طبعا انا انخطبت والحمد لله صارت الشوفة والنظرة الشرعية وبعدها الموافقة وكنا متحمسين وفي شهر خلصنا لنستعد للملكة وحددنا الملكة بعد 3 أسابيع وحددنا بعد 3 بعدها اشهر الشبكة وبعد 4 أشهر بعدها الزواج
وتصدقون يا ناس للان قربنا سنة ولا صار كتب الكتاب (العقد) ولا صارت الملكة نتفق بعد اسبوعين وبعد اسبوع وفي اليوم الفلاني ولكن للاسف تأجيل من خطيبي حتى الاهل ملوا وقالوا اتركيه علما الآن انخطبت مرتين ورفضت لأجله
انتم يا رجال اعلم وادري ببعضكم ليش للآن ماجاء وسوا العقد ؟
طبعا احطكم في الصورة هو موظف وحالته المادية نوعا ما طيبة عمله صعب وبعيد بس يجلس عند اهله فترات اجازة
كل ما كلموه الاهل وشدوا عليه قال انا سأتي بعد في اليوم الفلاني ولايأتي ؟
طبعا انا اول تحديد للموعد تجهزت لبس وكله الآن حتى اهلي يقولوا لا تخسري نفسك يحدد ويلغي .. أنا تعبت منو والمشكلة تعلقت به طبعا ما اكلمه لانو اصلا ما بيننا عقد .
انتم يا رجال اعلم وادري ببعضكم ليش للآن ماجاء وعمل العقد ؟
هل هو جالس يماطل ؟
السؤال هل هو نادم ؟
هل هو لا يريدني ( طبعا صارت النظرة الشرعية وبحريه ) ومو عارف كيف يرفض ؟
هل هو سأأأأأأأأتي أم لاااااا ؟؟؟
كيف أسووي ؟؟؟
آآآآآآآآآآآآآآآآآآآآه
بس ابفهم باقي شوويه وانجن ولا احد يلومني تدهورت في كل شيء
اخواتي ساعدوني تكفوون
للأسف اتعس مخطووبة حتى حلم حرمت منو مقدر احلم تحطمت

اختي كم صار له خطيبك يوعد و يخلف ؟؟؟

للاسف 5 شهور
عفوا غلطت 7 شهور

والله يا سماهر انا من الناس اللي اميل اني اعذر الشخص لو اخطأ ...
لكن ما تشوفين ان 7 شهور جدا جدا جدا طويله ؟؟؟
انا انصحك بالشده علي الخطيب ... خلي ابوك يكلمه و يقول له في الموعد الفلاني تعال او اترك بنتنا ... انا اميل ان خطيبك عنده مشكلة لكن لو كان ما يبغاك كان اتصلوا اهله علي اهلك وقالوا لهم ...
والله يسهل لك ان شاء الله ...

اذا جاك خاطب اخر لاترفضينه

اتصلوا وقولوا له جاي لها خاطب حابب تكمل والا نشوفه

ان قال حابب يكمل
خليه يحدد يوم معين
وان ماجاء خلاص

توكلي على الله وانسيه
وشوفي الخاطب الاخر

لاتضيعين عمرك مع رجل متردد

عين العقل وهذا الأفضل لك

يا اختى ممكن عندة ظروف بس لازم واكيد تسألوا وتعرفوا الاسباب ابوك لازم يسأل ويعرف وامك تكلم امة ..........

__________________

اعتـذر ان كان فـي يــوم قـسـيـت والعذر ان كـــان صديـت او جـفـيت فأنت حد السيـف لاـمني اعــتـزيـت وانت اغلى شخص في عمري لقيت الوفـا فـي غيــر قلــبك مـالـقيـت

عذرته جرح الروح زاد من كثر تعذره والله كثير علي شهرين بعيش زي العالم لكن الحمد لله
صراحة الوالد ماكلمه قال نعطيه فرصة شوي بس اخوي كلمه وتاهم معاها وحدد موعد ثاني باقي ينتهي الموعد ايام وبس
بس يقولون وصحح لي هذه المعلومة اذا خطأ انو الخاطب حتى لو يبغى البنت بالدنيا لو يعرف انو جاء خاطب غيره وسالوه تبغاها او لا وحتى لو يبغاها يقول لا خلاص يكرها بس مدري
طيب ليه ما يقول مشكلته عادي نتفهم الوضع
يا رب يا رب يبقى على العهد والوعد
شكرا على الامل
والله يسهل أمرك يا رب ويوفقك ويسخر لك أهلك وعباده ويوفقك في دراستك

أختي... خطبه على خطبه لا تجوز... يعني ما يصير حد يتقدم و انتو خلاص عطيتوا الموافقه للخاطب الأول...

أظن 7 شهور فتره كافيه انكم تكونون عرفتوا حقيقة هذا الرجل... خاصة انج كنتي تجهزين نفسج و تتزينين و فجأه يلغون كل شي...

هذا يبين عدم جدية العايله بكبرها مب بس الولد... لأن العايله اللي تشوف ولدها جذى المفروض تمسكه و تفهمه ان بنات الناس مب لعبه عنده...

اسألوا عدل عن الرجل... لأن بصراحه تصرفاته ما توحي ان المستقبل جميل... إذا الملكه و يماطل فيها... شو راح يسوي في الزواج؟ شو راح يسوي بعد الزواج...


الواحد يماطل في كل شي إلا الزواج... لأن الزواج مب لعبه...

حاليا انتي مخطوبه له فما يصير تقولين له ان جا لج خاطب... لأن شرعا لا يجوز... خلي ابوج يطلب ابوه و يطلبه عندكم الميلس و يكونون اخوانج موجودين و يتكلم معاه بكل جديه و حزم في تحديد موعد الملكه في وقت معين (ابوج يحدده مثلا بعد اسبوعين من الإجتماع) و إذا ما حضروا فاعتبروا الخطوبه مفسوخه و يا دار ما دخلك شر... الرجل لازم يعرف ان وراج رجال ما يرضون باللي قاعد يصير لبنتهم علشان يحسب ألف حساب لأي تلاعب في المستقبل... و إذا ما حضروا في الموعد اللي يحدده ابوج... خليه يتصل لهم و يقول لهم الله يوفق ولدكم مع غير بنتي.. بنتي مب بحاجه لرجل مثله... و انشروا على طول ان الخطوبه اتفركشت بسبب عدم جدية الخاطب علشان ما تطلع الناس العيب فيج...

شكرا للمرور انا صراحة نفس انتظر بس اخاف انو مطنش
فرحت بالفكرة وقلت لاخوي
قال
بس يقولون وصححي لي هذه المعلومة اذا خطأ انو الخاطب حتى لو يبغى البنت بالدنيا لو يعرف انو جاء خاطب غيره وسالوه تبغاها او لا وحتى لو يبغاها يقول لا خلاص يكرها بس مدري

وعن نفسي ما ابغى افرط فيه بس أخاف هو خلاص مطنش بس احترت معه