السلام عليكم ..

انا شاب عمري 19 سنه ..

ربي وفقني والان ادرس تخصص بكالوريوس طب طوارىء ( اخصائي طوارىء ) << احب انصح كل شخص يحب المجال الصحي ويبي وظيفه مضمووونه وراتب ممتاز ان يدخل هذا التخصص لان التخصص نادر جدا وفي المملكه يوجد فقط 100 اخصائي والعدد المطلوب 60 الف اخصائي (على حسب كلام عميد جامعة الملك سعود ) ..

قدر الله علي وحبيت بنت خالتي وهي عمرها الان 16 سنه .. وسبب حبي لها بغض النظر عن شكلها .. فهي بنت متعوده على الشغل من يوم هي صغيره والى الان وشخصيتها عاجبتني وفوق كذا البنت ماهي راعية مكالمات شباب ومن هالكلام ..

انا ودي اخطبها وبعد ما اتخرج ( بعد 3 سنين ) اتزوجها بس حلم اكمال الدراسه يوقف في طريقي .. لاني ناوي اكمل بعد البكالوريوس ..

بالنسبه لمشاعر البنت تجاهي فحصل لي اكثر من موقف معها .. جعلني اعتقد (ان شاء الله) انها مهتمه بي ..

1/ مرات تسوي لي عشاء خاص اذا ما عجبني العشاء حق باقي الرجال ..

2/ وانا كنت مره من المرات اغسل وجهي (وقتها ما كانت تتغطى عني) كانت تقول الشغاله تقول انك حلوو هههههه بس المشكله ان الشغاله مالها كم يوم جايه وما تنطق حرف عربي واحد ههههه وفهمت ان البنت قاعده تلف وتدور

3/ مره كنت اكلم اخوها ع المسن (بالمايك) وسمعت صوتها وقاعده تقول لاخوها "شوف فلان (تقصدني انا) ماشاء الله فاهم كل شيء في الكمبيوتر ههههههههه


هذي المواقف اللي اتذكرها حاليا ..


هو بس سؤال واحد ..


- وش اسوي ؟؟؟

عادي اخطبها اذا انت متاكد من دينة وخلقة وعقليتها وممكن تتزوجها وانت تدرس اذا مكافئتك تفتح بيت وومكن تتملكون وتصصصبر لين تتخرج

تقدم لهاإ قبل لا تطيير منك
لو بس مجرد خطبه بدون عقد

.. الله يسهل اموورك

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

وش تسسوي

كلم الوالد والوالدة ..

وكيييران الليله عندهم ..

والله يبارك

__________________




ربِ هب لي من لدنك ذرية طيبة أنك سميع الدعاء

خير البر عاجله عمرك 19 لكن ما شاء الله الله يكملك بعقلك و يكتبلك الخير

__________________

انا متخوف من ان اهل البنت يقولون ان البنت صغيره على اتخاذ قرار الموافقه او الرفض ..

شاور امك ثم ابوك واذا ما عندهم مانع اتكل على الله لا تطير من يديك. بس لو خطبتها لا تتكلمون كثير بالتلفون لأن مدة الخطبه طويله وممكن تحصل مشاكل من كثر المكالمات. ولا تسوي فيها سبع البرمبه وتمنعها تسوي اي شي وهي ما بعد صارت على ذمتك. خلك الحظن الدافي لها ولو واجهت مشاكل تشكيلك, لا تزيد همها هم. حاول تخفف عنها حتى لو انت شفت انها هي الغلطانه لكن بعد ما تهديها وبعد يوم او يومين اسألها اسأله بسيطه هي تحس من خلالها انها كانت غلطانه. انا مريت بتجربه مشابهه واكلمك من واقع خبره.

بالنسبه لاهل البنت ماهي مشكله لو حاولتو تقنعونهم ان الموضوع خطبه ماهو زواج ولا عقد.

ابشركم كلمت امي .. وقالت لي : خلها السنه الجايه اخطبها لك ، بس والله يا شباب اني خاييف جدا من ان يجي احد ويخطبها قبلي .. هذي البنت كنز وممكن تضيع مني بكل سهوله ..

بس المشكله الكبيره ان الوالد ما يداني ابوها .. لاسباب خاصه .. هل هذا يعني ان الوالد ما راح يوافق ..؟؟