتسامتك الحلوه
لان العبوس ينفره منكِ
وعلى ما اظن هو عاجبته غيرتك وتعطيه ثقه انك تحبيه
لكن اذا الشي زاد عن حده انقلب ضده
اشوي اشوي
و الرفق ماكان في شي الا زانه

وثقفي نفسك في شتى مجالات الحياة
مع العلم ان الرجل يحب ان يكون دائما معلم
اعطه فسحه ودعيه يعلمك مثل تلميذته الصغيره
والرجال يحبون الاسئله كيف هذا ولماذا ذاك و............
بالنسبه للجمال لا خليه يتعطر ويتزين
بس قبل لا يطلع اقري عليه قوليله انا خايفه عليك من العين و................
وياربيت انتِ تعطريه والله يخرج فرحان وسعيد جدا

وفعلا الكذب سواء من رجل او امرأه غير محمودة نتائجه

وبالتوفيق

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

انشاءالله راح اطبق كلامك واحاول واكون جدية بالمحاولة حتى اختي قالتلي نفس كلامك بس تدري لما تحس ان عندك حاجه ثمينة وودك تحطها بمكان امن عشان محد يسرقها منك وعشان ماتضيع هذا هو شعوري مع زوجي مشكور