السلام عليكم ورحمة الله وبركاته..

انا من فترة طويلة مسجلة هنا بالمنتدى ولا قد كتبت اي موضوع ..وكان هذا الموضوع متردده اكتبه ولا لا
بس كل شوي اقول لا محد يفهمني ويضنون مغرورة او اكذب بلآساس ..

المهم موضوعي هو خاطبني ولد عمتي .من فتره بس ماصار بيننا شى اقصد ملكه..
مشكلتي اني مو قادرة احبه يعني انا مااكرهه بس كزوج لي مااتمناه ليه ماادري؟؟؟

مع العلم انه مافيه شى ماينحب يعني طيب وخلوق ودين
وانا كان عندي اهم شى الدين .. مع ان كان ودي بوسيم لكن اهم شى الدين والخلق..

انا معلي قلت يمكن الحب يجي بعد الزواج..بس مين صار لها مثلي وحبته بعدين ..لاني خايفه ان يستمر معاي الى مابعد الزواج واندم اني وافقت عليه .. واخاف نهاية حياتي انفصال


قلت لكم الرجال مافيه شى ماينحب كذا بدون سبب انقهر لما اشوف البنت خطيبها بس شعوري تجاهه عادي

والحمدلله انا مازلت ادعي ان كان به خير ربي يحببني فيه وان كان غير كذا ربي يصرفه عني..

الزبدة من موضوعي..مين صار لها مثلي وحبته بعدين..


ودعواتكم..

هل تتقبلينه؟ مرتاحه له كشخص؟

الحب مشاعر ما تجي بسهوله...

القبول و الراحه النفسيه اهم شي..

يمكن متربين وايد مع بعض.... لهالسبب ما تقدرين تحملين له مشاعر انثى لرجل للحين... بس بعد العقد و لمس الأيادي بتختلف الأمور ان شاء الله.

سبحان الله كلن بهمه سرى ولكن في الاخير كلن ياخذ بماقسمه الله له
بالنسبه للزواج من الاقارب بالنسبه لي ضده تماما وعندي اثباتات من ناس كبار قدامي تزوجو ماهم مرتاحين في حياتهم
يقولو لي ابعد بعيد عشان ماتدخل في متاهات انت في غنى عنها
وماله من سلبيات في علم الوراثه
وحتى والله بلاش
تحياتي وبالتوفيق