تعرفت على فتاة بالنت وأتفقنا ع الزواج
طبعاً التواصل كان بيننا بموقع زواج فقط من خلال الرسائل
والحمدلله كنت صادق معها وأن شاء الله تكون صادقة
ظروفي وظروفها حتمت علينا نتزوج بهالطريقة
المهم طلبت رقم موبايل أبوها
وراح أكلمه بس المشكلة مو عارف كيف أفاتحه بالموضوع
طبعاً أفضل طريقة وأفضل عبارة لأنه ماعندي خبرة بهالسوالف
ياليت تساعدوني وعندي اسئلة بعد
راح اخطبها برمضان وماعندي وقت والله ييسر

أخوي،
هذا يعتمد على وش راح تقوله بخصوص من دلــك على البنت لازم يكون الي بتقوله مقنع..

ماأدري وش مخطط انت تقوله فياليت تقولنا ،،وأذا مافي بالك شيء قولنا وحنا نساعدك..

وأذا أنت مضبط وضعك ليه الأرتباك تكلم بنبره واثقه ولاعليك

ودام نيتك صادقه ان شاء الله بسهلها ربي لك..

عادي يا أخوي قوله في ناس دلوني عليكم .. كثير زواجات تتم بهالطريقة.. الله يوفقكم يارب

بالتوفيق لك

__________________

مع أني ما احب هذا النوع من الزواجات ، لكن..

اتصل على ابوها وقلة انك فلان بن فلان وأنك تبي تزورة عشان تخطب منة.

راح يحدد لك موعد ، ورحلة وقلة انا دلوني عليكم ناس وجاي اخطب منكم فلانة.

فإذا تبي تروح بروحك بيسألك وين أهلك ، قلة أنا جاي أخذ الموافقة منكم مبدئياً

وفي حال تمت الموافقة بجيب أهلي يتممون الخطبة بشكل رسمي ، وإذا سألك ليه قلة لأن اذا ماصار نصيب أكرة أني اشوف أهلي ينردون.

وصلي اللهم وبارك على حبيبنا محمد وعلى آلة وصحبة أجمعين.

الموضوع سهل.

__________________
استغفر الله واتوب إليه

اخوي ليش ماتخلي النساء يتصلون عليهم ويقولون بنتكم ممدوحة لها
او ذاكرينها لنا الناس

هذا العرف؟ مب انت اللي تتصل على طول

اتوقع الافضل اهلك يروحون وش هي من بنت .. و انا ما احب هذه ألطريقه لزواج لكن انت تقول ان الظروف الله يسهل لك أمرك

ربي بيسهلها
مرتبك فقط لأني أمر بتجربة أول مرة أمر فيها ومااعرف كيف المفروض الواحد يتصرف
طبعاً راح أقوله أنه ناس معينين دلوني عليه بس خايف يهتم يعرف منهم هالناس

أتفقت أنا والبنت أنه نقول كذا

تسلمني واتمنى لك التوفيق