السلام عليكم ورحمة الله وبركاته

متزوجه لي 6 اشهر
اسكن في شقه بنفس عمارة اهل زوجي
يعني عند خروجي ودخولي لازم امر عليهم واذا عندهم ضيوف لازم انزل لهم

انا بطبيعتي لا اتداخل مع الناس بسرعه وقليلة الكلام ...

مرات ما يكون لي نفس انزل ومرات ما احب اطول شوي واطلع لبيتي

المهم ما عرفت اندمج مع عمي وعمتي وبناتهم .. الى الان علاقتي شبه رسمية
مع انهم يحبون الفله والضحك والتريقه ع بعض

وزوجي دائمآ يجبرني ع النزول ويلومني لعدم الاندماج معهم

وهم ايضآ ما شفناك ؟ ليه ما تنزلي ؟ وكثير من الاسئلة


ماذا افعل تعبت أريد ان ارضي نفسي وزوجي واكسب محبتهم ورضاهم بعد رضى الله ..


مع العلم اني استحي ، قليلة الكلام ، لا اندمج بسرعه مع الناس ،




ارشدوني بارك الله فيكم ورعاكم

__________________
يارب توفيقك """

الله يساعدك .. ويقوي قلبك على مخالطة الناس ..
وبعدين فكري كذا .. مهما صارت العلاقه بينك وبينهم طبيعيه وراحت الرسميات
ايش ممكن يقولوآ لك ؟
بيتريقوا عليك بشكل مو حلو مثلا !
او اذا فتحتي لهم باب الميانه تخافي العواقب!
مافي شيء من هذا كله اعتقد
شوفي ايش مخاوفك وتجاوزيها
عشان تقدري تخالطي الناس وتعيشي بينهم طبيعي

والله انتي نوعا ما معاك حق لو غضينا النظر عن طبعك بصعوبة اختلاطك مع الناس
بنلاقي ان البعد وتجنب الناس وعدم الاندماج فيهم بقوه
خاصه اهل الزوج يعتبر شيء حلو بهالوقت
لان المشاكل بتجي بعد الاندماج هذا

انا من وجهة نظري تتركي العلاقه شبه رسميه على قولتك
يعني انتي مو قاطعتهم بالعكسس...
ومو عشانهم اهل زوجتك كل شوي تنزلي !!
حتى لو كانت رغبة زوجتك كذا
وين رغبتك انتي .. فهميه انك تحبي تجلسي بالبيت تقرأي او تشتغلي او ترتاحي او ليه ماتخرجوآ مكان !!

وبعدين ماعندهم اولاد اهل زوجك!؟
ممكن لو نزلتي بتضايقيهم , واخوك مو منتبه بهالشيء


بهالموضوع اشوف رسميتك وقل كلامك شيء حلو
ونصيحه لو دخلتي معاهم واندمجتي
انتبهي زين لكلامك وتصرفاتك
لانه مهما كانت العلاقه روعه بين اهل الزوج والزوجه
الا يدخل فيها قيل وقال ومشاكل

والله يرحم حالك وياخذ بيدك ويلطف فيك

حبيبتي .. امسكي شعرة معاوية
فلا تندمجي تمام الاندماج و لا تضلي غريبة عنهم ..

بعطيك امثلة ..
** ام زوجك وابوه ... هم اهم شخصصصصين .. هم الي تركزي عليهم و تكسبيهم
اول ماتدخلي تسلمي عليهم و تدعي لهم و تجلسي معاهم بوجه بشوش و تسالي عن احوالهم
اذا طلعتي انتي وزوجك 3 طلعات لحالكم خلي الرابعة مع امه مثلا و خذيها معاكم
كل فترة و فترة اذا رحتي للسوق رجعتي بشي لعمتك او لعمك .. قولي لهم استحليت لكم هذا الشي
مو مهم يكون غالي .. عادي اشياء بسيطة حتى شيلة . عباية جديدة .. مسبحه.. قميص زي كدا

كل فترة و فترة نزلتي لهم طبق من طبخك و ياحبذا لو كان شي اكله هم يحبوها
ساعدي زوجك على برهم اذا اشغلته الدنيا عنهم ..
اذا مرض حد منهم خليك مهتمة فيه و دايمة السوال و يكفي الاجر الي بيجيك منه

ابدا ابدا ابببدا لا تتكلمي عنهم لاي حد حتى لاخواتك
الكلام بينتقل و قد يوصل لهم ..
وعمرك ما تشتكي لزوجك لانهم بالنهاية اهله و بيوقف بصفهم
وحتى لما تتكلمي عنهم لزوجك لا تقولي ابوك وامك .. دايم قولي عمي و عمتي ..
فهذا يشعره انك معتبرتيهم اهلك مش بس اهله ..

بالنسبة لاخواته .. خلي علاقتك معاهم عادية .. سوال و اتصال .. طلعات سوا
اعزميهم عندك مرات .. انزلي اطبخي معاهم مرات
بس ابدا لا تشكي لهم من اخوهم و لا تعطيهم اي اسرااار عنك او عن مشاكلك
خلي بينكم احترام
فمثلا اذا نزلتي عندهم لا تدوري براحتك في ارجاء البيت و استاذني قبل ما تدخلي اي غرفة
بتوصلي لهم نفس الفكرة انك ماتحبي حد يتجول بيبتك براحته


برجع لك بعد شوية

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

عدنا

** اذا حبيتي تزوريهم .. دايما اتصلي و اساليهم هم فاضين ولا لا
عشان كمان هم يسوو نفس الشي لما يحبو يجو عندك ..

** اذا في ضيوف لازم تنزلي تسلمي و تساعديهم شوي
وبعدين اطلعي و انزلي .. المهم تودعي الضيوف معاهم ...
او اذا معاك شي ضروري تستاذني الضيوف انك رايحة و تودعيهم هذيك الساعة
هذه مالها دخل باهل زوجك .. فقط من باب الذوق و اللباقة ..

والله يوفقك و يسهل عليك حبيبتي

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الله يجزاكم خير ي رب

بالنسبة لأهله اخوانه بالبيت ودايما لما انزل ارسل واحد من البزوره يشوف لي الطريق
بس عشان زوجة اخوه دايما كل وقت تجلس مع اهله يقارني فيها .. طيب هي متربيه معاهم ومخلفه وخلاص اتعودت عليهم

انا يوم جيت اخواته ما اخدوا رقم جوالي ولا زوجات اخوانه يحبوا يجمعوا بأي مكان لو ضيق حتى غرف النوم انا ما احب كدا ... ياكلوا بفوضه شوي وانا مو متعوده ع كذا ...


عاداتهم غير عنا
عشان كدا مو مره انا معهم .

__________________
يارب توفيقك """

عزيزتي كوين
اذا نظرتي لهم بهالنظره
طول عمرك لن تجدي الانسجام معهم
ولن تسعدي معهم

شوفي اذا انتِ هاويه متاعب ومشاكل
خلك على حالك
واذا يهمك رضى ربك اولا
وبعدين رضى زوجك وانك تكبري في عينه
فلازم تغيري هالنظره
لانك دائما حتحسي نفسك غريبه عنهم
فلا تلتفتي لوسوسة وتزيين الشيطان
والدنيا فانيه حبيبتي وكلنا بشر
ومخلوقين من طين
ومصيرنا بقبر شبرين في شبر

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام