السلام عليكم ورحمة الله وبركاته ..

اليوم انا زعلانه ..

صحيت من النوم ..لقيت زوجي مسوي تحديث للرسيفر ..ومطلع كل القنوات البايخه الي انا حذفتها ..

طيب هو عنده تلفزيون بشغله .. خاص فيه ..بمكتبه ..وفيه كل قنوات قريح ..

اما انا مارتاح وهالقنوات والرقص والشيعه والصوفيه والنصارى والبلاوى المتلتله في بيتي ..

عندي اطفال ..عقولهم زي العجينه اللينه قابله للتشكل بسهوله ..

وخلافي انا وهو على البليه مجموعة امبيسي ..
وكل ماقلت شي .قال بينكم وبين صاحبها معرفه روحي خليه يقفلها .؟؟؟؟؟؟؟؟؟؟
طيب انا وش ذنبي اذا جدي الثامن عشر تزوج جدته من الرضاعه من الجد الخمس وعشرين ..؟؟؟؟؟؟؟؟؟
حسبي الله ونعم الوكيل وبس ..
وش رايكم احذف القنوات واحط رقم سري ..

للعلم انا حطيت لعيالي فيفوريت ..
كل القنوات الي يبونها ..
ماعدا امبيسي اطفال ..كارتوون نيتورك ..وجلست معهم واقنعتهم انها مو زينه ..قالو مو مهم اهم شي براعم ..واجيال ..قلت لهم تم ..
قالو امبيسي نشوفها اذا رحنا لاحد ..عشان سبونج بوب ..
فكرت اني ادور وقت اسبونج بوب ..واخلي القناه بتوقيت بس وقت سبونج بوب ..وبعدين تتقفل ..

وعشتان اعوضهم ..حطيت لهم باللاب مقاطع سبونج بوب ..بالفيفوريت بار فوق..

يارب ..اهدني وانا وياه ..

__________________

باقولك علا خطة خزعبلية

امسحي القنوات

ودوري لك بدالهم قنوات معطلة

من الي فتحتيهم تطلع لك لوحة سودا مكتوب اليها لا توجد اشارة

وغيري اسم هالقنوات المعطلة من خصايص الرسيفر
وسميهم ام بي سي 1 ام بي سي 2
الخ

لما يجي يفتح عليهم. يطلع الاسم. ام بي سي. بس مافي اشارة
فايفكرها. اتعطلت :-)

سويها مع كم قناة زيادة عشان مايشك خخخخخخخ

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

انا اللي اعلمك خليه براااحته لاتقولين له شي هو اذا اقتنع بيتركها من حاله

اللي عليك

غيري مكان جلوسك
مثلا التلفزيون اللي تتخانقون عليه بغرفة المعيشه
خليك انتي وعيالك بالصاله وجيبي لك تلفزيون ثاني ورسيفر خاص وركبي قناة المجد والقنوات الاسلاميه الثانيه
وتغدوا وتعشوا بهالمكان وهو بغرفة المعيشه عنده تلفزيونه ورسيفره وحطي له غداه وعشاه

مع مرور الوقت بيمل وبيجي عندكم ...

وبيصير يتابع القنوات اللي انتي حاطتها ...

وخلي له تلقزيون ورسيفره بالحاله
*

هلا نورا ..

طيب بيروح يسوي بحث من جديد ..؟؟؟؟؟؟

ودي اصيح من القهر ..

__________________

قفلي خاصية البحث برقم سري وقولي نسيته

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

هلا اصيله ..

بقول لك شي ..

عنده تلفزيون تحت ..كان فيه كل شي ..

وانا فوق مع قنواتي الي احبها ..

كل القناوت السنيه ..الدينيه ..
مع القناوت العلميه والي تجيب الطبيعه ..وقنوات الطبخ ..وقنوات اليمن والسودان وارتيويا ..
والي فيها طبيعه ..احس اني اسوي سياحه وانا ماسكه الرسيفر ..

ترك تلفزيونه وجا فوق عندي وسوى بحث مدمر من جديد ..

__________________

يعني ما فكرتم يا أصحاب الحلول أن الزوج يقدر يرمي هذا الرسيفر للشارع و يشتري بداله

ما لك إلا تعملي له سحر يكره التلفزيون من أساسه

ما في حل يا أختي الكريمة... الله يكون بعونك

الظاهر هذا الي بيصير ..

طول اليوم وانا ماكلمه ..

واذا كلمني قلت له ..انا زعلانه ..؟؟

يقول عشان ريسيفر ..؟؟مستصغر الموضوع ..؟؟

__________________

انا مع فكرة اصيله 3 ,,, مع الوقت بيمل من القعده بروحه وبيجي غصب عنه يجلس ويتابع معاكم ,, ويا دار ما دخلك شر

__________________




سبحان الله وبحمده ♥
سبحان الله العظيم ♡
♥♡♥♡♥

ريسيفره الي بيجيبه انا الي برميه فالشارع ..؟؟

لا في حلول بدل الحل ..

لا يأسَ مع الحياه ..

__________________