السلام عليكم ورحمة الله وبركاته

اخواني الافاضل لدي مشكلة وحاب استشيركم ايمانا مني بحديث رسولنا وحبيبنا محمد عليه الصﻻﻻة والسلام

راح ابدا بشرح المشكلة
ام زوجتي قوية شخصية لدرجة ان والد زوجتي مايقدر يعارضها بشي اطﻻقا
انا متزوج من سنتين ولدي ابن الان الله يحفظة الحمدلله كل اموري تمام
المشكلة ان والدة زوجتي دائما تحاول تفرض رأيها علي وتتدخل وزوجتي كل شي يحصل بيننا تقوله لها
رغم انها تقولي احبك وﻻاقدر استغني عنك لاكني احسها احيان تميل لامها
اليوم كنت متواجد عندهم طبعا هي معودة امها كل شهر تعطيها 500 من حافز قلت لها ذا الشهر لاتعطينها لاننا مزنوقين قالت طيب اصلا هي ماتطلب المهم جلست وهي مليانه علي زوجتي عشان تبرر موقفها قالت لها اني اخذت البطاقة حقت الصراف
المهم قالت لي بنتي مالها شغل تصرف على بيتك قلت انا ماعمري جبرتها على شي اساليها طبعا احيان لما افلس اطلب منها تشتري للبيت والولد بدون ماجبرها
الزبدة قالت انت حاسدني على 500 قلت ابدا لاكن مزنوقين التفت في زوجتي وقلت برضنا كلشي بأذن امك قالت ام زوجتي لاتخافين لو يمد يده رشيته بدمه!! رغم اني ماعمري مديت يدي عليها رغم طول لسانها احيانا وقدام اهلها لاكني اكبﻻ عقلي المهم قلت تخسين وماسمح لك تدخلين بحياتنا انا احترمك واقدرك كام زوجتي غيره مالك شي عندي
قالت بدخل وبسوي المهم قمت وقلت مالي كﻻم مع حريم انا اتفاهم مع عمي
طلعت عمي وقتها جا شافنا نتهاوش وشرد
رجعت بعد ساعه ناديت عمي برا وشرحت له قال ترى امك زوجت تحبك ومو من قلبها قلت له ناد بنت واسالها اذا يوم من الايام اسأت معاملتها او اخذت منها ريال واحد بدون اذنها قالي ماعليك ونزل معانا الاستراحه عشان العيد قلت ماني نازل اعذرني قال وزوجتكةقلت خلها تنزل واجي اخذها بوقت ثاني المهم الح علي انزل ورفضت قلت انا اقدرك كوالدي لاكن ياعم انا ارفض احد يتدخل بحياتي
اليوم عيد والمشكلة هذي عفست مزاجي احس ان كرامتي انجرحت
عمري 25 وعمر زوجتي 21
طولت عليكم واعتذر منكمةلسوء التعبير والشرح والله مالي مزاج وﻻنفس لشي وكل عام وانتم بخير

و انت بجد ليه تمنع البنت انها تعطي لامها ؟

حاول تكون اكثر دبلوماسية بطريقة كلامك مع حماتك

مامنعتها بس قلت ذا الشهر حاولي ماتعطين امك ووافقت لاكن الظاهر امهاةعتبت عليها وببررت موقفها على حسابي والام مليانه من اول وفشت خلقها
من ناحية كﻻمي انا دائم اتجني المشاكل واكونوهادي حتى احيان ترمي كﻻم وتستفزني بس ماعطيها مجال اطنش مدري كيف جت معي ذي المره

سبب ان الام مشحونة من اول زوجتي عطت كل ذهبها ﻻهلها وباعوه وطلبت من بيوم من اﻻيام مبلغ كبير ورفضت قلت خذيه من اهلك الي عطيتهم ذهبك ...

السلام عليكم ورحمة الله تعالى وبركاته

وكل عام وانت بخير وصحة وسلامة يارب

شوف ياخوي
اكبر غلطة سويتها انك تدخلت بين البنت وأمها!! وحظك العاثر حطك معاهم في موضوع مادي!!
ماتدري ان المرأة تبيع الأولي والتالي عشان الفلوس!! المادة عند المرأة هي الرئة اللي تتنفس فيها عشان تعيش!!

وبصراحة مادري كيف سمحت لامها أنها أتكلمك وتاخذ وتعطي معاك ب هالطريقة!! المفروض مالك علاقة فيها!! وعلاقتك فيها
تكون بحدود الهيبة والوقار والإحترام والتقدير!! والرجال اللي يحشر لحيتة بين الحريم يا اما انه يتحمل اللي يجية أو لا يتشكى!!

الحل الحين الآتي
1- تقطع علاقتك بأمها نهائياً ولاعاد تروح تقعد عندهم!! سلم على عمك وأمش
2-لاتتدخل بين مرتك وأمها نهائياً ولاعاد تطلب من مرتك فلوس!! شيم لحيتك عن الحريم ومنتهن
3- أمسك مرتك وقولها وحدة من الثنتين يا أما أنك تعيشين عندي معززة مكرمة وتاج على راسي وتحفظين خصوصيتنا او الله يغني كلن منا من فضلة.
4- أقطع البنت عن أمها فترة شهر وقولها زيارات ماكو الحين!! عشان تتأدب أمها شوية وإذا شفت أمها قامت اتماطل أمنع زوجتك عنها إلى إشعار اخر.

عزز رجولتك وأصنعلك هيبة
ترى الحريم إذا شافن قاع باردة أحرقنها

موفق.

__________________
استغفر الله واتوب إليه

مع احترامي ..
بنت وتعطى أمها من حر مالها انت ايش علاقتك ؟!!
مزنوق او غير مزنوق هذى مو مشكلتها ...

و تأخذ منها فلوس و تقول انا ما غصبتها !! طيب طلبت منها حتى لو ما غصبتها
و تمنعها تعطي أمها و تقول ما غصبتها !!

افرض ان زوجتك هي اللى ما نعتك تعطى امك ، هل راح تسمع منها ؟؟! أكيد لا

يا خوي هذى أمها عارف يعنى ايش أمها ...
لو مكان زوجتك كان أعطيها لو تبغى فلوسي كلها تفداها و لا انتظر إذن من زوجي
و لا اسمح له يكلم آمي بهذا الطريقة مهما صار ..

انت الغلطان ..
فلوسها و تصرف منها على البيت و الولد وهذا دورك وانت المسؤول
و كرم منها تبرعت و صرفت معك
أمها و من حقها على بنتها تعطيها بما انه مو من مالك و لا لك اي حق بمنعها
و حرمه بعمر امك الواجب تكلمها باحترام مثل ما تكلم امك ..
و لو أحسنت لها راح تكسبها باخلاقك ..

حبيبي اس ...
انت الله يهديك مادامك تعرف ان ام زوجتك قوية كان المفروض تخلي علاقتك بها جدا جدا رسمية ... وحاول تخلي زياراتك نادرة ..
عموما ماهو حلو الوضع لك كذا ولا لهم .... بعدين اذا استقرت الامور و صفا الجو خلك رسمي .. اذا عزموك بالبيت اعتذر بكل لباقة و قل لهم ودي اجي لكن والله مشغول مرة وهكذا ... و اتصل و سلم علي خالتك مرة بالشهر بالتلفون ...
ونصيحة علي 500 ريال ما ودك بوجع راس مرة ثانية ... حتي لو كنت بتموت لاتسأل زوجتك فلوس .. لان الوضع ماهو مستاهل ...

بعدين لو انا مكانك وقت ما قالت خالتك ( ارشه بدمه ) ، قل لها حاشاك يا خاله ، و اجلس 5 دقايق ثم اخترع لك عذر و اطلع من البيت احسن من تأزيم الامور ..
او لو شفتها ناوية شر مرررررة اعتذر و اطلع من البيت علي طول ...

ونصيحة رجع ال 500 لزوجتك و اكد عليها انك ما تبي احد يتدخل ابدا في اموركم الشخصية ولا الجني الازرق ... لكن لاتحرمها تزور امها لان البنت اهم ما عليها امها ، ولو حرمتها راح تكرهك ...


بعدين معليش تري يوم خالتك قالتك بنتي ماهي مجبورة تصرف علي بيتك ، كان علي طول قفلت الموضوع و قلت هذا شئ بيني و بين زوجتي وما ودي اتكلم فيه ابدا و غير الموضوع ....




نواف

اخوي نواف انا ماخذت الفلوس او منعتها تعطيها انا كلمت زوجتي بكل اريحيه وقالت اوكي ويوم قالت امها بنتي مو مجبورة اناةقلت مالك علاقة ابدا وﻻاسمح لك تدخلين وﻻمنعتها تعطيها اساسا قبل قلت لها هالشهر فقط قالت طيب واصلا امي ماقد طلبتني

هلابك اخوي وشكرا لمرورك وابداء رأيك ممنون لك وكل عام وانت طيب

أولاً) عيدكم مبارك.
ثانياً) لدي بعض الأسئلة:
أ- هل زوجتك تنقل أسرار حياتكما لأمها؟
ب- هل الوضع المادي لأهلها غير جيد؟
ج- هل لدى زوجتك أخوات متزوجات؟ وإن كان يوجد فكيف تعامل أزواجهن مع أم زوجتك؟
د- هل بينك وبين أمها صلة قرابة؟
هـ- كيف شخصيتك أنت؟ هل أنت دبلوماسي أم قوي صريح؟
و- ما هو الأسلوب الأمثل من وجهة نظرك للتعامل معها؟
ثالثاً) أجبني بصراحة.. ثم سأجيبك إن شاء الله.