السلام عليكم ورحمه الله وبركاته
كل عام وانتم بخير ومبارك عليكم الشهر
اليوم صار موضوع ضيق خاطري وللحين ابكي منه
اليوم خطيبي كلم اخوي وقال له انه راح يطلقني وعدوه المحكمه يوم السبت
أنا مره مقهوره اخوي ماقال له شيء وهو اعتذر من اخوي طيب أنا مابي اطلق
وربي من قال لي اخوي وانا ابكي ونمت لي ساعتين حتى في نومي مارتحت ابكي ولا اريد الطلاق
للي مايعرف قصتي عمري 22 مخطوبه لي سنتين انقطعت علاقتي بخطيبي من بعد ملكتي بشهرين لانه مرض بمرض روحي مادري مسحور او محسود وكان يتعالج بالرقيه
أنا نفس الشيء اتعالج بالرقيه لان اصابتني عين حاسده فرقتنا
صبرت سنتين تقريبا لان كان عندي امل ومتفائله أنا راح نرجع حق بعض وان هذا ابتلاء من الله ولازم نصبر وتعلقت في خطيبي اكثر وتقربت من ربي بالدعاء والصدقه كل يوم يمر اقول هذا اخر يوم لتعب وراح نرجع لبعض ان شاء الله
ويمكن تضحكون علي اكثر لو قلت لكم للحين عندي امل
واحس أني مقهوره لأني بفسخ خطوبتي واحنا مالنا ذنب فيها وكله بسبب قرايبنا الله لايسامحهم وينتقم منهم اشد انتقام
وغير كذا خسرت صحتي ونفسيتي متدهوره حتى النوم الي الناس ترتاح فيه أنا اتعذب حسبي الله ونعم الوكيل فيهم
محتاجه دعواتكم كثير وعندي استفسار
الحين يتم الطلاق في يوم ولا يحتاج ايام في المحكمه

الله يفرج همك
وييسر اللي فيه خير وصلاح لكي
حبيت اشارك ع الاقل بدعاء

عزيزتي

عسى ان تحبوا شي و هو كره لكم

يابنت ادعي ربك ان يكتب لكي الصالح

الزواج قسمه ونصيب

كل ماضاق صدرك قولي

اللهم اجرني في مصيبتي واخلف لي خيراً منه

الله يعوض صبرك خير ويكتب اللي فيه خير
داومي على الاذكار ترا مافيه اهم من العافية

هلا فيك ..

اختي الزواج قسمه ونصيب .. ويمكن الله يحبك وطلاقك خير لك .. لأنك ما تحسي الأن ,, اصبري فصدقيني خير ,, وكل انسان يبكي ويزعل اذا ضاع او خسر شي ولاكن بالأخير يقول الحمد لله

تحياتي لك ...

الطلاق يتم في يوم واحد بمجرد احضار المهر واللقاء عند الشيخ هذا طبعا اذا كان الموضوع مجرد ملكه وماحصل دخول وخلوه
وتكون طلقه واحده

ولاكن اذا كان بعد الدخول القاضي يعقد الامر اشوي عشان يمكن يتراجعون عن الموضوع يعني يمغطهم كم يوم

وماعليك يااختي يمكن الله كاتب لك واحد احسن منه ورب شيء كرهتموه فكان خيرا لكم

انتي اطلبي ربك يكتب لك اللي فيه الخير وربي انشالله بيعوضك بواحد احسن منه بس انت صفي النيه وتقربي لله وراح تنفرج معك ان شاء الله

اشكر الجميع ع الرد والله يسعدكم
أنا الحمد لله الحين هديت وعلى قولتكم مؤ من نصيبي و الله يعوضني خير ان شاء الله
و هو الله يشفيه ويوفقه بحياته

الله يفررج همك ويبدل حزنك فررح وجميع المسلمين

الله يعوضك خير حبيبتي

رددى اللهم اجرني في مصيبتي واخلفني خير منها